ЯҢАЛЫКЛАР

Татарстан Республикасында Яңа ел бәйрәмнәре башлана. Ярминкәләр, квестлар, яңа ел тамашалары, хәйрия спектакльләре һәм Яңа ел бәйрәмнәре туристларны көтә.

2021 елның 20 декабрендә «Сәйдәш» мәдәният үзәгендә «Туризм лидеры» республика конкурсында җиңүчеләрне бүләкләү тантанасы булды.

Конкурста туриндустрия предприятиеләре (Татарстан Республикасының туристлык оешмалары), музейлар һәм музей-тыюлыклар, туризм өлкәсендә уку йортлары, муниципаль берәмлекләр, экскурсия уздыручылар, туризм инфраструктурасын оештыру (отельләр һәм кунакханәләр, күңел ачу комплекслары, туклану предприятиеләре, сувенир компанияләр) катнаша.

Конкурсның максаты – туризм базарында иң яхшы катнашучыларны һәм юнәлешләрне ачыклау, Татарстан Республикасында заманча югары нәтиҗәле һәм көндәшлеккә сәләтле туристлык комплексын оештыру бурычын хәл итүдә туристлык бизнесының тырышлыгын берләштерү һәм этәргеч ясау.

16 декабрьдә Татарстан Республикасы Туристлык буенча дәүләт комитетының туристлык продуктын таныту бүлеге җитәкчесе Виктория Спиридонова Татарстан Республикасының туристлык мөмкинлекләрен тәкъдим иткән. Ул республиканың туристик потенциалы турында сөйләгән.

Шулай ук презентацияләр белән түбәндәгеләр дә чыгыш ясады: Мария Хитева, туризм үсеше буенча директор урынбасары – ул Зөя утрау-шәһәрчегендә Яңа ел бәйрәмнәренә интерактив бәйрәм программаларын тәкъдир итте, Кыш бабай биләмәсенең генераль директоры Юлия Таланова – Кыш бабай биләмәсенең кышкы сезонын ачу турында, «Могҗизалар урманы» паркы һәм өлкәннәр һәм балалар өчен ел әйләнәсе эшли торган интерактив парк турында сөйләде.

Татарстан Республикасының иң яхшы волонтерларына бүләкләр тапшырылды.

Туризм өлкәсендә волонтер номинациясендә «Татарстан Республикасы туристлык волонтерлары ассамблеясе» АКО волонтеры Белоусов Олег Сергеевич җиңүче булды

Премия лауреатлары булып «Татарстан Республикасы туристлык волонтерлары ассамблеясе» АКО волонтеры Фәйзуллина Алена Камил кызы һәм Татарстан Республикасы Буа районы вәкиле Ситов Данил Дмитриевич танылды

Иреклелек (волонтерлык) өлкәсендә 2021 елгы «Игелекле Татарстан» республика премиясе (алга таба – Премия) ел саен Татарстан Республикасы территориясендә иреклелек (волонтерлык) эшчәнлеген гамәлгә ашыруда күренекле нәтиҗәләр өчен ирекле кешеләрне (волонтерларны) ачыклау, аларга ярдәм итү һәм бүләкләү максатында конкурс форматында үткәрелә.

Премияне Татарстан Республикасы Яшьләр эшләре һәм спорт министрлыгы, «Татарстан Республикасы Иреклелек мәгълүмат-ресурс үзәге» автоном коммерциясез оешмасы белән берлектә оештыра.

Бүген, «Татар-информ» мәгълүмат агентлыгында республика халкы һәм кунаклар өчен Татарстан Республикасында Яңа ел чараларына багышланган матбугат конференциясе узды

Матбугат конференциясе спикерлары булып түбәндәгеләр чыгыш ясады:

Сергей Евгеньевич Иванов – Татарстан Республикасының Туристлык буенча дәүләт комитеты рәисе, Гүзәл Әсгатовна Сәлмәнова – Казан шәһәренең Туризмны үстерү комитеты директоры урынбасары, Розалия Миргалим кызы Нургалиева – Татарстан Республикасы Сынлы сәнгать дәүләт музее директоры, Светлана Александровна Коновалова – «Казан Кремле» дәүләт тарих-архитектура һәм сәнгать музей-тыюлыгының фәнни эшләр буенча директор урынбасары, Ксения Викторовна Хаҗиева – Казан Союзмультпарк директоры.

15 декабрьдә Profi.Travel порталында Кыш Бабай һәм Кар Кызы биләмәсенә багышланган вебинар булды. Сәламләү сүзе белән Туристлык буенча дәүләт комитеты рәисе Сергей Иванов, шулай ук резиденциянең генераль директоры Юлия Таланова чыгыш ясады – ул резиденциядә, «Могҗизалар урманы» паркында кышкы сезон ачылу һәм өлкәннәр һәм балалар өчен ел әйләнәсе эшли торган интерактив парк турында сөйләде.

Исегезгә төшерәбез, Profi.Travel – ул Россия һәм БДБ илләренең туризм базарларында 20 елдан артык эшләүче комплекслы мәгълүмат ресурсы. Әлеге портал иң заманча реклама технологияләрен кулланып, туристлык базарының В2В-сегментында турпродуктларны һәм дестинацияләрне digital-таныту буенча махсуслашкан. Profi.Travel порталын Россия һәм БДБ илләренең 100 меңнән артык турагенты укый

Санкт-Петербургтан Казанга рейслы туризм автобуслары Visit Tatarstan бренды төсләренә буялгач, билет сату кълщме 10 процентка арткан. Бу хакта «Татар-информ» МА корреспондентына Ecolines rus компаниясе генераль директоры Андрей Волков сөйләде.

«Без мондый чишелеш тәкъдим иткән Татарстанның Туристлык буенча дәүләт комитеты карарына нык гаҗәпләнгән идек. Әмма автобуслар линиягә чыккач, рейсларның тулылану дәрәҗәсе 10 процентка артты», — дип билгеләп үтте агентлык әңгәмәдәше.

Волков сүзләренчә, бу Visit Tatarstan брендының ачык дизайны ерактан күренеп торуы һәм Санкт-Петербург халкы өчен үзенчәлекле реклама щиты булып хезмәт итъе аркасында шулай килеп чыккан.

Компаниянең рейслары Санкт-Петербургтан Казанга һәм кирегә таба бу елның июненнән йөри башлаганнар. Волков билгеләп үткәнчә, мондый маршрутлар өчен иң популяр чорлар – август һәм Яңа ел каникуллары.

Генераль директор билгеләп үткәнчә, алда булачак бәйрәмнәр чорында барлык билетлар да диярлек сатылган һәм компания хәтта, мондый сәфәрләргә кызыксыну зур булу сәбәпле, өстәмә рейслар да игълан иткән.

Бүген Татарстан Республикасы Туристлык буенча дәүләт комитеты, Казан шәһәренең Туризм комитеты һәм Казан епархиясе белән берлектә, «Казан Изге Ана иконасы соборы» темасы буенча аккредитацияләнгән экскурсия уздыручылар өчен укулар уздырды. Укулар көндезге һәм онлайн форматларда узды.

«Без бу уку ике мәсьәләне хәл итәргә мөмкинлек бирә дип саныйбыз. Беренчесе – экскурсия уздыручыларга текстта сыйфатлы мәгълүмат бирү, икенчесе – мөмкин кадәр күбрәк турист төркемнәре һәм туристлар Казанның Изге Ана иконасы соборына каршылыкларсыз бара алсын иде. Әлеге укулар бушлай уздырыла, димәк, аккредитацияләнгән барлык экскурсия уздыручылар өчен мөмкин булганча уңайлы», – дип билгеләп үтте Татарстан Республикасының Туристлык буенча дәүләт комитеты рәисе Сергей Иванов.

Лекцияләрне «Казан шәһәре туризмны үстерү комитеты» МКУ туристлык потенциалын таныту буенча баш эксперт, тарихчы-туган якны өйрәнүчеләр шәһәр җәмгыяте рәисе, Россия язучылар берлеге әгъзасы Анатолий Михайлович Елдашев һәм архитектура-реставрация тикшеренүләре үзәге директоры, КДАТУ доценты Светлана Глебовна Персова үткәрде.

Экскурсия уздыручылар Казанның Изге Ана иконасының тарихы, монастырь, собор һәм зират урыннары (16-21 гасыр) белән таныштылар.

Светлана Персова соборның архитектурасы һәм аның эчке бизәлеше турында сөйләде.

Әлеге уку нәтиҗәләре буенча декабрьдә тест оештырылачак, аны тапшырганда экскурсия уздыручы бейджга наклейка алачак, ул туристларны Казанның Изге Ана иконасы соборы территориясенә алып килергә мөмкинлек бирәчәк.

2022 елның гыйнварында кешбэк сатуның яңа юнәлеше эшли башлаячак.

РФ Хөкүмәте Россия буенча үтемле сәяхәтләр программасын гамәлгә ашыруны дәвам иттерә, һәм киләсе елга туризм буенча илкүләм проект кысаларында бу максатларга 5 млрд.сум акча планлаштырылган. 2022 елның 18 гыйнварында сатуның бишенче этабы эшли башлаячак, ул 12 апрельгә кадәр дәвам итәчәк.

Шартлары элеккегечә: турист картасына тур яки яшәү бәясенең 20 проценты, иң күбе 20 мең сум акча кире кайтачак. Түләүне МИР картасы белән башкарырга кирәк. Бер карта белән чикләнмәгән күләмдәге турлар өчен түләргә мөмкин. 18 гыйнвардан 30 апрельгә кадәр теләсә кайсы төбәккә барырга мөмкин. Шул ук вакытта круизларга навигация башыннан алып 1 июньгә кадәр кузгалырга мөмкин булачак.  Программада 2 төннән башлап кунакханәдә куну һәм яшәү каралган сәфәрләр катнаша.

2020 елда Ростуризм тарафыннан эшләтеп җибәрелгән туризмда кешбэк программасы бер үк вакытта туристларга да, бизнеска да ярдәм итү өчен моңарчы күрелмәгән ярдәм чарасы булды. Әлеге чара тармакта иң нәтиҗәле чара булып, экспертлар бәяләвенчә, эчке туризмны торгызуга ярдәм иткән. 2021 ел башыннан программадан 1,7 млн. россияле файдаланган, алар  34 млрд.сумнан артык бәягә кунакханәләрдә яшәү һәм турлар сатып алган, кешбэк рәвешендә аларга турыдан-туры карталарына 6,7 млрд.сум акча кире кайткан.

Кунакханә-туристлык өлкәсендә катнашучыларның, төбәк экспертларының бәяләмәләре буенча, программа югары социаль-икътисадый нәтиҗәлелекне күрсәткән.

Татарстан Республикасы Туристлык буенча дәүләт комитеты, Казан шәһәренең Туризм комитеты һәм Казан епархиясе белән берлектә, «Казан Изге Ана иконасы соборы» темасы буенча аккредитацияләнгән экскурсия уздыручылар өчен укулар оештырачак. Әлеге уку нәтиҗәләре буенча декабрьдә тест оештырылачак, аны тапшырганда экскурсия уздыручы бейджга наклейка алачак, ул туристларны Казанның Изге Ана иконасы соборы территориясенә алып килергә мөмкинлек бирәчәк.

Укыту ике форматта узачак: турыдан-туры һәм онлайн, 2021 елның 14 декабрендә «Корстон» кунакханәсенең «Пушкин» залында 10:00 сәгатьтә башлана.

1. Турыдан-туры уку (катнашучылар саны 220 кеше). Әлеге сылтама буенча язылырга мөмкин: https://forms.yandex.ru/u/61aa28640c8ced3b6e834369/

QR-кодлар булуы мәҗбүри!

2. Онлайн укытуга 2021 елның 14 декабрендә 10:00 сәгатьтә zoom сылтамасы буенча, шулай ук ютуб каналда тоташырга мөмкин булачак.

Zoom сылтамасы:

Zoom конференциясенә кушылу

https://zoom.us/j/94945587879?pwd=a1h5QXRIOURrZFZVbFE0R0hzWlFadz09

Конференциянең идентификаторы: 949 4558 7879

Файдалану коды: 925321

Ютуб сылтамасы:

https://youtu.be/zqvgI3YDyV4

ТР Туристлык буенча дәүләт комитеты, тел. 843 2229040