ЯҢАЛЫКЛАР

Яңа ел бәйрәмнәре чорында Татарстан Республикасына 140 000 турист килә.

Кунакларны бәйрәм көннәрендә кабул итү өчен республикада 308 классификацияләнгән кунакханә, хостел, шифаханә һәм ял базалары эшли. Казан шәһәре һәм Татарстан Республикасы кунакханәләре ассоциациясе мәгълүматлары буенча, 31 декабрьдән алып 2 гыйнварга кадәр вакыт аралыгында кунакханәләр 79 процентка, 2022 елның 2 гыйнварыннан алып 9 гыйнварына кадәр вакыт аралыгында 90 процентка тула.

РФ Хөкүмәте Россия буенча сәяхәтләр программасын гамәлгә ашыруны дәвам итә, һәм киләсе елга туризм буенча Илкүләм проект кысаларында бу максатлар өчен 5 млрд.сум акча каралган. 2022 елның 18 гыйнварында сатуларның бишенче этабы башланып китә, ул 12 апрельгә кадәр дәвам итәчәк.

Хөрмәтле дуслар!

Республика халкын һәм килгән кунакларны, туризм индустриясенең барлык вәкилләрен якынлашып килүче Яңа ел белән котлыйм!

Бу ел кризислы вәзгыятьтән чыгу елы булды һәм Татарстан Республикасының  туризм өлкәсендәге һәр вәкилнең бердәм команда эше нәтиҗәсендә тармак баскан урынында чыдап кына калмыйча, уңышлы үсеш юлын дәвам да иттерә алды. Моңа Россия Федерациясе Хөкүмәте һәм Татарстан Республикасы ярдәме дә өлеш кертә.

Быел Казанны Россиянең гастрономия башкаласы итеп таныдылар!

Сентябрьдә Мәскәүдән субсидияләнгән чартер рейслары программасына старт бирелде – Татарстан турбизнесы өчен бу Россия туристлары белән эшләүнең яңа форматы, ул үсеш перспективаларын ачып җибәрә.

Глэмпинглар үсә, һәм республикада әлеге ял төрен үстерү өчен потенциал бик зур дип әйтергә мөмкин. 2021 елда Татарстан Республикасы территориясендә глэмпингларны үстерүгә бәйле 10 проект Туризм буенча федераль агентлыктан грант ярдәме алды.

Тарихта беренче тапкыр EuroSkills Graz 2021 һөнәри осталык бәйгесе буенча «Кунакханә белән идарә итү» юнәлешендә алтын медаль иясе булган Сагдиана Рөстәмованы тагын бер кат тәбрик итәсе килә.

Эчке туризм буенча «Ял көннәрендә 1001 ләззәт» программасы үсә. Быел программага Алексеевск районы кертелде.

Иске елны озатып, туризм тармагының барлык вәкилләренә башкарган эшләре өчен зур рәхмәт әйтәсем килә! Безнең берләшүебез, гомуми максатларда ышанычлы булуыбыз – иң мөһиме, эшебездә һәм планнарыбызны тормышка ашыруда ярдәм итә.

Россия Федерациясе һәм Татарстан Республикасы Хөкүмәтенә туризмның бөтен тармагына ярдәм күрсәткәне өчен рәхмәт белдерәсем килә. Бу – туризмда кэшбек программасы, ул Россия халкына үзе өчен илне ачарга ярдәм итте, һәм илкүләм проектны эшләтеп җибәрү, һичшиксез, туризм өлкәсен бөтенләй яңа, югары дәрәҗәгә чыгарырга ярдәм итәчәк.

Эшегез һәм аны үтәүдә җаваплы булганыгыз өчен, Татарстан Республикасы Туристлык буенча дәүләт комитетының бөтен командасына аерым рәхмәт белдерәсем килә.

Әлбәттә, сәяхәтләре өчен Татарстан Республикасын сайлаган туристларга да зур рәхмәт! Без һәр кунакка шат һәм сез моны сизәсездер, дип ышанабыз!

Киләсе Яңа 2022 ел белән! Киләсе ел бәхет, шатлык һәм күп кенә яңа ачышлар китерсен!

31 декабрьдә Казанның Габдулла Тукай исемендәге аэропортында TUI Россия туроператоры тарафыннан Туризм буенча федераль агентлык (Ростуризм) һәм Татарстан Республикасы Хөкүмәте ярдәмендә оештырылган Мәскәүдән яңа ел чартер рейсы төпләнде.

Яңа ел рейсы 100 дәрәҗәсендә йөкләнгән иде. Мәскәүдән 219 туристны Кыш Бабай һәм Шүрәле каршы алды. Бу «Ямал» авиакомпаниясе тарафыннан башкарылган беренче рейс, алдагы даталар – 3, 6 һәм 9 гыйнвар. Татарстан Республикасына турлар бәясе бер кеше өчен 14,4 мең сумнан башлана.

Исегезгә төшерәбез, бу туроператорның икенче чартер программасы. Мәскәүдән беренче чартерны Татарстан башкаласында 2021 елның 13 сентябрендә каршы алдылар. Ул вакытта бортның йөкләнеше 95 дәрәҗәсендә иде. 

Татарстан Республикасының Туристлык буенча дәүләт комитеты рәисе Сергей Иванов программага ихтыяҗ булуы турында болай дип ассызыклады: «Чартерлар белән Россия буенча сәяхәт форматы үзгәрде, элек бу чит ил өчен актуаль иде, хәзер барысы да үзгәрде, бу – сизелерлек экономия. Өстәвенә, оештырылган трансфер, программа. Туристларга берни турында да борчылырга кирәкми, барысын да туроператор кайгырта». 

Сергей Иванов сөйләгәнчә, тур кысаларында мәскәүлеләр бәйрәмчә бизәлгән Казанны күрәчәк, аларны шәһәрнең тарихи өлеше белән таныштырачаклар, шәһәр читендәге объектларны, Татар Кыш Бабае биләмәсен һәм башка бик күп нәрсәләрне күрсәтәчәкләр.

«Мәскәүдән килгән кунаклар безнең кунакчыллыкны күрерләр һәм «1001 ләззәт» алырлар дип өметләнәбез», – диде Дәүләт комитеты рәисе.

 Чартер программа Казан-Мәскәү юнәлеше буенча да эшли. Бу чартерда пакет турларының бәясе – бер кеше өчен 19,5 мең сумнан башлана. Татарстан кунакларына башкалада экскурсия программалары тәкъдим ителә. Алар арасында Мәскәү Кремле буйлап экскурсия, Мәскәү елгасы буйлап «Рэдиссон» флотилиясе яхтасында йөрү, Сокольники паркы буенча «Яңа ел әкияте иленә сәяхәт» экскурсиясе, чыршы уенчыклары музей-фабрикасында булу, «Тайна и легенда ВДНХ» җәяүле экскурсиясе, «Минем Яңа ел башкалам» автобус-җәяүле экскурсиясе, Мәскәү Кремлендә булу һәм башкалар бар.

Яңа ел төнен Казанда үткәрәбез!

Татарстан башкаласына килегез һәм Яңа 2022 елны каршылагыз.

Казанның бәйрәмчә бизәлгән урамнары – төрле төстәге гирляндалар, ялтырап торган арт-объектлар һәм җемелдәп торган иллюминация – тылсымлы кәеф тудырачак.

Сезне «Казан» гаилә үзәге янында Казанның төп чыршысы көтә, алай гына да түгел.

Казан кунакларын Яңа ел парклары буйлап йөрергә, Казан һәм Санкт-Петербург театрлары артистларыннан бәйрәм тамашаларын карарга чакыралар

Яңа ел төнендә барлык рестораннар 03:00 сәгатькә кадәр эшли.

Сезне Казан кунакханәләре көтә! Урыннар бар!

Татарстан Республикасы Инвестиция үсеше агентлыгы муниципаль берәмлекнең инвестицион җәлеп итүчәнлеген иң яхшы тәкъдир итүгә республика иҗади конкурсын игълан итә. Конкурсның иганәчесе – Haier компаниясе.

Бөтен дөньядан инвесторлар өчен нәкъ менә Сезнең районның Татарстан территориясендә иң көтеп алынган район икәнен исбат итегез!

Конкурста катнашу өчен Агентлык адресына (электрон почтага: airt.press@tatar.ru) үзегезнең газиз муниципаль берәмлек (район, шәһәр) турында презентация материалы җибәрергә кирәк, ул Сезнең районның инвестор өчен уникаль конкурент өстенлекләре турында сөйләргә тиеш.

(Конкурста катнашу буенча таләпләр түбәндәрәк, хатта)

Конкурс 15 декабрьдә башлана һәм видеороликлар җыю 15 гыйнварның 23:59:59 сәгатенә кадәр дәвам итәчәк. Нәтиҗәләр Агентлыкның йомгаклау коллегиясендә 2022 елның 20 гыйнварында игълан ителәчәк. Сайлау эксперт комиссиясе тарафыннан Агентлык һәм видеопродакшен һәм маркетинг өлкәсендәге чакырылган экспертлар составында гамәлгә ашырылачак. Ә төп приз Haier компаниясенең көнкүреш техникасы булачак!

Без Сезнең гаризаларыгызны көтеп калабыз!

Агентлык барлык катнашучыларга да уңышлар һәм күбрәк креатив идеяләр тели!

Элемтә өчен – Габбасов Рәмис Илһам улы, ТР Инвестиция үсеше агентлыгы матбугат сәркатибе

тел.: 8 960 039 17 37

e-mail: ramis.Gabasov@tatar.ru

ТАЛӘПЛӘР

Ролик түбәндәге сорауларга җавап бирергә тиеш:

- Ни өчен инвестор нәкъ менә шушы муниципаль берәмлекне сайларга тиеш?

КИҢӘШЛӘР

- Видеоны төзегәндә стандарт булмаган якын килү һәм креативлык

- Әһәмиятле объектлар яисә вакыйгалар

- Инвестор ягыннан уникаль 2-3 өстенлек (мәсәлән, районның логистика һәм салым өстенлекләре – тасвирлау өчен «уникаль» дип аталмый торган).

ТЕХНИК ЯГЫ

- Ролик 2:00 минуттан да артык дәвам итмәскә тиеш.

Жанрлар һәм форматлар буенча чикләү юк.

- Роликта графика да, ретушь та булырга мөмкин.

- Ролик өчен элек төшерелгән, әмма инвестицион җәлеп итүчәнлекне арттыру максатларында файдаланылган һәм Агентлык ресурсларында урнаштырылмаган материаллар кулланылырга мөмкин.

- Балигъ булган Россия Федерациясе гражданнары, йә аларның балигъ булган вәкилләре катнаша ала.

ЭТИКА ТАЛӘПЛӘРЕ

Роликта БУЛМАСКА тиеш:

- Норматив булмаган сөйләм

- Көчләү

- Олыларга багышланган контент

- Шаккаттыргыч (җирәндергеч, тетрәндергеч) күренешләр

- Зыян салу яисә куркыныч гамәлләр

- Дискриминацияли торган сүзләр

- Корал күренешләре

- Бәхәсле сораулар

Роспотребнадзорның Татарстан Республикасы буенча идарәсе игътибарыгызны шуңа юнәлтә: чит илләрдән (шул истәптән туристлык сәфәреннән) кайтучы Россия Федерациясе гражданнары Россия Федерациясе Баш дәүләт санитария табибы А.Ю. Попованың «COVID-2019 таралуын булдырмау максатларында изоляция режимын тәэмин итү турында» 2020 елның 18 мартындагы 7 номерлы карары таләпләрен үтәргә тиеш, ә атап әйткәндә:

Рейска теркәлгәннән соң дәүләт һәм муниципаль хезмәтләр күрсәтүнең бердәм порталында (https://www.gosuslugi.ru) анкета тутырырга. Россиягә килеп җиткәннән соң, COVID-19 каршы прививка ясатмаган һәм соңгы 6 айда COVID-19 белән авырмаган кешеләр 3 календарь көн эчендә COVID-19 буенча ПЦР-тест тапшырырга тиеш. Дәүләт һәм муниципаль хезмәтләр күрсәтүнең бердәм порталында 4 календарь көн эчендә анкета тутырырга һәм анда ПЦР-тест нәтиҗәләрен күрсәтергә, яисә вакцина узган кеше сертификатын яисә авыру турында белешмә күрсәтергә кирәк.

Әлеге чараларны үтәмәү Административ хокук бозулар турында РФ кодексының 6.3 ст. 2 өлеше буенча хокук бозу буларак квалификацияләнә, аның өчен 40 мең сумга кадәр административ штраф рәвешендә җаваплылык каралган.

Карар таләпләрен үтәү һәм хокук бозуларны профилактикалау максатында чит илләргә баручы туристлар өчен дәүләт һәм муниципаль хезмәтләр күрсәтүнең бердәм порталында анкета/формалар тутыру буенча Белешмәлек һәм Кулланма әзерләнгән: https://tourism.tatarstan.ru/v-pomoshch-turistam-i-uchastnikam-turistskogo.htm?pub_id=3072993

2022 елның 3 гыйнварыннан «ЮВТ АЭРО» авиакомпаниясе Казан — Элиста маршруты буенча яңа очыш юнәлешен ачып җибәрәчәк.

Калмыкия Республикасы башкаласы Элистага туры рейслар атнага ике тапкыр дүшәмбе һәм җомга көннәрендә 50 урынга исәпләнгән CRJ - 200 очкычларында башкарылачак.

Казаннан Элистага кузгалу – 09:30, Элиста аэропортына килү 11:30 сәгатьтә планлаштырыла. Элистадан кайтыр юлга кузгалу – 12:30, Казан аэропортына килү – 14:35.

Татарстан Республикасы һәм Калмыкия Республикасы арасында турыдан-туры һава юллары булдыру, һичшиксез, һәр як өчен дә туристлык мөмкинлекләрен киңәйтәчәк.

Калмыкия Республикасы башкаласы безнең илдә иң экзотик туризм юнәлешләрнең берсе булып санала. Элистага көнчыгыш колориты, буддизмның изге урыннары, чиксез далалар хакына баралар. Көнчыгыш традицияләренең һәм заманча Европа мәдәниятенең искиткеч ярашуы дөньяның бер генә шәһәренә дә охшамаган кабатланмас кала йөзен тудыра.

Юлда үткән вакыт 2 сәгатькә сузылачак. Бер якка булган билет бәясе, авиакомпания сайтында сатып алу шарты белән, 5 мең 90 сумнан башлана. Рейслар турында белешмә һәм өстәмә мәгълүматны авиакомпаниянең http://uvtaero.ru сайтында алырга мөмкин.

Күңелле сәфәрләр теләп калабыз Сезгә!

«Ял көннәрендә 1000 һәм 1 ләззәт» программасының Яңа ел версиясенә Бөек Болгар, Алабуга, Чистай, Балык Бистәсе, Кама Тамагы, Саба һәм Алексеевск районнары кертелгән.

3 гыйнвардан ике көнлек сәяхәтне бер үк бәя – бер кешегә 2700 сумнан алырга була. Бу суммага җирле кунакханәдә ике көн дәвамында яшәү, шул исәптән төннәрен дә кертеп, иртәнге аш, ике төшке аш һәм ике экскурсия кертелгән. Шул ук вакытта туристлык үзәкләре программаларында тәкъдим ителгән яңа ел рәхәтлекләре дә кертелгән монда.

Бүген Татарстан Республикасы Туристлык буенча дәүләт комитеты рәисе урынбасары Айгөл Балахонцева Санкт-Петербург шәһәренең «Бон тур» туроператорының 15 турагенты өчен Татарстан Республикасының туристлык потенциалын тәкъдир итте.

Очрашу 21-24 декабрьдә реклама туры кысаларында узды. Туроператорлар Казан, Зөя утрау-шәһәрчегенең истәлекле урыннары белән таныштылар, Иннополиста, Кыш Бабай биләмәсендә булдылар. Шулай ук Санкт-Петербург турагентлары форд Казан кунакханәләрен һәм номерларын карый һәм бәяли алдылар.