ЯҢАЛЫКЛАР
Бүген Зеленодольскның Горький исемендәге заводында ТР Рәисе Рөстәм Миңнеханов «Метеор» су асты канатларында ике тиз йөрешле пассажир судносын һәм водород ягулыгында йөрү-экскурсия судносына нигез салу салу тантанасында катнашты.
Заводчылар инициативасы буенча яңа «Метеор»ларга Советлар Союзы Геройлары Михаил Девятаев һәм Муса Җәлил исемнәре биреләчәк.
Республиканың елга флоты экипаж һәм пассажирлар өчен барлык куркынычсызлык һәм уңайлылык чараларына җавап бирүче заманча кораблар белән тулыланачак, шуның ярдәмендә Татарстан елгалары буенча, шул исәптән Бөек Идел юлы буенча, сәяхәт итү мөмкинлекләре киңәйтеләчәк.
Бүген бер үк вакытта Казанда һәм шәһәр читендәге территорияләрдә берничә мәйданчыкта традицион Май чабу йөрешләре узды.
Мәсәлән, Горький исемендәге паркта башкала халкы һәм кунаклары белән тамашалы интерактив уеннар оештырылган: монда һәм чалыш аяклы Аю да аларны керү юлында каршы алган, урам сугышларында да катнашырга мөмкин булган, һәм уклар һәм балталар ыргытуда күнегүләр ясарга, борынгы хәрби киемнәрне киеп карарга, шулай ук зур көбә киемнәрен җыярга һәм күннән язу дәфтәре тегәргә мөмкин булган.
Гармун көенә күңелле биюләр, гаилә кыйммәтләре турында урам спектакле күрсәтү, беленнәр, пицца, кыстыбый белән сыйланып, беркем дә ач китмәгән, ә бары тик шәп кәеф алып киткән!
Кремль яры буенда алып баручы Емеля тамашачыларны шаяртулар белән күңелләндергән, табышмаклар әйткән, иске яхшы җырлар өчен беленнәр белән сыйлаган – концертта гаилә иҗади музыкаль төркемнәре, мәктәп ансамбльләре һәм өлкән буын иҗади коллективлары катнашкан – мондый концерт беркемне дә битараф калдырмаган, тамашачылар Май чабу бәйрәмнәрендә рәхәтләнеп катнашканнар.
Киң Май чабу бәйрәмен гадәттә зур итеп, күңелле итеп уздыралар. Татарстанда яшәүчеләргә һәм туристларга Май чабу бәйрәмен ни рәвешле кызык итеп уздырып булуы турында Visit Tatarstan интернет-порталы җыентыгында укыгыз RUSSPASS тупланмасында – Россиянең башка шәһәрләрендә һәм төбәкләрендә иң тамашалы чаралар, фестивальләр һәм Май чабу турында укыгыз https://russpass.ru/article/63eccd0088c02c9c012df271 – Май чабу бәйрәмендә кая барырга кирәклеге турында 50 идея.
Алда озын бәйрәм көннәре көтә, димәк, Татарстан Республикасы халкының һәм туристларының файдалы вакыт үткәрү өчен яхшы сәбәбе бар.
Ватанны саклаучылар көне хөрмәтенә тематик маршрут буенча төрле чорлардагы Сугышчан Дан урыннары буенча йөрергә мөмкин, ул һичшиксез республикада яшәүчеләргә һәм төрле яшьтәге кунакларга кызыклы булачак.
Visit Tatarstan интернет-порталы редакциясе февраль бәйрәмнәрен Татарстанда якты һәм кызыклы итеп үткәрү өчен кая барырга кирәклеге турындагы фикерләре белән уртаклаша.
Бүген ТР Туристлык буенча дәүләт комитетында дәүләт аттестациясен уңышлы узган Татарстан гидларына һәм гид-тәрҗемәчеләренә күкрәккә тага торган тәңгәллек карточкалары тапшырылды. Шунысы игътибарга лаек, бүләкләү Бөтендөнья экскурсоводлар көненә багышланган иде.
Татарстан Республикасында 600гә якын экскурсовод бар, шуларның 64 –аттестацияне уңышлы уздылар. Исегезгә төшерәбез, дәүләт аттестациясе процедурасы 2023 елның 1 июленә кадәр тәмамланырга тиеш.
Хөрмәтле Татарстан экскурсоводлары!
Тормышыгызны кызыклы һәм катлаулы тарихны өйрәнүгә багышлаучы кешеләр. Нәкъ менә сез профессиональ рәвештә күңелсез лекцияләрне кызыклы хикәягә әйләндерәсез, экскурсантларның игътибарын җәлеп иттерә беләсез. Сез безгә күзаллауларыбызны күңелле һәм кызыклы киңәйтергә мөмкинлек бирәсез. Мәдәният үсешендә кыйммәтле хезмәтегез өчен рәхмәт белдерәбез һәм шулай ук республика халкына һәм кунакларына Татарстанны лаеклы тәкъдим итүегезне теләп калабыз!
Бүген, 17 февральдә, Санкт-Петербургта Russian Travel Awards Бөтенроссия туристлык премиясен тапшыру тантанасы узды. Татарстан Республикасы 4 номинациядә тәкъдим ителде, аларның һәрберсендә призерлар өчлегенә керде.
«Мәдәни-танып белү туризмы территориясе» номинациясе – 1 урын
«Автотуризм территориясе» номинациясе – 2 урын
«Шифаханә һәм сәламәтләндерү туризмы территориясе» номинациясе – 2 урын
«MICE территориясе һәм конгресс-күргәзмә эшчәнлеге» номинациясе – 3 урын
Чара ТР Мәдәният министрлыгы һәм ТР Зеленодольск районы администрациясе ярдәме белән, милли мәдәниятләр һәм традицияләр елы кысаларында уза.
Зөя утрау-шәһәрчеге кунакларын костюмлы Май чабу йөреше, традицион җырлар һәм хороводалар, беленнәр һәм коймаклар, төрле ярминкәләр, һөнәрчелек һәм кулинар мастер-класслар көтә. Теләге булганнар карлы ныгытманы алуда катнаша алачак!
Бүген TatCenter интернет-порталының мәгълүмат мәйданчыгында Татарстан Республикасының Туристлык буенча дәүләт комитеты рәисе Сергей Иванов катнашында «Цифрлы туризм» онлайн-конференциясе узды.
Экспертлар һәм укучылар цифрлаштыруның туристлык продуктларын камилләштерүгә ничек ярдәм итүе турында фикер алыштылар, Татарстан тәҗрибәсен тикшерделәр һәм туристлык хезмәтләрен алга этәрү ысулларын карадылар.
Укучылардан нинди сораулар алынуы һәм спикерларның җаваплары турында әлеге сылтама буенча укыгыз: https://tatcenter.ru/conferences/czifrovoj-turizm-opyt-tatarstana/
Өч көн – өч төбәк: «Россия – мөмкинлекләр иле» президент платформасы конкурсларында катнашучылар «Сәяхәттән күбрәк» программасы буенча Россия буйлап сәяхәт итәләр
Мәгълүмати белешмә: «Сәяхәттән күбрәк» программасы бөтен Россиядән иң актив һәм талантлы яшьләрне: төрле конкурсларда, ирекле инициативаларда һәм олимпиадаларда катнашучыларны һәм җиңүчеләрне бүләкләү өчен булдырылган. Оештыручылар булып Яшьләр эшләре буенча федераль агентлык (Росмолодежь), Россия Федерациясе Фән һәм югары белем министрлыгы, «Россия – мөмкинлекләр иле» АКО һәм Россия «Белем» җәмгыяте тора. Ел саен бөтен илдән 50 000нән артык яшь кеше сәяхәткә чыга, бу сәяхәтләрнең аналоглары юк.
«Сәяхәттән күбрәк» программасы «Россия – мөмкинлекләр иле» платформасы, Россиянең «Белем» җәмгыяте һәм Россиянең балалар һәм яшьләр хәрәкәте конкурсларында катнашучылар өчен ачык. Сәяхәтләр географиясе барлык федераль округларны үз эченә ала, сайлап алу өчен ким дигәндә 400 маршрут бар.
2023 елның 13-15 апрелендә Минск шәһәрендә, Беларусь Республикасы, «ЯЛ-2023» 25 нче Халыкара язгы туристлык хезмәтләре ярминкәсе узачак.
Күргәзмәдә сез Беларусь Республикасының туристлык потенциалы белән якыннан таныша аласыз: медицина, эко-, гастрономия һәм SPA-туризм, шулай ук туристлык маршрутларыгызны рекламалау, партнерлар белән очрашулар оештыру, яңа эшлекле элемтәләр урнаштыру мөмкинлеге алачаксыз.
Күргәзмә турында тулырак: http://tourexpo.by/
«ЯЛ-2023» күргәзмәсендә катнашу мәсьәләләре буенча – Наталья Лазарчик, моб.телефон: (+375 29) 889-56-63 (WhatsApp, Viber, Telegram), Кол.телефон: (+375 17) 334-01-31, e-mail: tourfair@belexpo.by.
Исегезгә төшерәбез, Минск белән Казанны «Belavia» компаниясенең туры авиарейслары тоташтыра. Рейслар атнага ике тапкыр чәршәмбе һәм якшәмбе көннәрендә башкарыла. Бер якка билет бәясе 6 400 сумнан башлана.