ЯҢАЛЫКЛАР
2018 елның 26-27 октябрьләрендә Чабаксар шәһәрендә Russian Event Awards 2018 ПФО һәм УФО милли премиясенең региональ бәйгесе узды. Татарстан Республикасын бәйгедә 27 катнашучы яклады. Russian Event Awards 2018 вакыйгаи туристлык өлкәсенең милли премиясенең гомуммилли финалына Татарстан Республикасынан 25 проект үтте.
Бүген Татарстан Республикасының туритстлык буенча дәүләт комитетында Ботендөнья туритслык көне уңаеннан туристлык тармагының вәкилләрен бүләкләү тантанасы узды.
Дәүләт комитетының рәисе Сергей Иванов кунакханә җитәкчеләренә, рестораторларга, туроператорларга, экскурсиячеләргә, укытучыларга, музей хезмәткәрләренә, муниципаль хезмәткәрләргә, туристларга 1001 ләззәт һәм онытылмаслык истәлекләр бүләк итү бурычы белән берләшкән барлык кешеләргә мактау грамоталарын һәм рәхмәт хатларын тапшырды.
Татарстанның Дәүләт Киңәшчесе, “Яңарыш” республика фонды попечительләр советы рәисе Минтимер Шәймиев волонтерларга лидерлыкны саклап, беренчелекне башкаларга бирмәскә киңәш итте. Казан Кремлендә узган “Татарстан Республикасының туристик волонтерлар ассамблеясе” волонтерлары белән очрашудаул волонтерлар хәрәкәтенең илдә беренчеләрдән булып Татарстанда оешуын искә алды.
Яшьләрне сәламләп, Минтимер Шәймиев Россия Президенты Владимир Путин тарафыннан бу елның волонтерлар елы дип игълан ителгәнен искәртте. "Минем аңлауда волонтерлар изге эшләр эшләп, кешеләрне яратучылар. Ихластан ярдәм итәргә теләүче яшьләрнең киләчәге уңышлы булачак. Бу бөтен җәмгыять өчен хезмәт итү. Бу һәркайсыгыз өчен уңышка юл", - дип мөрәҗәгать итте Минтимер Шәймиев.
Дәүләт Киңәшчесе кыска гына чорда туризм тармагы үсеш алып, аның дәүләт өчен мөһимлеген әйтте. "Без бу хакта сөйләшә идек, ләкин ул ерактагы төшенчә кебек иде. Хәзер инде барлык юнәлешләрдә ияләштек кебек. Алдынгы илләрнең күпчелеге туризм белән шөгыльләнә. Дәүләт казнасын тулыландыру өчен ул әһәмияткә ия. Туризмнан керемнәр кайвакыт башка тармакларга караганда да күбрәк", - ди Шәймиев.
Минтимер Шәймиев яшьләргә беркайчан тулысынча канәгать булып кына яшәмәскә киңәш итте. "Бөтенесе булды, дип канәгать булып, мич башына менеп ятсаң, бер кеше китереп бирми", - диде.
Ул соңгы елларда халык күңеленең рухи яктан үзгәрүен, яңарышка омтылуын билгеләп узды. Казан Кремле, Болгар, Зөя утрау-шәһәрчеген ЮНЕСКО Бөтендөнья мирас исемлегенә кертү буенча башкарылган эшләрне искәртте. Дәүләт Киңәшчесе яшьләрнең күңеленә бу казанышларның кыйммәте үтә дә зур булуын сеңдерергә тырышты. Моны зур коллектив тырышлыгы нәтиҗәсе булуын ассызыклады. Дәүләт Киңәшчесе һәр карарның халыкның рухи мәнфәгатьләрен канәгатьләндерү өчен кабул ителгәнен билгеләп үтте. “Тигез урында проблемалар булмаска тиеш. Болгарны торгызабыз икән, Зөядә дә эшләр башладык. Аңлашылмаучанлыклар булырга тиеш түгел. Синагоганы да беренче булып без кайтардык”, - диде.
Минтимер Шәймиев глобальләшү чорында телләрне өйрәнүгә җитди игътибар юнәлтү зарурлыгына игътибарны юнәлтте. Аның фикеренчә, бүген мәктәпләрдә укучыларның өч тел белеп чыгуы кирәк. Өч телне рәхәтләнеп өйрәнергә була, дип саный ул.
Дәүләт Киңәшчесе Татарстан волонтерларының футбол буенча Дөнья чемпионатында эшен мактап телгә алды. “Мин горурланып йөрдем”, - диде.
М.Шәймиев “Кунакчыл Казан” проектына карата да уңай бәясен бирде.
Дәүләт Киңәшчесе туризм өлкәсендә эшләүче волонтерларга ихтыяҗ һәрвакыт булачагын әйтте. "“Сезнең хәрәкәт, волонтерлыкның башка юнәлешләре белән чагыштырганда, тотрыклы. Тармакта гел яңалыклар булып тора, чөнки туризм – ул инде тормыш рәвеше. Бу иң тотрыклы юнәлеш, бу индустрия. Бу мәсьәләдә беренчелекне беркемгә бирергә ярамый. Сезгә гел камилләшеп тору, халыклар, төбәкләр, урыннар, объектлар тарихын өйрәнү кирәк. Һәр заманның үз кыенлыклары. Тормыш – көрәш ул”, - дип киңәш итте ул.
Татарстанның Туризм волонтерлары ассамблеясе генераль директоры Юлия Бәширова ассамблеянең 2009 елның апрелендә булдырылганын искәртте. “Без профильле вузлар, бизнес-струтуралар белән хезмәттәшлек итәбез. Безгә алга таба волонтерларның эшкә урнашуы мөһим”, - диде ул.
Аның әйтүенчә, туризм өлкәсендә алдынгы компанияләр волонтерларга туристлар белән эш итү серләрен ача. Шулай ук, ялларда туристик объектларга экскурсияләр үткәрелеп, волонтерларга Казан шәһәре тарихы турында мәгълүмат бирелә. “Волонтерларга мөрәҗәгать иткән һәр турист шәһәр картасын, мәдәни чаралар афишасын, балалар һәм актив ял урыннары турында мәгълүмат ала. Туристлардан анкеталар буенча сораштыру да үткәрелә. Бу мәгълүматлар туризмны алга сөрү буенча коммуникатив стратегия булдырырга мөмкинлек бирә”, - диде. Юлия Бәширова волонтерларның Болгар һәм Зөягә килүче туристлардан да сораштырырга әзер булуы турында әйтте. Аның сүзләренчә, бу ихтыяҗлар, мәнфәгатьләрне билгеләргә мөмкинлек бирәчәк.
Алабугадан студент-волонтер Ксения Зверева студентлар туристик отрядларын булдыруны тәкъдим итте. Аның әйтүенчә, бу волонтерлыкта яңа юнәлеш. “Бу отряд Алабуга базасында гына гамәлдә тора торган түгел, ә бөтен республика буенча гамәлдә булачак отряд булырга мөмкин”, - диде. Минтимер Шәймиев бу фикер белән килешүен белдереп: “Сезнең әзерлек башкалардан аерылып торырга тиеш”, - дип әйтте.
“Күп нәрсәгә ирешә алдык, ләкин әле туктап калырга ярамый. Һәрвакыт камиллеккә омтылырга кирәк, башкалардан тәҗрибә уртаклашып, лидер булып калу кирәк”, - диде Дәүләт Киңәшчесе.
Татарстанның Туризм буенча дәүләт комитеты рәисе Сергей Иванов, әле эшләргә җирлек бар, туризм волонтерлыгы юнәлешендә республиканың барлык шәһәрләре дә әле колачланмаганын билгеләп узды.
Очрашуда Татарстанның яшьләр эшләре министры Дамир Фәтттахов, Татарстан мәгариф һәм фән министры Рафис Борһанов, Татарстанның мәдәният министры Ирада Әюпова катнашты.
Чара ахырында берничә волонтерга ТР Дәүләт Киңәшчесе Рәхмәт хатлары тапшырылды.
Үзенең һөнәри бәйрәмендә Татарстан Республикасының туристлык буенча дәүләт комитетының рәисе Сергей Иванов Казанның Мәскәү районының 20нче номерлы мәктәпкә юл тотты. Анда ул 9-11 сыйныф укучылары өчен һөнәри ориентация дәресе үткәрде.
Дәрестә дәүләт комитетының рәисе һәм хезмәткәрләре Татарстан Республикасының туристик үзәкләре турында, бөтен Рәсәйнең һәм дөньяның туристларында безнең республикага карата үскән кызыксынуы турында һәм шулай ук туристик ташкынына тээсир иткән факторлар турында сөйләделәр. Туристлык тармагы өчен квалификацияле кадрлар әзерләүче уку йортлары турында җентекләп сөйләштеләр, волонтерлар хәрәкәте темасын кузгаттылар.
Сергей Иванов билгеләп үтте: «Профессионаллар вакыты җитте. Заманча, югары көндәшлек булган мохиттә махсус белемнәрсез эшләү кыен. Белгечләргә ихтыяҗ бик югары һәм укучылар белән мондый очрашулар аларга карарга килү, укырга килү һәм аннан соң безнең бик кызыклы һәм кирәкле тармакта эшли башларга булышыр дип ышанасы килә».
Дәрес ахырында укучылар бәйгенамәдә катнашты, аның җиңүчеләре виртуаль чынбарлыкның очколарын алдылар.
Билгеләп үтик, 20нче номерлы урта мәктәп очраклы рәвештә генә сайланмаган – аның укучылары «Үткәннәргә сәяхәт» бәйгесенең актив катнашучылары. 2017 елда бәйге нәтиҗәләре буенча мәктәпнең ике укучысы Татарстан Республикасының туристлык буенча дәүләт комитетының махсус призлары белән бүләкләнделәр.
Исегезгә төшерик, 27 нче сентябрьдә безнең илдә менә инде 35 ел бәйрәм ителә торган Бөтендөнья туристлык көне билгеләп үтелә.
Бәйрәмнең максаты – туристлыкны пропагандалау, дөнья берләшмәсенең икътисадына өлеш кертүен күрсәтү, төрле илләрнең халыклары арасындагы бәйләнешне үстерү.
2018 елның 29 сентябрендә Казан шәһәреннән 40 км ераклыкта Питрәч авылында III Бөтенрәсәй «Скорлупино» фестивале узачак. 2016 елдан алып фестивальне Рәсәйнең 32 шәһәреннән 12000нән артык кеше күрергә килде. Фестиваль «RussianEventAwards» вакыйгаи туристлык өлкәсенең милли премиясенең Гран-при бүләгенә лаек, «2018 елның милли вакыйга» статусына ия, «Рәсәй могҗизасы», «Туристик истәлекле бүләк» бөтенрәсәй бәйгеләренең приз алучысы, «Tasteexperience-2017» халыкара бәйгесенең финалисты. Фестиваль кунакларын иң гадәти булмаган йомырка белән «олимпия уеннары» көтәчәк. Алар арасында: йомырка ыргыту буенча чемпионат, таба белән чабышлар, дөнья чемпионы белән әтәч ярышлары, глобаль йомырка узышлары, шулай ук бик күп махсус йомырка белән бәйле бәйгеләр, аттракционнар һәм халык уеннары.
Тулырак мәгълүматны фестивальның скорлупино.рф рәсми сайтында белергә мөмкин.
Татарстан Республикасының туристлык буенча дәүләт комитетының исеменнән һәм шәхсән үз исемемнән республиканың туристистлык тармагының барлык вәкилләрен һәм туристлык тармагы белән бәйле булган барлык кешене – туроператорларны, туристлык компанияләрен, кунакханә җитәкчеләрен, экскурсиячеләрне, транспорт компанияләрен, җәмәгать туклану оешмаларын – уңайлы һәм имин ялны профессиональ дәрәҗәдә тәэмин итә торган барлык кешене Бөтендөнья туристлык көне белән котлыйм!
Зур потенциалга ия булган Татарстан Республикасы ышанычлы адымнар белән Мәскәү һәм Санкт-Петербург зур үзәкләре белән беррәттән туристлар иң күп йөри торган урыннарның санына керә.
Татарстан республикасы карамагында туристлыкның күп кенә төрләренә – экскурсия, круиз, экология, дәвалау, хаҗ, эшлекле туристлыкларына – үсеш мөмкинлеге бирә торган уникаль тарихи-мәдәни һәм табигый ресурслар бар. Туристлар күбрәк республиканың үзенчәлекле мәдәнияткә, этник составка, табигый шартларга, тарихка һәм архитектурага ия булган кызыклы почмакларын күрергә киләләр.
Туристлык – ул халыкның тормыш сыйфатын билгеләүче дөнья икътисадының иң көчле һәм җитди тармакларының берсе. Шуңа күрә туристлыкны яратыйк һәм тармак хакына, кешеләр хакына, республика хакына эшлик!
Барлык туристларга сәяхәтләргә дәрт беркайчан да сүнмәсен дип, ә барлык тармакның профессионалларына, әлбәттә, һөнәри уңышлар һәм үсеш телим!
2018 елның 28 сентябрендә 14:00 сәгатьтә Татарстан Республикасының туристлык буенча дәүләт комитеты рәисе каршында видеоязма рәвешендә коррупциягә каршы көрәш буенча комиссия утырышы узачак. Комиссия утырышының көн кадагындагы сораулар Татарстан Республикасының туристлык буенча дәүләт комитетының сайтында «Коррупциягә каршы көрәш» бүлегенең «Татарстан Республикасының туристлык буенча дәүләт комитетының рәисе каршында коррупциягә каршы көрәш буенча комиссия» өстәмә битенең «Комиссия утырышларын үткәрү турында анонслар» өстәмә битендә урнаштырылган.
http://tourism.tatarstan.ru/rus/anonsy-zasedaniy.htm
Сораулар һәм тәкъдимнәр (843) 222-90-29 телефоны һәм Zulfiya.Tazetdinova@tatar.ru электрон почтасы буенча кабул ителә.
Бүген Дәүләт комитетында укытуның беренче этабын тыңлаучыларга билгеләнгән үрнәктәге квалификацияне күтәрү турындагы таныклыклар һәм Туристлык буенча федераль агентлыкның сертификаты тапшырылды.
«Рәсәй Федерациясенең эчке һәм халыкара туристлыкны үстерү (2011-2018 еллар)» федераль аерым бер максатка билгеләнгән программа кысаларында Туристлык буенча федераль агентлык «Туристлык индустриясе белгечләренең квалификациясен күтәрү һәм аларны әзерләү гомуммилли системасы» проектын тормышка ашыра.
Система туристлык индустриясе белгечләренең һәм шул исәптән иерархиянең түбән баскчында урнашкан эшләүчеләрнең квалификациясен йөреп һәм читтән торып күтәрүен күздә тота. Программалар үз эченә туристлык индустриясенең заманча урынын чагылдыра торган иң зарур мәсьәләләрне ала.
2018 елда Туристлык буенча федераль агентлык (Ростуризм) федераль бюджет хисабына квалификацияне күтәрү һәм яңадан һөнәри әзерләү программалары буенча укыту үткәрә.
Татарстан Республикасының туристлык һәм кунакчыллык өлкәсендә эшләүче 150 дән артык белгеч әлеге проект кысаларындагы квалификацияне күтәрү өчен теркәлүне уңышлы уздылар.
Программада Татарстан Республикасы тарафыннан кунакханәләр, уку йортлары, туристлык оешмалар вәкилләре, Татарстан Республикасының экскурсиячеләр гильдиясе һәм шулай ук туристлык өлкәсендәге хакимият органнары вәкилләре катнашты.
Сергей Иванов Татарстанга танышу визиты белән килгән Иран Ислам Республикасының туроператорлары белән очрашты. Очрашуда Татарстанның туристлык мөмкинлекләре тәкъдим ителде, роликлар күрсәтелде, шулай ук сорау-җавап рәвешендә Республикадагы туристлык буенча иң кызыклы мәсьәләләр турында фикер алышынды.
Кунаклар Татарстанда сентябрьның 16-нан алыпы 20-нә кадәр Татарстан Республикасы буенча реклама-мәгълүмат туры кысаларында булачак. Бу вакыт эчендә алар Казан һәм Зөя утрау-шәһәрчеге, Бөек Болгар кебек төп туристлык үзәкләрне күрәчәкләр. Монда алар яңа «Кол Гали Резорт һәм СПА» кунакханә комплексы белән танышачак. Шулай ук визит вакытында алар Казан кунакханәләре белән танышачак һәм Республиканың туроператорлары белән очрашулар уздырачак.
Исегезгә төшерәбез, 2 сентябрьдә Иранның «ATA Airlines» авиакомпаниясе Тәһран һәм Казан арасында беренче турыдан-туры авиарейс башкарды. Даими рейслар атнага ике тапкыр һәр пәнҗешәмбе һәм якшәмбе башкарыла, очу вакыты – 3 сәгать 20 минут.
Казан-Тәһран-Казан авиабилетларын компаниянең www.ataticket.com сайтында онлайн сатып алып була, бәясе 137 АКШ долларыннан алып 164 АКШ долларына кадәр тәшкил итә.
Бухгалтерия хисабы һәм дәүләт заказы бүлегендә "Тәэмин итүче белгечләр" категориясе Татарстан Республикасы дәүләт гражданнар хезмәте өлкән төркем вазифаларын башкару өчен (1 берәмлек) Татарстан Республикасының туристлык буенча дәүләт комитетының кадрлар резервына кертелүгә бәйге игълан ителде.
Бәйгедә катнашу өчен документларны кабул итү 2018 елның 14 сентябреннән 4 октябрьгә кадәр Татарстан Республикасының туристлык буенча дәүләт комитетының эш cәгатләрендә башкарыла. Булачак бәйге турында мәгълүмат Татарстан Республикасының туристлык буенча дәүләт комитетының http://tourism.tatarstan.ru/rus/obyavleniya-o-konkursah.htm рәсми сайтында «Кадрлар сәясәте» бүлегендә урнашкан.
________________________________________
Таҗетдинова Зөлфия Фаниз кызы
Татарстан Республикасының туристлык буенча
дәүләт комитетының кадралар бүлеге һәм юридик эш буенча
әйдәп баручы консультанты
Тел.: +7 (843)222-90-29
E-mail: Zulfiya.Tazetdinova@tatar.ru
Сайт: www.tourism.tatarstan.ru,