ЯҢАЛЫКЛАР

Федераль туризм агентлыгы Туристлык кэшбегы программасының чираттагы этабын тәмамлый. Язгы сатудан кергән акчалар тулысынча диярлек туристларга күчерелгән. Турларны сатуның чираттагы кешбэклы этабы 2022 елның 18 гыйнварында Мәскәү вакыты белән төн уртасында башланып китте. Ул 2022 елның 28 февралендә Мәскәү сәгате белән 23:59 сәгатьтә тәмамланачак. Сәяхәтләргә – 30 апрельгә кадәр,  круизларга май ахырына кадәр барырга була.

 2022 елда  Туризм буенча илкүләм проект кысаларында туристлык кешбэгы программасын гамәлгә ашыру өчен 5 млрд. сум акча бүлеп бирелә. Акчаларның бер өлеше – язгы сату этабы өчен, бер өлеше – көзге этап өчен каралган. Туристлар теге яки бу этап өчен каралган акчалардан файдаланганда, программа буенча сатулар тәмамлана. 

Федераль туризм агентлыгы җитәкчесе Зәринә Догузова болай ди: «Туристлык кешбэгы программасы буенча сату инде ай ярым дәвам итә. Без программа буенча сатуларның, узган этаплар белән чагыштырганда, дүрт тапкырга артуын күрәбез. Туристлар программадан бик теләп файдалана, алар аңа ышана, 20 мең сумга кадәр акчаларын янга калдыра. Программаның төп социаль-икътисади нәтиҗәләренә килгәндә, без кунакханәләргә килүче кунакларның уртача 50 процентка артуын күрдек. Бу сезонара шартларга һәм ачык чит илләргә күпләп чыгу шартларына бәйле.

Шулай итеп, программаның ике сезон арасында сәяхәт итү мөмкинлеген арттыру һәм эш урыннары саклап калу бурычы үтәлә дигән сүз.

Программаның арадаш нәтиҗәләренә килсәк, аның хәзерге этабы өчен каралган сумма туристларга тулысынча диярлек күчерелгән. Программадан 700 меңгә якын кеше файдаланган – алар кешбэк ярдәмендә 12 млрд сумлык сәяхәтләр сатып алган. Төп шартларга бәйле рәвештә, кулланучыларның карталарына 2,5 млрд сумнан артык акча кире кайтарылган.

Шуңа күрә сату этабы вакытыннан алда – 1 март төнендә тәмамланачак. Программадан файдаланырга теләгән кешеләр өчен тагын берничә көн калып бара.

Быел тагын бер сату этабы оештырылачак – ул көздән кышка күчеш вакытына планлаштырыла. Сатуның төгәл вакыты турында без соңрак хәбәр итәрбез».

Белешмә:

Туристлык кешбэгының әлеге этабында 662 туроператор, 69 агрегат, 3329 урнаштыру чарасы катнаша. Туристлар өчен 2 миллионнан артык тәкъдим бар.

Программаның төп шартлары элеккегечә кала: туристның картасына тур яки яшәү бәясенең 20% ы кире кайта, ул иң күбе - 20 мең сумны тәшкил итәчәк. Сәфәр өчен онлайн рәвештәМИР картасы аша түләргә кирәк. Бер картадан чикләнмәгән күләмдәге турлар өчен түләргә була. Теләсә кайсы төбәккә барырга мөмкин. Программада сәфәр һәм 2 төннән башлап кунакханәдә яшәү тәкъдиме дә каралган.

Туристларга уңайлы булсын өчен, Федераль туризм агентлыгы һәм Гомумроссия халык фронты туристлык кешбэгы программасы мәсьәләләре буенча шалтырату үзәге булдырды. Телефон номеры – 8-800-200-34-11. Линия Мәскәү сәгате белән 08:00-20: 00 сәгатьләрдә эшли.

2020 елда Федераль туризм агентлыгы башлап җибәргән туристлык кешбэгы программасы моңарчы күрелмәгән ярдәм чарасы булып тора, аның ярдәмендә бер үк вакытта туристларга да, эшкуарлыкка да ярдәм итү мөмкинлеге бар. Әлеге чара бу тармакта иң нәтиҗәлесе дип табылган һәм, экспертлар бәяләвенчә, эчке туризмны торгызуга ярдәм иткән. 2021 ел башыннан 1,7 млн. га якын россияле бу программадан файдаланган, кунакханәләрдә яшәү һәм турларны кушып исәпләгәндә, алар барлыгы 34 млрд. сумнан артык акча сарыф иткән, 6,7 млрд.сум акча кешбэк рәвешендә аларның карталарына турыдан-туры кире кайтарылган.

Кунакханә-туристлык өлкәсендә катнашучылар, төбәк экспертларының күпчелеге бәяләвенчә, программа югары социаль-икътисади нәтиҗәлелек бирде:

- элегрәк ил эчендә ял итәргә планлаштырмаган яңа туристларны җәлеп итте. Эксперт нәтиҗәләре буенча, төп туристлык кешбэгыннан файдаланган туристларның кимендә 50%ы ил буенча сәфәрләргә программа ярдәмендә генә барырга карар кылган;

- балалары булган гаиләләр өчен ил буйлап сәяхәт итү мөмкинлеген арттырды. Уртача алганда, Программа буенча һәр транзакциягә 2,2 кеше туры килә – аларның 25 проценты балалар;

- төбәк икътисадларына сизелерлек дәрәҗәдә уңай йогынты ясый. Программаны гамәлгә ашыру өчен төбәкләргә, түбән туристлык сезоны вакытында, туры һәм турыдан-туры булмаган нәтиҗәлелеккә ия 70 млрд. сумга якын акча бүлеп бирелә. Шул ук вакытта яңа эш урыннары да булдырыла ;

- «пляжсыз» юнәлешләргә һәм сәяхәт төрләренә – экотуризм, актив ял, круизлар, мәдәни-танып-белү сәфәрләре һ. б. ихтыяҗ арта. Элек бәяләре югыры булган Ерак Көнчыгыш, Себер, Россиянең төньягы һәм Арктика һ.б. кебек юнәлешләр зур популярлык казана. Төбәккә карап, популярлык үсеше 5 тән 40 процентка кадәр арта;

 - традицион түбән туристлык сезонында,  инфраструктура үзгәрешсез торганда, турисларны җәлеп итүчәнлекне арттырырга һәм эш урыннарын саклап калырга ярдәм итә. Шулай итеп, төбәкләр бәяләвенчә, язын һәм бәрхет сезонында (сентябрь-октябрь айларында) кунакханәләрне броньлау дәрәҗәсе 80% артып киткән. Бу Программа белән дә бәйле. Бу ел әйләнәсендә төрле югәлешләрдәге, шул исәптән Россиянең көньягындагы ялларны оештыру өчен дә мөһим булып санала;

- кече һәм уртача бизнеска ярдәм итә: Программа барышында (176 көн дәвамында) сатылган турларның күләме әлеге предприятиеләрнең еллык әйләнешенә тигез була;

- Россиянең төп диңгез һәм елга маршрутлары буенча круиз туризмы башланып китә. Круиз кампанияләре бәяләвенчә, круиз турларына ихтыяҗ, пандемиягә кадәр булган күрсәткечләр белән чагыштырганда, 30 процентка арткан, шуңа бәйле рәвештә өстәмә маршрутлар эшли башлаган һәм навигация сезонының вакыты арттырылган.

Федераль туризм агентлыгы мәгълүматларына караганда, Россиянең аэропортлар эше вакытлыча туктатылган төбәкләрендә 150 меңгә якын турист бар. Ялын алдан планлаштырган 25 мең турист та шулар исәбенә керә. Әлеге туристларның күпчелеге Кырымда һәм Краснодар краенда дип санала.

Хәзерге вакытта ябык аэропортлы төбәкләрдә ял итүче туристлар 2 марттан соң кайтырга тиеш дип көтелә. Ул вакытта алар сәяхәтләрен гадәти режимда дәвам итә ала. Ябык аэропортлы төбәкләрдән 2 мартка кадәр чыгарга тиешле туристлар Россия тимер юллары җибәргән махсус өстәмә поездларга билетлар сатып ала алалар. Өстәмә поездлар турындагы мәгълүматны Россия тимер юллары бердәм мәгълүмати хезмәт күрсәтү үзәге телефоны аша алырга мөмкин. Тел.: 7 800 775-00-00  Поездларга билетларны Россия тимер юллары сайты яки рәсми кушымтасы аша, шулай ук кассалардан да алырга мөмкин.

Моннан тыш, берничә эре туристлык операторы үз туристларын өчен ябык аэропортлы төбәкләрдән чыгару өчен автобус рейслары оештырган.

Шул ук вакытта аэропортлар эше тукталган төбәкләрдә, теге яки бу сәбәпләр аркасында кире кайта алмаган туристларны урнаштыру өчен, төрле «йолдызлы» категорияләргә караган кунакханәләр бар. Федераль туризм агентлыгы Россиядәге кунакханә хуҗаларыннан туристларның хәленә керүне сорый һәм ябык аэропортлардан чыга алмаган кунакларга кунакханәдә яшәп тору вакытын озайту үтенече белән мөрәҗәгать итә, әлеге кунакханә хезмәтләре өчен бәяләрне күтәрмәскә, яки мөмкин булганча, моның өчен түләү алмаска тәкъдим итә. Шулай ук туристлык операторлары белән тыгыз хезмәттәшлек итүне һәм килешенгән карарлар кабул итүне сорый.

Шулай ук Федераль туризм агентлыгы, Транспорт министрлыгы хезмәткәрләре белән берлектә, кайбер аэропортларның вакытлыча ябылуы сәбәпле, чит илләрдән Россиягә кайта алмаган туристлар исемлеген төзи. Мондый туристларга туристлык операторлары һәм авиация компанияләре вәкилләре белән элемтәдә торырга кирәк. Без шулай ук Россиягә керә алмаган туристларга Гомумиросся халык фронты һәм Росконгресс фонды белән берлектә Федераль туризм агентлыгы булдырган «кайнар» линиягә мөрәҗәгать итәргә тәкъдим итәбез: 8-(800)-200-34-11. Линия көн саен 08.00 сәгатьтән 20.00 сәгатькә кадәр эшли, шалтырату бушлай. Бу линия аша аэропортларны ябуга бәйле барлык сорауларга да җавап табарга була.

Моннан тыш, Федераль туризм агентлыгы Федераль туризм агентлыгының Иҗтимагый советы белән берлектә штабтуризм.рф сайтында ябык аэропортлы төбәкләрдән чыга алмаган яки бу төбәкләргә РФ башка субъектына яки чит илгә чыккан сәфәрдән соң кайтуда кыенлыклар кичерә торган туристлардан мөрәҗәгатьләр кабул итү өчен онлайн-форма эшли башлады.

Федераль һава транспорты агентлыгы мәгълүматларына караганда, Украина тирәсендәге вәзгыятьнең катлаулануы сәбәпле, Ростов-на-Дону, Краснодар, Анапа, Геленджик, Элиста, Ставрополь, Белгород, Брянск, Курск, Воронеж һәм Симферопольдәге аэропортларның эше туктатылган. Чикләүләр бүгенге көннән башлап, 2 мартның 03:45 сәгатенә кадәр гамәлдә булачак. Башка шәһәрләрдә аэропортлар авиация компанияләре белән берлектә очышлар тәртибенә үзгәрешләр кертә ала.

Шуңа бәйле рәвештә, Федераль туристлык агентлыгы туристларга сәфәргә киткәнче, аэропортларның һәм авиация компанияләренең рәсми сайтлары, шулай ук аларның социаль челтәрләрдәге рәсми аккаунтлары һәм телефон аша рейсның кузгалу вакытына бәйле үзгәрешләр турында актуаль мәгълүматны ачыкларга киңәш итә.

Бер үк вакытта Федераль туристлык агентлыгы аэропортлар вакытлыча ябылган РФ төбәкләренә сәфәрләрне кичектерергә тәкъдим итә. Килеп туган вәзгыятькә бәйле рәвештә, туристлар туристлык операторлары белән килешү буенча, сәфәр вакытын соңгарак күчерә, яки ял итү юнәлешен үзгәртә ала. Мөстәкыйль туристларга авиация компанияләренә һәм номерлары броньланган кунакханә администраторларына мөрәҗәгать итәргә кирәк.

Хәзерге вакытта аэропортлар вакытлыча ябылган төбәкләрдә ял итүче туристларга туристлык операторларына мөрәҗәгать итәргә кирәк. Туристлык операторлары туристларны йөртүнең альтернатив вариантларын эзли яки аларны озаграк вакытка кунакханәләрдә калдыру юлларын карый.

Ябык аэропортлы төбәкләрдә ял итүче мөстәкыйль туристларга авиация компанияләренә һәм үзләре яшәгән кунакханә вәкилләренә мөрәҗәгать итәргә кирәк. Мондый сәяхәтчеләргә без сәфәрләргә бару вакытын дөрес планлаштырырга һәм кайтуны мөмкин булганча кичектерергә киңәш итәбез. Әгәр бу мөмкин түгел икән, Транспорт министрлыгы тимер юл һәм автобус маршрутларын оештыру буенча эш алып бара, тулырак мәгълүмат соңрак барлыкка киләчәк. Моннан тыш, Россиянең тимер юллары өстәмә поездлар билгеләү буенча эш алып бара. Транспорт министрлыгы һәм Россиянең тимер юллары мәгълүматларын күзәтеп барыгыз.

Килеп туган вәзгыятькә бәйле рәвештә, Федераль туристлык агентлыгы кунакханә хуҗаларыннан кайтып китә алмаган кунакларның хәленә керүне һәм хезмәтләргә бәяләрне арттырмыйча гына, кунакларга яшәп торуны рөхсәт итүне сорый. Туристлык операторлары туристларның яшәү вакытын озайткан очракта, хезмәт күрсәтү шартларын үзгәртмәс дип көтелә.

Хәзерге вакытта чит илдә булган һәм ябык аэропортлар аша кайтырга тиешле туристларга туристлык операторлары һәм авиация компанияләре белән элемтәдә торырга, шулай ук кире маршрутларга бәйле мәсьәләне җайга салу турындагы рәсми мәгълүматны көтәргә кирәк.

Федераль туристлык агентлыгы Халык фронты белән берлектә Россия Федерациясенең кайбер аэропортларын вакытлыча ябуга бәйле мәсьәләләр буенча туристлар өчен шалтырату үзәге ача. Линия бүген Мәскәү сәгате белән 15:00дә эшли башлый һәм көн саен иртәнге 08:00 сәгатьтән  20:00 сәгатькә кадәр эшләячәк. Аның номеры - 8-(800)-200-34-11. Шалтырату бушлай.

Хөкүмәт туризм өлкәсендәге эшкуарлык өчен дәүләт ярдәме чараларын киңәйтте. Хәзерге вакытта эшкуарларның туристлык инфраструктурасын үстерүгә субсидияләр алу мөмкинлеге бар.

Эшкуарлар бүлеп бирелгән акчаларны түбәндәгеләр өчен тота ала:

пляжларны төзекләндерү,

кемпинг һәм автокемпинглар булдыру,

электрон юл күрсәткечләр һәм аудиогидлар эшләү,

инвентарь һәм җиһазлар сатып алу,

балалар һәм спорт өчен булган ял итү зоналарын төзекләндерү,

мөмкинлеге чикле кешеләр өчен уңайлы мохит булдыру,

заманча навигация системасы урнаштыру.

Киләсе өч елда болар өчен 12,9 млрд.сум бүлеп биреләчәк. Әлеге эш «Туристлык һәм кунакчыллык индустриясе» илкүләм проекты кысаларында алып барыла.

Татарстан Республикасы Туристлык буенча дәүләт комитеты рәисе Сергей Иванов Россия Федерациясе Дәүләт Думасы депутаты Артем Прокофьев җитәкчелегендәге14 нче эш төркеме утырышында катнашты. Әлеге утырышта Россия Федерациясендәге дәүләт программалары, федераль максатчан проблемалар һәм башка проектларны гамәлгә ашыру мәсьәләләре каралды.

Утырышта Татарстан Республикасы Дәүләт Советының Икътисад, инвестицияләр һәм эшкуарлык комитеты рәисе урынбасары Ринат Гайзатуллин, Татарстан Республикасының Инвестиция үсеше агентлыгы җитәкчесе урынбасары Игорь Сапунов, Татарстан Республикасы Транспорт һәм юл хуҗалыгы министрлыгының автомобиль юллары идарәсе җитәкчесе Олег Казеннов, Татарстан Республикасы Төзелеш, архитектура һәм торак-коммуналь хуҗалык министрлыгының җыелма-аналитика бүлеге җитәкчесе Артур Исмәгыйлев, Туристлык буенча дәүләт комитеты вәкилләре катнашты.

Утырышта Сергей Иванов 2021 елда Татарстан Республикасы икътисадына федераль акчалар җәлеп итү мәсьәләсе буенча башкарылган эш турында хисап тотты, шулай ук 2022 елга Татарстан Республикасы икътисадына федераль акчалар җәлеп итү мәсьәләсе буенча эш планы турында фикер алыштылар һәм 14 нче эш төркеменең 2022 елга эш планы расланды.

Лаеш районы җирлеге фестивалендә үзенчәлекле рецепт буенча иң тәмле уха әзерләүчеләр көч сынашачак, ә иртәдән һәвәскәр балыкчылар Кама елгасында Советлар Союзы Герое, танылган җирле балыкчы Борис Кирилл улы Кузнецов шәхесенә багышланган кышкы балык тоту ярышлары уздырачак.

Фестивальгә килгән  кунаклар өчен гаилә уеннары, ярминкә һәм «Сәмрух» аутентик кинодекорацияләр клубы янында концерт оештырылачак.

Кунакларга уңайлы булсын өчен, Сабантуй уздыру урынында машина кую урыны оештыру һәм алга таба кунакларны чара урынына кадәр автобусларда озату каралган.

Фестиваль, Ак таулар территориясенең Бөтенроссия кече шәһәрләр һәм тарихи җирлекләр бәйгесендә катнашуы кысаларында, Лаеш районы Башкарма комитеты, Лаеш шәһәренең балыкчылык «берләшмәсе», Г.Р. Державин исемендәге Лаеш ягы музее, Татарстан Республикасы шәһәрләре үсеше институты, creeptone media продюсерлык компаниясе һәм URBANTATAR берләшмәсе белән берлектә оештырылган.

Нәрсә? «Ак таулар» уха фестивале

Кайчан? 2022 елның 23 феврале, 10.00-14.00 сәг.

Кайда? Лаеш, Сәмрух

Бәйге турында: Бөтенроссия кече шәһәрләр һәм тарихи җирлекләр бәйгесе 2018 елдан бирле үткәрелә. 4 ел эчендә Татарстан Республикасыннан 32 җиңүче билгеләнгән һәм федераль грант алган, ә Татарстан буенча 26 объект инде гамәлгә ашырылган.

Бүгенге көндә COVID-19 йогышына каршы вакцинация ясатуны раслаучы гамәлдәге QR-кодларны яки соңгы алты ай эчендә авырганлык турында белешмәләрне КҮРСӘТМИЧӘ дә, түбәндәге гамәлләрне башкаруга РӨХСӘТ БИРЕЛӘ:

1. Кунакханәләргә, шул исәптән, хостелларга урнашырга була.

2. Кунакханәгә урнашучылар кунакханәнең барлык инфраструктурасынан (рестораннар, кафелар, фитнес-үзәкләр, бассейннар һ.б.) файдалана ала.

3. Пассажирларны транспорт чараларында йөртергә мөмкин.

4. Пассажирлар метрополитен станцияләренә керә һәм хәрәкәт итә ала.

Санитария-эпидемиология хәле яхшырганчыга кадәр түбәндәгеләр тыела:

- оешмалар һәм шәхси эшкуарларга кальяннар бирү буенча хезмәтләр күрсәтү, алар карамагындагы объектларда һәм территорияләрдә кальяннар куллану;

- гражданнарның ваклап сату, хезмәт күрсәтү объектларына, гыйбадәт биналарына, бина һәм корылмаларга, таксины да кертеп, пассажирлар һәм багаж ташучы транспорт чараларына керүе һәм шунда булуы, аларның оешмалар һәм шәхси эшкуарлар корылмасына керүе­, шулай ук «Көчле респиратор вирус инфекцияләре һәм грипп белән авыручылар санының сезонлы артуы чорында COVID-19 таралу куркынычын киметү буенча өстәмә чаралар турында» Россия Федерациясе Баш дәүләт санитар табибының 2020 елның 16 октябрендәге 31 номерлы карары белән билгеләнгән башка урыннарда, сулыш органнарын саклау чараларын (битлек, ресираторлар) кулланмау;

- 23.00 сәгатьтән алып 6.00 сәгатькә кадәр гражданнарның җәмәгать туклануы биналарында булуы. Моңа, гражданнар белән очрашмыйча гына, җәмәгать туклану объектларыннан ризыклар алдыру, заказлар китертү, аэропорт, вокзал территорияләрендә, торак пунктлардан читтә урнашкан юл хезмәте күрсәтү объектларында, федераль, төбәк һәм җирле әһәмияткә ия автомобиль юллары базасында җылыну һәм туклану урыннары булган җәмәгать туклану объектларында хезмәт күрсәтү керми;

- оешмалар һәм шәхси эшкуарларның  23:00 сәгатьтән алып 6:00 сәгатькә кадәр тамаша-күңел ачу чараларын үткәрүе.

COVID-19 коронавирус инфекциясенә каршы вакцина ясатмаган яисә соңгы алты ай эчендә әлеге авыру белән авырмаган, 60 яшьтән өлкән булган гражданнарга, санитария-эпидемиология хәле яхшырганчыга кадәр яшәү урыннарыннан чыгу тыела. Түбәндәге очраклар искәрмә булып тора:

тормышка һәм сәламәтлеккә турыдан-туры куркыныч янаган очракларда, ашыгыч (кичектергесез) медицина ярдәменә мөрәҗәгать итү;

COVID-19 коронавирус инфекциясенә каршы вакцина ясау урынына бару;

товар алу, эш, хезмәт күрсәтү урынына бару;

кешеләр күп булган урыннардан читтә йорт хайваннарын йөртү. Граждан яшәү урыныннан 100 метрдан да артык ераклыкка китәргә тиеш түгел;

якындагы калдыклар туплау урынына калдыклар чыгару.

Санитария-эпидемиология хәле яхшырганчыга кадәр түбәндәгеләрне эшләргә ярый:

- театр, кинотеатр (кино заллары), цирк, концерт залларының 70 % артмаган өлеше тулган һәм тамашачылар тиешенчә утыртылган очракта, алар эшен дәвам итә;
 

- гражданнар катнашында ял, тамаша-күңел ачу, физкультура, спорт, күргәзмә, агарту, реклама чаралары үткәрү, башка массакүләм чаралар уздыру:

катнашучыларның саны 200 дән артмаган очракта, ачык мәйданчыкларда чаралар уздыру;

кеше санына куелган таләпләрне үтәү шартларыннан чыгып, чараларны бина эчендә уздыру. Бер кешегә бина эчендәге 4 кв.метр мәйдан (оештыручылар һәм хезмәткәрләрне дә кертеп) туры килә. Ләкин бина эчендәге кешеләр саны 100 дән артмаска тиеш.

- рәсми физкультура, рәсми спорт, мәдәни чараларның тамашачылар катнашында узуы. Әмма тамаша залларының тулылыгы 50 проценттан, залдагы кешеләр саны 500дән артмаска, тамашачылар тиешенчә утыртылырга тиеш.

Оешмалар, шәхси эшкуарлар, тамаша урыннарының 70%тан артык өлешен тутырмган һәм түбәндәге шартлар җыелмасын үтәгән очракта, чаралар уздыра ала:

-чараны оештыруда һәм хезмәт күрсәтүдә катнашучы барлык хезмәткәрләр, шулай ук башка затлар COVID-19 коронавирус инфекциясенә каршы вакцина ясаткан булса. Медицина оешмасы белешмәсе (медицина бәяләмәсе) расланган вакцина ясауга каршы медицина күрсәтмәләре булган затлар искәрмә булып тора;

- уздырган очракта, чараларны һәм саклану чараларын Татарстан Республикасы Министрлар Кабинетының Санитария-эпидемияләргә каршы комиссиясендә килештерү. Килешү алу өчен оештыручы чара уздырыр алдыннан 30 көннән дә соңга калмыйча мөрәҗәгать итә.

Урал һәм Себер тарихи шәһәрләрен бер үк тимер юл сәяхәте кысаларында күрергә мөмкин булачак. Федераль пассажир компаниясе эшләтеп җибәрә торган яңа туристлык маршруты «Себергә» дип атала. Моның өчен 928/927 санлы поезд файдаланылачак. Ул Мәскәүдән тарихи шәһәрләр: Казан – Төмән – Тубыл – Пермьга барачак һәм Мәскәүгә 5 көннән соң әйләнеп кайтачак.

Поезд 5 мартта ­20:50 сәгатьтә Казан вокзалыннан кузгалачак. Пассажирлар 10 мартта 13:58 сәгатьтә Ярославль вокзалына әйләнеп кайта.

Туристлар дүрт шәһәрдә булачак. Сәяхәт вакытында алар төрле халыкларның мәдәни мирасы белән таныша, Себер табигатенең матурлыгын ача, татар һәм себер ашларын татып карый алачак.

Казанда ЮНЕСКО Бөтендөнья мирасы исемлегенә кертелгән җирле Кремльне карарга һәм үткәннәр белән бүгенгене тоташтыручы Татарстан башкаласы урамнары буйлап йөрергә мөмкин.

Төмән үзенең агач архитектурасы һәм аеруча кичләрен матур булган Тура елгасы яр буе белән дан тота. Вакытны сәламәтлек өчен файдалы итеп уздырам дисәң, шәһәрнең үзендә урнашкан СПА-курортка барырга була. Термаль кайнар су тутырылган савытка чумганда, кыштан җәйгә күчү кебек хисләр кичерергә мөмкин. Россия тарихы белән кызыксынучыларга Покровское авылында урнашкан Распутин музеена бару мөмкинлеге бар. Гастрономия яратучылар себер кухнясы ризыкларыннан себерчә ит, муксуннан строганина һ.б. ризыкларны авыз итеп, аларга бәя бирә ала.

Тубылда, ягъни Себернең беренче тарихи башкаласында, иске таш кремльгә һәм Наместник сараена барырга була. Аның төп экспозициясе Себер белән идарә итү тарихына, Император Николай II гаиләсе яшәгән йортка, шулай ук «Тобол» тематик паркына багышланган. Ермакның Себергә походы дәвере турында күзаллау булдыру өчен, Абалак туристлык комплексында булырга мөмкин. Анда шул чордагы реконструкцияләнгән зиндан урнашкан. Декоратив-гамәли сәнгать яратучылар Тубылның сөяктән кисеп эшләү фабрикасы җитештерүчәнлеге белән таныша ала. Бу Россиядә сөяктән эшләнгән әйберләр (шул исәптән, мамонт сөягеннән) җитештерүче бердәнбер фабрика. Фабриканың тарихы 1929 елга барып тоташа.

Пермьдә туристлар Кама елгасының күп катлы яр буенда сәяхәт итә, Себернең тарихи урамында, Театр скверында һәм Собор мәйданында була ала. «Хохловка» архитектура-этнография музее Уралда ачык һавадагы беренче агач архитектура төзелеш сәнгате музее булып санала. Ул сәяхәтчеләрне үзенә тартып торучы үзәк булып кала бирә. Әлеге музейда Кама буе агач архитектура сәнгатенең үзенчәлекле эшләнмәләре саклана.

Поезд сәяхәтчеләр өчен чын мәгънәсендә «тәгәрмәчле кунакханә» ролен үти. Уңайлы расписаниегә бәйле рәвештә, көндезге вакытны экскурсияләргә багышларга мөмкин. Ә кичен һәм төнлә уңайлы купе вагоннарында һәм «Люкс» класслы вагоннарда ял итәргә була. Барлык вагоннар да һаваны кондиционерлау системалары, экологик чиста бәдрәф комплекслары, гаджетлар зарядкасы өчен розеткалар белән җиһазландырылган. Поезд составында вагон-ресторан эшли. Пассажирларга иртәнге аш, санитария-гигиена җыелмасы һәм «Юлдаш» мультимедиа порталына керү мөмкинлеге биреләчәк.

Пассажирларга экскурсия программасын мөстәкыйль рәвештә планлаштырырга, поездда барганда озатучыдан аерым экскурсияләр сатып алырга мөмкин. Шулай ук «РЖД Тур» сайтында тимер юлда йөрү, гид уздыра торган экскурсия программасы, трансфер һәм туклануны үз эченә алган әзер туристлык пакетын да сатып алырга була. Юл йөрү документларын тимер юл кассаларында, «Россиянең тимер юллары» ААҖ рәсми сайтында, шулай ук «Пассажирларга Россиянең тимер юллары» мобиль кушымтасы ярдәмендә рәсмиләштерергә мөмкин. Моның өчен эзләү битендә «Мәскәү Казан-Мәскәү Ярославль» маршрутын карарга кирәк.

Бу һәм башка туристлык маршрутлары турында тулырак мәгълүматны «Россиянең тимер юллары» ААҖ рәсми сайтындагы «Россиянең тимер юллары белән сәяхәт ит»  бүлегеннән табарга була.

MICE индустриясе алдынгылары 13 мартта Мәскәүдә очрашачак.

Россия төбәкләре-2022 MICE көннәре сезоны традицион рәвештә «Интурмаркет» халыкара туристлык күргәзмәсендә ачыла.

Беренчеләрдән булып, тармак трендлары турында белергә теләсәгез, килегез һәм безгә кушылыгыз!  Россия территорияләрен MICE һәм эшлекле туризм өчен ачабыз!

Россия төбәкләрендәге МАЙС-индустрия үсешендә соңгы елларда зур алга китеш сизелә – пандемия аңа тагын да үсәргә ярдәм итте. Классик сату һәм алга этәрү юлларын, эшкуарлыкның «цифрлы профилен» үзгәртү классик MICE-ландшафтның күз алдында үзгәрүен күрсәтә.

«MICE территориясе» программасы белгечләре һәм анда катнашучылар белән киләчәктә нәрсә эшләргә, ә кайсы хаталарны кабатламаска кирәклеге турында сөйләшәбез.

«МІСЕ проект офисы» автоном коммерциясез оешмасы белгечләре һәм партнерлары үзләренең «пандемиягә кадәрге» форматларын һәм коралларын яңадан эшләтеп җибәрү тәҗрибәсе, Россия төбәкләренә уңышлы «күчеш» чаралары тәҗрибәсе, инвесторларны җәлеп итү һәм эшлекле кунаклар санын арттыру өчен территорияләрне үстерү стратегияләре белән уртаклашачак.

Сәламәт МІСЕ киләчәк буыны, базардагы яңа идеяләр һәм яңа уенчылар, Россия төбәкләренең MICE картасы, төбәк турында белешмә әзерләү буенча мастер-класслар уздыру турындагы мәгълүматларның барысы да «MICE территориясе»ндә булачак.

Анда катнашу бушлай, Time Pad порталында алдан теркәлергә кирәк: https://vserossiyskiy-den-mice-22.timepad.ru/event/1932749/

Үткәрү вакыты: 2022 елның 13 марты, 11:00-15:00 сәг.

Үткәрелү мәйданчыгы: «Экспоцентр» үзәк күргәзмә комплексы, 8 нче павильон, 1 нче кат, фуршетлар залы

Russian Travel Awards Бөтенроссия туристлык премиясе илебез туризмын һәм кунакчыллык индустриясен үстерүгә һәм алга җибәрүгә юнәлдерелгән. Ул узган елгы нәтиҗәләрдән чыгып тапшырыла.

Экспертлар советы эше нәтиҗәләре буенча, Татарстан Республикасы түбәндәге рәсми номинацияләрдә финалист төбәкләр исемлегенә кергән:

- «Авыл туризмы территориясе»: Татарстан Республикасы, Краснодар крае, Удмуртия Республикасы;

- «MICE территориясе»: Татарстан Республикасы, Санкт-Петербург, Ростов өлкәсе;

- «Эшлекле туризм территориясе (конгресс-күргәзмә эшчәнлеге)»: Татарстан Республикасы, Свердловск өлкәсе, Санкт-Петербург;

- «Экология туризмы территориясе»: Татарстан Республикасы, Красноярск крае, Мурманск өлкәсе.

Шулай ук Татарстан Республикасы Эксперт советы тарафыннан «Территориянең иң яхшы туристлык бренды» дип аталган махсус номинациядә бүләкләү өчен дә тәкъдим ителгән.

Финал шулай ук 24-25 февральдә Санкт-Петербургта узачак.

Премия сайты: https://russian-travel-awards.ru/