17 һәм 18 майда Казанда «ВолгаWolga» Елга круизлары фестивале узачак.

2022 елның 17 мае, сишәмбе

«ВолгаWolga» - ул суднолар тотучы һәм 4 теплоходта елга круизлары уздыручы оператор. Әлеге компания Казаннан круизлар оештыруның саны һәм төрлелеге буенча лидер булып санала. Ул 3 тән 16 көнгә кадәр исәпләнгән төрле юнәлешләрдәге 100 круиз оештыра.

Круизлар фестивале Казанда яшәүчеләр өчен үткәрелә. Ул казанлыларны «ВолгаWolga» компаниясенең теплоходлары һәм аларда ял итү мөмкинлекләре белән якыннанрак танышыру мөмкинлеген бирә. Мәсәлән, 17-18 май көннәрендә елга портында өч круизлы «Владимир Маяковский», «Михаил Кутузов» һәм «Павел Бажов» теплоходларында Ачык ишекләр көннәре узачак. Казанлылар теплоходта экскурсияләргә бара, аларның экипажлары белән таныша һәм хәтта мини-круиз (урыннар саны чикләнгән) да уза ала.