ЯҢАЛЫКЛАР

Туризм – яңа коронавирус йогышы таралудан аеруча зыян күргән икътисад тармакларының берсе.

Җәйге чор, 2020 елның алдагы айлары белән чагыштырганда, Татарстан Республикасына туристлар агымы артуын күрсәтә.

Шуның белән берлектә, күп кенә россиялеләрнең хәтта ил эчендә дә сәяхәттән баш тартуы Татарстанның төп туристлык үзәкләренә килүчеләр санына шактый йогынты ясады: 2020 елның июнь-август айларында туристлар агымы 2019 елның шул ук чоры белән чагыштырганда 42,5% кимегән.

Мәгълүмат җиткерәбез: Россия Федерациясе Хөкүмәтенең «Россия Федерациясенә чит ил туристлары санын арттыруны тәэмин итүче оешмаларга дәүләт ярдәме күрсәтүгә федераль бюджеттан субсидияләр бирү кагыйдәләрен раслау турында» 2019 елның 30 апрелендәге 534 номерлы карары нигезендә 2020 елның 4 сентябреннән 25 сентябренә кадәр гаризалар җыела.

Искәртеп узабыз, гариза бирергә мөмкин булган хисап чоры: 2019 елның 2 декабреннән 2020 елның 4 сентябренә кадәр.    

Гаризалар Туризм буенча федераль агентлык тарафыннан түбәндәге адрес буенча кабул ителә:

Мәскәү шәһәре, Пресненская набережная, 10 йорт, 2 корылма, индекс 125039 (IQ квартал).      

Туризм буенча федераль агентлык 5 сентябрьдән 12 сентябрьгә кадәр Татарстан Республикасы, Ульяновск өлкәсе һәм Самара өлкәсе территориясендә федераль массакүләм мәгълүмат чаралары вәкилләре һәм туроператорлар өчен мәгълүмат туры уздыра.

Татарстан Республикасы әлеге чара кысаларында 5-8 сентябрьдә кунаклар кабул итте. Визит барышында төркем Казан Кремлендә, Свияжск (Зөя) утрау-каласында, Раифа монастыренда, «Туган авылым» күңел ачу комплексында һәм Татарстан Республикасының башка туристлык объектларында булды.

8 сентябрьдә Татарстан Республикасының Туристлык буенча дәүләт комитетында (алга таба – Дәүләт комитеты) Мәскәү, Мәскәү өлкәсе, Санкт-Петербург һәм Екатеринбургның туризм компанияләре белән туризм өлкәсендә хезмәттәшлек итү турында килешүгә кул куелды. Яклар туризмны үзара үстерү максатларында хезмәттәшлекне тирәнәйтү һәм киңәйтү буенча үзара мәнфәгатьләрен белдерделәр. Шулай ук реклама-мәгълүмат турында катнашучылар өчен Татарстанның туристлык потенциалы тәкъдир ителде, аңа Татарстан Республикасы туроператорлары чакырылган иде.

«Шәһәр панорамасы» музее Идел буе федераль округында «Тарихи-мәдәни истәлекле урыннар» номинациясендә җиңүче булган. Конкурска тәкъдим ителгән видеоролик музей экспозицияләренең үзенчәлеген һәм Казан шәһәре панорамаларыннан уникаль кадрлар күрсәтә.

2013 елдан башлап, Россиядә эчке һәм чит ил туризмын алга этәрү максатында, «Диво России» туристлык видеопрезентацияләре һәм видеороликлары бөтенроссия конкурсы уза. Конкурста музейлар да, туристлык урыннары да, шулай ук шәһәрләр, сәяхәт өчен кызыклы маршрутлар һәм объектлар тәкъдим итүче төбәкләр дә катнаша.

Видеопрезентацияләр «Территорияләрне тәкъдир итү» (РФ төбәкләре), «Моношәһәрләрдә туризм», «Вакыйгалы туризм», «Туристлык маршрутлары һәм экскурсияләре», «Табигать» һ.б. номинацияләрдә бәяләнгән.

3-4 сентябрьдә Татарстан Республикасының Туристлык буенча дәүләт комитеты рәисе Сергей Иванов Пермь крае массакүләм мәгълүмат чаралары өчен интервьюлар сериясен үткәрде. Интервьюлар һәм телепрограммаларда катнашу халыкка мәгълүмат бирү һәм Идел буе федераль округы төбәкләренең туристлык потенциалын үзара таныту программасы кысаларында узды, аның инициаторы – Татарстан Республикасының Туристлык буенча дәүләт комитеты.

Бүген, дәүләтара чикләр ябылган һәм халыкара авиаэлемтә туктатылган шартларда, Идел буе федераль округы төбәкләре арасында сәяхәтләрнең үсеше зур потенциалга ия. «Күршеләргә кунакка» программасы Идел буе федераль округында яшәүчеләрне округ төбәкләре буенча сәяхәтләргә максималь мотивацияләүгә һәм Татарстанның туристлык абруен җәелдерүгә юнәлдерелгән.

Бүгенге көндә, Татарстан Республикасыннан тыш, программада 7 төбәк: Ульяновск, Самара, Оренбург, Киров, Түбән Новгород өлкәләре, шулай ук Удмурт Республикасы һәм Мари Иле Республикасы катнаша.

Шулай ук әлеге сәфәр кысаларында Сергей Иванов Пермь краеның Туризм һәм яшьләр сәясәте агентлыгы җитәкчесе Юлия Ветошкина белән очрашты. Очрашу барышында туристларны җәлеп итү өлкәсендә үзара хезмәттәшлек, төбәкләрнең туристлык буенча җәлеп итүчәнлеген арттыру, шулай ук «Бөек Идел юлы» проекты кысаларында туристлар агымын арттыру перспективалары турында фикер алыштылар.

Чара технологик юнәлешләрнең киң спектрын колачлаячак: интеллектуаль транспорт системалары, вәзгыять үзәкләре, киберкуркынычсызлык, инновацияләр, финтех.

Чараның максаты – онлайн мәйданчыкта цифрлы технологияләр өлкәсендә иң яхшы тәҗрибәләрне һәм эшләнмәләрне туплау.

Тулырак итеп KAZAN DIGITAL WEEK – 2020 рәсми сайтында (https://kazandigitalweek.com/).

Татарстан Республикасы Министрлар Кабинетының «Татарстан Республикасында яңа коронавирус йогышы таралуны чикләү чаралары турында» 2020 елның 19 мартындагы 208 номерлы карарына үзгәрешләр кертү хакында» 2020 елның 2 сентябрендәге 774 номерлы карары нигезендә Татарстан Республикасында:

верандаларда һәм террасалардагы банкетларда катнашучылар санын 50 кешедән 100 кешегә кадәр арттыру; трибуналарны 25% алып 50% кадәр тутыру рөхсәт ителә.

Төркия Республикасына туристлык сәфәрләре башлануга бәйле рәвештә, Төркия хакимияте тарафыннан эшләнгән санитар-эпидемиологик кагыйдәләрне һәм нормаларны, шулай ук Россия Федерациясе территориясенә кайтучы туристлар өчен Россия Федерациясе Баш дәүләт санитар табибының 2020 елның 27 июлендәге 22 номерлы карарында билгеләнгән таләпләрне үтәү зарурилыгы турында искәртеп узабыз.

Россия Федерациясенә кайтканнан соң:

Россия Федерациясенә кузгалыр алдыннан Дәүләт һәм муниципаль хезмәтләрнең бердәм порталында электрон рәвештә «Россия Федерациясенә килүчеләрне теркәү» дигән анкетаны тутырырга кирәк (билет алганда, ләкин рейска теркәлүдән соңга калмыйча); Россия Федерациясе территориясенә килгән көннән башлап өч календарь көне эчендә COVID-19 буенча ПЦР методы белән лаборатор тикшеренү узарга һәм COVID-19 буенча ПЦР методы белән лаборатор тикшеренү нәтиҗәсе турындагы мәгълүматны Дәүләт һәм муниципаль хезмәтләрнең бердәм порталында, «Россия Федерациясенә килә торган кешеләр өчен яңа коронавирус йогышына тест нәтиҗәләре турында белешмәләр тапшыру» формасын тутырып урнаштырырга; Россия Федерациясе территориясенә килгән көннән соң 14 календарь көне дәвамында сәламәтлек торышы теләсә ничек начарланып киткән очракта, медицина оешмаларына бармыйча гына яшәгән (торган) урын буенча кичекмәстән медицина ярдәме күрсәтүне сорап мөрәҗәгать итәргә.

Россия халыкара туризм академиясенең Казан филиалында «Vatel» кунакханә һәм ресторан бизнесы менеджменты өлкәсендә белгечләр әзерләүнең халыкара программасы буенча диплом эшләрен яклау узды.

Эшләрне яклауга 8 чыгарылыш укучысы кертелде.  Эшләр инглиз Һәм француз телендә якланды. Диплом язу өчен студентлар Франция, Румыния, Берләшкән гарәп әмирлекләре, Мальдивлар, Сингапур, АКШта стажировка узганнар.

Комиссия диплом эшләренең дәрәҗәсен югары бәяләде. Кайбер студентлар чит ил кунакханәләренә һәм халыкара класслы рестораннарга эшкә чакырылган.

Хәзерге вакытта Россия халыкара туризм академиясенең Казан филиалы Казанда «Туризм һәм кунакчыллык менеджменты» юнәлеше буенча 2020 елда аккредитация алган бердәнбер уку йорты.

Хәзерге вакытта «Vatel - РМАТ» халыкара программасы буенча яңа уку елына студентлар туплау дәвам итә.

http://kf-rmat.ru/

29 август көнне, 14:00 сәгатьтә Татарстан Республикасы Министрлар Кабинетында «Бөек Идел юлы» проекты буенча Туризм буенча федераль агентлык, Идел буе федераль округы төбәкләре һәм «ТТ-Трэвэл» федераль туроператоры арасында хезмәттәшлек итү турындагы килешүне имзалау тантанасы була.

Тантанада Туризм буенча федераль агентлык җитәкчесе Зарина Валерьевна Догузова, Татарстан Республикасы Премьер-министры Алексей Песошин, шулай ук Идел буе федераль округының 5 субъектының башкарма хакимият органнары җитәкчеләре: Татарстан Республикасының Туристлык буенча дәүләт комитеты рәисе Сергей Евгеньевич Иванов, Пермь краеның Туризм һәм яшьләр сәясәте агентлыгы җитәкчесе Юлия Альбертовна Ветошкина, Түбән Новгород өлкәсенең Туризм һәм халык сәнгате кәсепләрен үстерү департаменты директоры Сергей Владимирович Яковлев, Самара өлкәсе Мәдәният министрлыгының Туризм департаменты җитәкчесе – министр урынбасары Артур Игоревич Аюдрашитов, Мари Иле Республикасының яшьләр сәясәте, спорт һәм туризм министры Лидия Александровна Батюкова катнашачак.

«Бөек Идел юлы» – 2015 елдан башлап эшләнә торган һәм географик, тарихи, мәдәни бергәлекне, милли үзенчәлекне һәм төп сәүдә һәм тормыш эшчәнлеген тәэмин итүче артерия – Идел елгасына караганлыкны белдерә торган Идел буе федераль округының 14 субъекты буенча төбәкара маршрутлар сериясен берләштергән төбәкара туризм маршруты. Әлеге маршрут «Бөек ефәк юлы»ның төньяктагы бер өлеше булып тора һәм 6 милләтне, миллион кешесе булган 5 шәһәрне, 7 халыкара аэропортны, ЮНЕСКО Бөтендөнья мирасының 3 объектын һәм федераль әһәмияттәге 5 курортны берләштерә. «Бөек Идел юлы» Россия һәм чит ил туристларына мәдәни һәм табигый истәлекле урыннарны, шулай ук Идел буе төбәкләренең этник гореф-гадәтләрен һәм кухняларын ачарга тиеш.

               Хәзерге вакытта «Бөек Идел юлы» бренды белән 20дән артык төбәкара маршрут эшләнгән. Шулар арасында иң популяр булганнарының логистикасы:

• Казан – Йошкар-Ола – Чабаксар;
• Самара – Ульяновск – Казан
• Ульяновск – Самара – Пенза
• Түбән Новгород – Чабаксар – Йошкар-Ола – Казан – Свияжск (Зөя) – Болгар
• Йошкар-Ола – Казан – Свияжск (Зөя) – Болгар

«Бөек Идел юлы» проектын гамәлгә ашыру эше Россия Федерациясе Президентының Идел буе федераль округындагы Тулы вәкаләтле вәкиле каршындагы советның 2019 елның 4 октябрендә Казан шәһәрендә узган «Идел буе федераль округы төбәкләрендә эчке һәм читтән килү туризмын үстерү» мәсьәләсе буенча утырышы нәтиҗәләре буенча активлашты.

Беренче чиратта, Россия Федерациясе Президентының Идел буе федераль округындагы Тулы вәкаләтле вәкиле И.А. Комаров билгеләп үткәнчә, «Бөек Идел юлы» дигән эре төбәкара туристлык проектын алга этәрү 2035 елга кадәрге чорга эчке туризмны үстерү стратегиясендә куелган 2035 елга кадәр круиз туризмы базарын 2 мәртәбә арттыру бурычын хәл итүгә зур өлеш кертәчәк, Идел елгасы бассейнында круиз туризмын яңа дәрәҗәгә чыгарырга, шулай ук туристлар агымы керү нокталарында да, тулаем алганда, проектка керәчәк төбәкләрнең территориясендә дә туристлык агымының башка төрләрен (мәдәни-танып белү, балалар, экология һәм эшлекле) комплекслы алга җибәрү рәвешендә мультипликатив нәтиҗә булдырырга ярдәм итәчәк.

         Бүгенге көндә Идел буе федераль округында 40тан артык туроператор «Бөек Идел юлы» концепциясенә туры килә торган төбәкара маршрутларны гамәлгә ашыра, әмма маршрутларны алга этәрү эше үзәкләштерелгән рәвештә түгел, ә төрле исем астында  алып барыла.

2018 елда маршрут «Минем Россия 2018» балалар мәдәни-танып-белү туризмы дигән илкүләм программасына кертелде. «Минем Россия» программасы кысаларында Татарстан Республикасына Россия Федерациясенең 22 субъектыннан 12-17 яшьлек 1485 бала килде.

2020 елда, халыкара туристлык базарында абруйлы компания булган һәм соңгы елларда эчке туризм өлкәсендә динамикалы рәвештә үсеш алган TUI туроператоры белән хезмәттәшлек итү кысаларында, «Бөек Идел юлы» проекты кысаларында эшләнгән маршрутларны әлеге оператор тәкъдимнәре исемлегенә кертү турында килешүгә ирешелде.

Идел буе федераль округының 6 төбәгеннән (Киров өлкәсе, Түбән Новгород өлкәсе, Самара өлкәсе, Пермь крае, Марий Иле Республикасы, Татарстан Республикасы) TUI компаниясе сайтында урнаштыру өчен 6 маршрут җибәрелде.

Әлеге хезмәттәшлекне үстерүдә, шул исәптән төбәкләрнең массакүләм мәгълүмат чаралары мөмкинлекләреннән файдаланып та, шулай ук реклама һәм матбугат турларын оештырып, «Бөек Идел юлы» проектын алга этәрү һәм популярлаштыру буенча уртак эш башкару күздә тотыла.