ЯҢАЛЫКЛАР
«Казан Экспо» халыкара күргәзмә үзәге Татарстан Республикасының Туристлык буенча дәүләт комитеты ярдәме белән 2022 елның 12 гыйнварында «Safe Travels. Чикләрсез дөнья» дип аталган халыкара куркынычсыз сәяхәтләр программасының «Конференц-үзәкләр, очрашу һәм чаралар үткәрү урыннары» категориясендә рәсми катнашучы буларак билгеләнде.
World Travel&Tourism Council (WTTC) сәяхәтләр һәм туристлык буенча бөтендөнья советы 2020 елда пандемиягә бәйле рәвештә, сәяхәтләр куркынычсызлыгы өлкәсендә беренче глобаль тәкъдим белән чыкты. Ул туристлык индустриясен торгызу өчен бердәм стандартлар һәм санитария-гигиена кагыйдәләренең гамәлгә ашырылуы турында иде.
Беркетмәләр һәм стандартлар эшләү сәяхәтләр һәм туристлык өлкәсендә беренче унлыкка кертелгән тармак белгечләре, дәүләт һәм иҗтимагый оешмалар белән берлектә оештырылды, аңа конференц-үзәкләр һәм MICE кертелде.
Турист өчен «Safe Travels» билгесе куркынычсызлык гарантиясен һәм оешманың сәяхәт куркынычсызлыгы буенча бердәм халыкара стандартларны үтәвен аңлата.
«Казан Экспо» WTTC инициативасын хуплый һәм әлеге гарантияләрне тәэмин итүдә берләшмәнең төп катнашучыларыннан берсе булуына шат. Программада катнашу һәм туристлык, кунакчыллык өлкәсендә халыкара сертификатка ия булу Татарстан Республикасында чит ил кунаклары санын арттырырга ярдәм итәчәк.
2022 елның 5-10 мартында Бәһрәйндә «GCC-Россия: якыная барабыз» дип исемләнгән роуд-шоу узачак. Татарстан Республикасы туристлык тармагының кызыксынган вәкилләрен, чит ил партнерларына онлайн-форматта хезмәт күрсәтү тәртибен тәкъдим итү өчен, Татарстан Республикасы Туристлык буенча дәүләт комитеты делегациясе составында катнашырга чакырабыз.
Роуд-шоуны Россия туристлык индустриясе берлеге «Свой ТС» туристлык операторы һәм «Gulf Air» авиация компаниясенә караган «Profi.Travel» медиахолдингы белән берлектә оештыра. Роуд-шоу программасы Бәһрәйн һәм Согуд Гарәбстаны туристлык операторлары һәм туристлык агентлыклары вәкилләре өчен Россиянең туристлык потенциалын тәкъдим итүне, шулай ук воркшоп һәм B2B форматындагы очрашулар үткәрүне күздә тота.
Катнашу шартларын «Свой ТС» компаниясендә ачыкларга була:
Алинә Павлова
+79384700747
a.pavlova@svoy-hotel.ru
Тамара Кондратьева
+79384700737
t.kondratyeva@svoy-hotel.ru
Хәзерге вакытта 2019 елның сентябрендә расланган документ «Туристлык һәм кунакчыллык индустриясе» илкүләм проектының максатчан индикаторларына туры килә. 2035 елга Стратегиянең яңа максатлары дип түбәндәгеләр билгеләнгән:
- туристлык сәфәрләрнең санын өч тапкыр арттыру;
- чит ил кешеләренең Россиягә килүен сигез тапкыр арттыру;
- классификацияләнгән кунакханәләрдәге номерлар санын 755 тән 948 меңгә җиткерә;
- туристлык индустриясе хезмәткәрләренең уртача санын 1,66 дан 4,96 миллион кешегә кадәр арттыру.
ТР Туристлык буенча дәүләт комитетында вакантлы вазыйфаларны биләүгә документлар кабул итү дәвам иттерелә:
финанс, дәүләт заказы һәм мобилизация эше бүлегенең әйдәп баручы белгече https://gossluzhba.gov.ru/vacancy/72ff3f82-057d-ec11-afec-0a94ef943a49
финанс, дәүләт заказы һәм мобилизация эше бүлеге җитәкчесе https://gossluzhba.gov.ru/vacancy/db52226e-097d-ec11-afec-0a94ef943a49
«Туристлык индустриясен үстерү» бүлеге вазыйфалары төркемен әйдәп баручы https://gossluzhba.gov.ru/vacancy/0b517d44-0f7d-ec11-afec-0a94ef943a49
Бәйгедә катнашу өчен документлар Татарстан Республикасы Туристлык буенча дәүләт комитетының эш көннәрендә (9.00-18.00 сәгатьләрдә) 2022 елның 25 гыйнварыннан 14 февраленә кадәр кабул ителә.
Бәйге 2022 елның 2 мартында үтәр дип көтелә.
Тест узу өчен Казан шәһәре, Кремль урамы, 35 йортка, Дәүләт комитетының бәйге комиссиясе әгъзалары белән әңгәмә үтү өчен Казан шәһәре М. Горький урамы, 19 йортка килергә кирәк.
Документлар кәгазьдә чыганакларда да, электрон рәвештә дә кабул ителә. Документларны электрон рәвештә тапшыру «Дәүләт хезмәте һәм идарә кадрларының федераль порталы» федераль дәүләт мәгълүмати системасы аша гына башкарыла ала: https://gossluzhba.gov.ru
Бәйгене үткәрү тәртибе турында өстәмә мәгълүмат алу өчен ТР Туристлык буенча дәүләт комитетының кадрлар һәм юридик эш бүлегенә (843) 222-90-29, 222-90-27 телефоннары буенча мөрәҗәгать итәргә мөмкин.
«100DAL» спиртлы эчемлекләр йортында «Татспиртпром» АҖ җитештерә торган алкогольле продукциянең тулы ассортименты тәкъдим ителә: фирма аракылары, ачы һәм баллы эчемлекләр, үләннәрдән ясалган табигый бальзамнар, аперитивлар, коньяк эчемлекләре, коньяклар, виноград шәраблары, шәраб эчемлекләре һәм башкалар. Шулай ук монда «PERNOD RICARD ROUSS» компаниясенең алкоголь продукциясе дә бар.
«100DAL» эчемлекләр йорты җирле җитештерүчеләргә ярдәм итә, кибет киштәләрендә фермер хуҗалыклары продукциясе, азык-төлек продуктлары һәм башка төрле товарлар да тәкъдим ителә.
Продукция дегустациясенә заказ бирергә, теге яки бу алкоголь эчемлекләрнең ничек җитештерелүе, республика территориясендә аларның барлыкка килү тарихы турында кыскача мәгълүмат та алырга, җитештерүче заводының макетын күрергә дә мөмкин. Экскурсия вакытында кунаклар өчен милли стильдәге җылы кием тәкъдим ителә.
«100DAL» спиртлы эчемлекләр йорты Казан шәһәренең туристлык маршрутларына кертелгән.
Пушкин урамы, 23 йорт, 10:00-22:00
Тел.: + 7 (966) 240-50-58
Instagram: 100_dal
2021 елдагы эш нәтиҗәләре буенча Габдулла Тукай исемендәге «Казан» халыкара аэропорты «2021 елның иң яхшы аэропорты» номинациясендә (2 миллионнан алып 4 миллионга кадәр пассажир категориясендә) «Россиянең һава капкалары» VIII Милли премиясенә ия була.
Бүләкләү тантанасы 9 февральдә Мәскәүдә NAIS-2022 гражданнар авиациясе инфраструктурасының милли күргәзмәсе кысаларында уза.
Хезмәттәшләребезне котлыйбыз!!!
Россия Федерациясе Хөкүмәте пандемия белән бәйле чикләүләр аркасында җитди кыенлыкларга юлыккан туристлык тармагына ярдәм күрсәтүне дәвам итә. 2022 елда туристлык операторларына Россия эчендәге чартер рейсларын оештыруга субсидияләр биреләчәк. Карарны Хөкүмәт рәисе Михаил Мишустин имзалаган.
Эчке маршрутларда эшләүче компанияләргә федераль субсидияләр бирү тәҗрибәсе 2021 елдан башланып китте. Әлеге акчалар ярдәмендә алар ил эчендә пакет турлары буенча рейслар оештыруга тотылган чыгымнарның 50% ка кадәр өлешен кире кайтара алган. Хәзер мондый ярдәм чарасы ел саен булачак һәм 2024 елга кадәр дәвам итәчәк.
2022 елда субсидияләр өчен 1,2 млрд.сум акча бүленеп биреләчәк.
«Россия шәһәрләренә оештырыла торган пакетлы турларга бәяләр арзанрак булачак һәм безнең гражданнар ил буйлап сәяхәт итү өчен мондый мөмкинлекләрдән файдаланыр дип өметләнәбез», – дип билгеләп үткән Михаил Мишустин.
Исегезгә төшерәбез, 2021 елның сентябрендә Федераль туризм агентлыгы һәм Татарстан Республикасы Хөкүмәте ярдәме белән TUI Россия туристлык операторы Мәскәүдән Казанга чартер рейслары чылбырын оештырган иде. Чылбыр 13 сентябрьдә башланып, 31 декабрьгә кадәр яңа ел программасы белән дәвам итте.
2022 елның апрелендә Санкт-Петербург-Казан-Санкт-Петербург чартер рейсларын тоташтырып, программаны дәвам итү көтелә.
Туристлык кешбэгының беренче ике атнасы халыкның ил буенча сезоннар арасында да, бигрәк тә турыдан-туры дәүләт ярдәме булганда, актив рәвештә сәяхәт итүләрен күрсәтте. Аның буенча ихтыяҗ динамикасы, узган этапларга караганда, уртача 2 тапкырга югарырак дип исәпләнә, һәм тулаем ил буенча алганда, турлар сату, узган елның шул ук чоры белән чагыштырганда, 50% ка диярлек арткан.
Туристлык кешбэгының яңа этабында 662 туристлык операторы, 69 агрегат, 3329 урнаштыру чарасы катнаша. Туристлар өчен 2 миллионнан артык тәкъдим бар.
4 февральдә Татарстан Республикасының Туристлык буенча дәүләт комитеты рәисе урынбасары Айгөл Балахонцева Казан – Саранск туры авиарейсын zoom-презентация формасында тәкъдир итү кысаларында Татарстан Республикасының туристлык мөмкинлекләрен тәкъдим итте. Ул Татарстан Республикасының транспорт мөмкинлекләренә бәйле туристлык потенциалы һәм төбәкнең туристлык мөмкинлекләре турында сөйләде.
Шулай «ЮВТ Аэро» авиакомпаниясенең коммерция директоры Станислав Козленко, Мордовия Республикасының Икътисад, сәүдә һәм эшкуарлык министры урынбасары Марина Жулина, «Стандарт булмаган сәяхәтләр студиясе» ҖЧҖ директоры урынбасары Светлана Луконина һәм «Юнион» Халыкара алмашу үзәге ҖЧҖнең эчке туризм бүлеге менеджеры Марина Афонькина һәм туристлык операторлары презентацияләр белән чыгыш ясады.
Мәгълүмат өчен: 2 гыйнварда «ЮВТ Аэро» авиакомпаниясе Мордовия башкаласына туры рейс ачып җибәрде, атнага ике тапкыр, ягъни җомга һәм якшәмбе көннәрендә очышлар ясау каралган. Бер якка очу бәясе 2 800 сумнан башлана.
Россия Хөкүмәте 2022 ел өчен туристлык операторлары берләшмәсенең резерв фондына кертемнәрне гамәлдән чыгаруны озайту һәм шәхси җаваплылык фондында акча тотып калуларны киметү кебек ярдәм итү чараларын раслады.
2022 ел өчен резерв фондына, алдагы пандемия елларындагы кебек үк, кертемнәр, асылда, кире кайтарылачак һәм символик 1 сумга тигез булачак. 2022 ел өчен туристлык операторларның шәхси җаваплылык фондына кертемнәр 4 тапкыр кыскартылачак һәм күчмә туризм өлкәсендә туристлык продуктының гомуми бәясенең 0,25% тәшкил итәчәк.
Федераль туристлык агентлыгы җитәкчесе Зәринә Догузова болай диде:
«Чара туристлык опреаторлары базарының тотрыклылыгын тәэмин итүгә юнәлдерелгән, чөнки коронавирус пандемиясе дәвам итә, ә туристлык тармагы әле кризиска кадәр булган күрсәткечләрен кайтара алмаган.
Дәүләт тарафыннан гамәлгә кертелгән туристлык операторларына ярдәм итү чаралары массакүләм банкротлыкка чыгудан котылырга мөмкинлек бирде, ә коронавирус аркасында гамәлгә ашырылмаган турлар буенча туристлар алдында бурыч 80% ка кимеде. Туристлык операторларның туристлар алдында булган барлык бурычлары үтәлсен өчен, бу эш дәвам итәчәк».