ЯҢАЛЫКЛАР
Бүген 19:45 һәм 22:45 сәгатьләрдә «Эфир» телеканалында Татарстан Республикасы гидлары һәм гид-тәрҗемәчеләрен аттестацияләү темасына «ТЕМА» тапшыруының туры эфирын карагыз.
ТР Туристлык буенча дәүләт комитетында РФ Дәүләт Думасы депутаты Артем Прокофьев җитәкчелегендәге эшче төркемнең РФ Дәүләт программаларын, федераль максатчан программаларны һәм башка проектларны гамәлгә ашыруда Татарстан Республикасының катнашуы мәсьәләләре буенча чираттагы утырышы узды.
Биш ел инде безгә Минскидан туры рейслар оча. «Казан» халыкара аэропортының Беларусь Belavia авиакомпаниясе белән хезмәттәшлеге безгә дустанә ил белән тарихи элемтәләрне ныгыта һәм Татарстанга туристлар агымы артуга ярдәм итә.
18-19 майда Казанда узачак «Россия – Ислам дөньясы: KazanForum» XIV халыкара икътисадый форумында катнашучылар һәм кунаклар өчен форум беткәч экскурсия программасы планлаштырылган.
Ул Татарстанның төп истәлекле урыннары, шул исәптән республика территориясендә урнашкан ЮНЕСКО Бөтендөнья мирасы объектлары белән танышырга мөмкинлек бирәчәк.
2023-2024 елларда модульле капиталь булмаган урнаштыру чаралары (глэмпинглар) булдыруга субсидия алуга дәгъва итүче, бүгенге туры эфирда катнашучыларга рәхмәт белдерәбез.
РФ Икътисадый үсеш министрлыгы тарафыннан 2023-2024 елларда модульле капиталь булмаган урнаштыру чаралары (глэмпинглар) булдыру буенча проектларга дәүләт ярдәме күрсәтүгә конкурс игълан ителде.
24 апрельдә 15:00 сәгатьтә (дүшәмбе) ТР Туристлык буенча дәүләт комитетының телеграм-каналында туры эфир узачак, анда конкурста катнашу шартлары турында фикер алышачаклар.
Катнашырга чакырабыз!
Туры эфир тыңлаучылары үзләрен кызыксындырган барлык сорауларны бирә алачак.
Бүген ТАТАР-ИНФОРМ мәгълүмат агентлыгы мәйданчыгында матбугат конференциясе узды, ТР Туристлык буенча дәүләт комитеты рәисе Сергей Иванов май бәйрәмнәрендә туристлар агымы, кунакханәләрнең тулу-тулмавы, Мәскәү һәм Санкт-Петербургтан чартер очышлары, «Казан – Йошкар-Ола – Түбән Новгород – Владимир» маршруты буенча поездларда туристлык сәяхәтләре, Татарстан районнары буйлап кая барырга кирәклеге, шулай ук елга навигациясенең башлануы һәм туристлар өчен теплоходларда йөрү буенча тәкъдимнәр турында сөйләде.
Моннан тыш, республикага килүче туристларга уңайлы булсын өчен, Татарстанда җиңел ориентлашырга мөмкин булган «Tatarstan Tourist Pass» мобиль кушымтасы эшләп бетерелгәненә дә игътибар итте.
17-20 апрельдә Татарстан Республикасының Туристлык буенча дәүләт комитеты, Pegas Touristik туроператоры белән берлектә, Россиянең төрле шәһәрләреннән – Мәскәү, Иркутск, Архангельск, Вологда һәм Санкт-Петербургтан 30 турист өчен реклама-мәгълүмати тур үткәрде.
Кунаклар Татарстанның истәлекле урыннары һәм туристлык үзәкләре белән танышты. Өч көн эчендә алар «Казан Кремле» музей-тыюлыгында, Раифа Богородица ирләр монастыренда, Зөя утрау-шәһәрчегендә булдылар.
Кунаклар шулай ук Бөек Болгарда һәм аның территориясендә урнашкан биш йолдызлы «Kol Gali Resort & Spa» кунакханә комплексында да булдылар.
Бүген Биләр Палас кунакханәсенең конференц-залында Татарстан Республикасының туристлык-рекреацион потенциалы презентацияләнде.
Кичә Петербург партнериаты кысаларында «Халыкара һәм эчке туристлык: үсеш перспективалары» сессиясендә катнашучылар өчен Татарстан Республикасының туристлык-рекреацион потенциалы презентацияләнде.
Презентация кысаларында республиканың төп истәлекле урыннары, туристлар өчен булган инфраструктура һәм Россиядә аналоглары булмаган «Лаеш» туристлык территориясе проектын гамәлгә ашыру планнары турында мәгълүмат тәкъдим ителде, аның кысаларында 73 гектар мәйданда туристларны бөтен сезонга урнаштыру өчен объектлар – 3 һәм 4 йолдызлы кунакханәләр, СПА-үзәкләр, рестораннар, глэмпинглар һәм пляжда ял итү оештырылачак.
Чарада Санкт-Петербург, Коми Республикасы, Свердловск өлкәсе хакимият органнары җитәкчеләре, шулай ук 1000нән артык кече һәм урта бизнес вәкилләре катнашты.
«Туристлык һәм кунакчыллык индустриясе» илкүләм проекты чараларын гамәлгә ашыру кысаларында Россия Икътисадый үсеш министрлыгы 2023 һәм 2024 елларда федераль бюджеттан Россия Федерациясе субъектлары бюджетларына модульле капиталь булмаган чаралар булдыру буенча инвестицион проектларга дәүләт ярдәме күрсәтү өчен субсидияләр бирү һәм бүлү өчен конкурс сайлап алуын игълан итә.
Конкурс сайлап алуы Россия Федерациясе субъектларыннан алынган гаризалар нигезендә Россия Икътисадый үсеш министрлыгы тарафыннан турыдан-туры башкарыла.
Субсидия күләме модульле капиталь булмаган урнаштыру чарасында бер номерга (бер яки берничә торак бүлмә һәм (яки) бер-берсенә тоташтырылган һәм индивидуаль бәдрәф, юыну урыны һәм душ белән җиһазландырылган) 1,5 млн.сумнан артык һәм инвестиция проекты бәясенең 50 проценттан артык була алмый.