ЯҢАЛЫКЛАР
2022 елның мартында «Кунакчыллык осталары» дип аталган өченче һөнәри бәйгесе башлану турында хәбәр итәбез. Бәйгене «Россия – мөмкинлекләр иле» автономияле коммерциясез оешмасы оештыра. Бәйге «Мәгариф» илкүләм проектының «Һәркем өчен булган иҗтимагый лифтлар» федераль проекты кысаларында үткәрелә.
Бәйгенең максаты – киләчәге өметле булган булачак хезмәткәрләрне ачыклау һәм тармакның хезмәткәрләр потенциалын формалаштыру, туризм һәм кунакчыллык өлкәсендә эшләүчеләрнең һөнәри осталык дәрәҗәләрен үстерүгә ярдәм итү, хезмәт күрсәтү стандартларын һәм һөнәрләрнең абруен күтәрү.
В.П. Энгельгардт исемендәге астрономия обсерваториясе Россиядә һәм дөньядагы иң борынгы һәм танылган обсерваторияләренең берсе. 1901 елның 21 сентябрендә Казан Император университетының шәһәр читендәге Астрономия обсерваториясен ачу тантанасы була. 1903 елда ул рәсми рәвештә В.П.Энгельгардт исемен ала. В.П.Энгельгардт исемендәге астрономия обсерваториясенә караган территория, биналар һәм фәнни мәйданчык әйләнә-тирә ландшафт белән органик элемтәдә тора һәм ул бердәм ансамбль буларак кабул ителә.
Татарстан Республикасы Мәскәүдә «Крокус Экспо» хаклыкара күргәзмә үзәге мәйданчыгында уза торган «MITT 2022» 28 нче халыкара күргәзмәсендә катнаша.
Кичә, күргәзмә кысаларында, Татарстан Республикасы Туристлык буенча дәүләт комитеты рәисе Сергей Иванов М12 килешүендә катнашучы төбәкләрнең алга таба хезмәттәшлеге буенча киңәшмә үткәрде. Анда Мәскәү, Владимир өлкәләре һәм Чувашия Республикасы вәкилләре дә катнашты.
MITT - 2018-19 еллардагы күргәзмәләрнең Гомумроссия рейтингында «Туризм һәм ял» категориясендә Россиянең иң эре туристлык күргәзмәсе булып санала. Ул бөтен дөньядагы илләр, төбәкләр һәм туристлык компанияләренә үзләренең продуктларын һәм хезмәтләрен тәкъдим итү өчен халыкара эшлекле мәйданчык булып тора.
Килешүгә Рөстәм Миңнеханов һәм корпорациянең генераль директоры Сергей Суханов кул куйды. Имзалау тантанасында Россия Федерациясе Хөкүмәте рәисе урынбасары Дмитрий Чернышенко да катнашты.
«Татарстан хәзер шактый алга киткән туристлык юнәлеше булып тора. Без бу республиканың зур потенциалын аңлыйбыз. Тармак үсешенә зур игътибар биргән Рөстәм Нургали улына без рәхмәтле. Татарстан бөтен Идел буе федераль округы өчен туристлык нәтиҗәлелеге катализаторы буларак эшли. Республикага килгән туристлар саны 3,5 млн. җитә. Ул икеләтә арттырылачак», - диде Чернышенко.
Татарстанда кунакларны урнаштыру өчен 3-4 йолдызлы чаралар төзеләчәк, кунакханәләрдә, глэмпингларда һәм кэмпинглардагы номерлар саны 5 меңгә кадәр җитәчәк.
«Татарстан Республикасы туристларда һәрвакыт кызыксыну уятты. Республикада ЮНЕСКО бөтендөнья мирасына караган өч объект бар: Казан Кремле, Бөек Болгар, Зөя утрау-шәһәрчеге. Без авыл туризмын үстерәбез, бездә табигый ландшафтлар күп», — диде Рөстәм Миңнеханов.
«Татарстан белән килешү төзү биш уртак проектның башлангычы булып тора. Безнең алдыбызда кунакларны урнаштыру өчен заманча, сыйфатлы һәм уңайлы чаралар төзү бурычы тора. Шулай ук без Татарстан, Төзелеш, архитектура һәм торак-коммуналь хуҗалык министрлыгы, башка федераль хакимият органнары белән бергә туристлык проектларын инженерлык инфраструктурасы һәм юллар белән тәэмин итү бурычын хәл итәчәкбез», - диде «Туризм. РФ» генераль директоры Сергей Суханов.
Кешбэклы турларны сатуның яңа этабы 2022 елның 15 мартында башлана һәм 2022 елның 1 маенда Мәскәү вакыты белән 23:59 сәгатьтә тәмамлана. Сәяхәткә 15 марттан 1 июльгә кадәр, круизга – навигация башланганнан алып 1 июльгә кадәр барырга була.
Программаның төп шартлары элеккегечә кала: туристның картасына тур яки яшәү бәясенең 20% ы кире кайтачак. аның максималь суммасы - 20 мең сум. Сәфәр өчен МИР картасы аша онлайн түләргә кирәк. Бер картадан чикләнмәгән күләмдәге турлар өчен түләргә була. Теләсә кайсы төбәккә барырга мөмкин. Программада кунакханәдә 2 төннән башлап яшәү каралган.
2020 елда Федераль туризм агентлыгы башлап җибәргән туристлык кешбэгы программасы моңарчы күрелмәгән ярдәм чарасы булып тора,аның ярдәмендә бер үк вакытта туристларга да, бизнеска да ярдәм итү мөмкинлеге бар. Әлеге чара тармакта иң нәтиҗәле чара булды, һәм экспертлар бәяләвенчә, ул эчке туризмны торгызуга ярдәм итте.
Татарстан Республикасы «Идел буенда истә калырлык яллар» дигән исем астындагы стендта тәкъдим ителә.
«Идел буенда истә калырлык яллар» төбәкара комплекслы тимер юл туристлык проекты Россиянең түбәндәге 9 регионын үз эченә ала: Татарстан Республикасы, Самара өлкәсе, Удмуртия Республикасы, Мордовия Республикасы, Пенза өлкәсе, Ульяновск өлкәсе, Марий Эл Республикасы, Киров өлкәсе, Саратов өлкәсе.
Проектны «РЖД Тур» ҖЧҖ Татарстан Республикасының Туристлык буенча дәүләт комитеты, Куйбышев тимер юлы һәм төбәк туристлык операторлары белән берлектә гамәлгә ашыра.
30 апрельдән 2 майга кадәр Казаннан Гарибальди замогына (Казан-Самара-Тольятти-Казан) сәяхәт итү программасы каралган. Тур бәясенә купе, иртәнге аш, төшке һәм кичке аш, экскурсияләр һәм керү билетлары, шулай ук трансфер һәм экскурсовод эше дә кертелгән.
Югарыда күрсәтелгән проект буенча, туристларның беренче визиты кысаларында, Татарстан Республикасына 298 кеше килә. 2021 елда проект 11 шәһәрне берләштереп, югарырак баскычка күтәрелә: Самара, Пенза, Ижевск, Киров, Казан, Йошкар-Ола, Саранск, Ульяновск, Саратов, Түбән Новгород һәм Чабаксар. Казан шәһәренә сәяхәтне дә үз эченә алган берничә тур оештырыла, алар күпсанлы сәяхәтчеләрдә зур кызыксыну уята.
«Идел буенда истә калырлык яллар» проекты кысаларында барлыгы 1674 кеше кабул ителә.
«Интурмаркет» халыкара туристлык күргәзмәсе 2022 елның 12-14 март көннәрендә «Экспоүзәк»тә узачак. Күргәзмәнең эш программасы 60 тан артык чара һәм 200 дән артык спикер чыгышын үз эченә ала. Катнашучылар «Киләчәктә туристлык индустриясен нәрсә көтә?» дигән сорауга җавап табачак. Оештыручыларның күргәзмә өчен нәрсәләр әзерләве турында сөйләп китик.
Чарада катнашучылар һәм кунаклар төрле форматтагы туристлык эшкуарлыгы өчен үсеш идеяләре һәм мөмкинлекләре, яңа төбәкара маршрутлар һәм Россия буенча сәяхәт проектлары турында фикер алышачак. Туризмның перспективалы һәм гадәти булмаган төрләре турында сүз булачак. Моңа туризмның экологик, арктик, яхталы һәм этнографик төрләре керә.
Татарстан Республикасы «Идел буенда истә калырлык яллар» проектын тәкъдим итә.
2022 елның мартында «Кунакчыллык осталары» дип аталган өченче һөнәри бәйгесе башлану турында хәбәр итәбез. Бәйгене «Россия – мөмкинлекләр иле» автономияле коммерциясез оешмасы оештыра. Бәйге «Мәгариф» илкүләм проектының «Һәркем өчен булган иҗтимагый лифтлар» федераль проекты кысаларында үткәрелә.
Алтай краеның туристлык үзәге cезне Алтай краеның туристлык программаларын һәм кунакчыллык индустриясен тәкъдир итү чарасына чакыруына шат, ул 2022 елның 8 апрелендә Казан шәһәрендә түбәндәге адрес буенча узачак: «Казан ярминкәсе» ААҖ (Оренбург тракты, 8), төп павильон, «Казан» залы. Чара 13.00 сәгатьтән алып 16.00 сәгатькә кадәр дәвам итәчәк.
Федераль һава транспорты агентлыгы хәбәр иткәнчә, сүз Әзербайҗан, Әрмәнстан, Казахстан, Кыргызстан, Таҗикстан, Төркмәнстан, Үзбәкстан һәм Иранга очышлар ясау турында бара.
Россия COVID-19 белән бәйле рәвештә кертелгән чикләүләрне Әзербайҗан, Әрмәнстан, Казахстан, Кыргызстан, Таҗикстан, Төркмәнстан, Үзбәкстан һәм Иранга даими һәм даими булмаган очышлар өчен гамәлдән чыгара, дип хәбәр итә Федераль һава транспорты агентлыгы матбугат хезмәте.
«2022 елның 9 мартында, Россия Федерациясе Хөкүмәте карары нигезендә, COVID-19 белән бәйле рәвештә кертелгән чикләүләр Әзербайҗан, Әрмәнстан, Казахстан, Кыргызстан, Таҗикстан, Төркмәнстан, Үзбәкстан һәм Иранга даими һәм даими булмаган очышлар өчен гамәлдән чыгарыла», - диелә хәбәрдә.
Моннан алда Белоруссия, Доминикана, Мисыр (Каирдан тыш), Берләшкән Гарәп Әмирлекләре, Төркия, Финляндия, Чехия, Швейцария, Көньяк Корея һәм Кубага очу өчен дә ковидка бәйле чикләүләр бетерлгән иде.
Бу илләргә очышлар ясау хәзерге вакытта һава элемтәсе турындагы хөкүмәтара килешүләр һәм илләр арасындагы авиация властьларының аерым килешүләре белән генә чикләнә.
Авиация компанияләре, даими һәм даими булмаган очышлар вакытында, «COVID-19 таралуын булдырмау максатларында изоляция режимын саклау турында» РФ Баш дәүләт санитар табибының карарын үтәргә тиеш, дип өстәделәр Федераль һава транспорты агентлыгында.