ЯҢАЛЫКЛАР

Россия Хөкүмәте туристлык объектлары төзелешен инвестицияләүче компанияләр өчен нуль ставкалы өстәмә хак салымын кертүне хуплады. Бу хакта Хөкүмәт Рәисе урынбасары Дмитрий Чернышенко хәбәр итте.

Дмитрий Чернышенко билгеләп үткәнчә, «Туристлык һәм кунакчыллык индустриясе» илкүләм проекты кысаларында туристлык объектларын – кунакханәләр һәм клиентларны урнашуның башка чараларын төзи торган инвесторлар өчен нуль ставкалы өстәмә хак салымы кертеләчәк. Ул бу объектларны файдалануга тапшырганнан соң һәм шул исәптән, төзекләндерү эшләреннән соң биш ел гамәлдә булачак.

Шулай ук ташламалы өстәмә хак салымыннан моңа кадәр булган кунакханәләрнең һәм клиентларны урнаштыруның башка чараларының хуҗалары да файдалана алачак. Алар өчен ставка 2027 елның 30 июненә кадәр гамәлдә булачак.

«Килеп туган хәлгә бәйле рәвештә, якын арада Россиядә ял итүгә ихтыяҗның шактый артуы көтелә. Әлеге яңа чара кунакханә-туристлык тармагына ярдәм итәргә һәм аны үстерү өчен шартлар тудырырга мөмкинлек бирәчәк. Беренче биш ел эшкуарлык үсеше өчен иң мөһимнәрдән санала. Бу вакыт аралыгында эшкуарлар чыгымнарын каплауга һәм зыянсызлыкка ирешә, шуңа күрә ярдәм итү күзлегеннән чыгып, нәкъ менә шундый вакыт аралыгы билгеләнә. Яңа чара тармакка инвестицияләр кертүне тәэмин итәчәк, инвестиция циклын бетерүгә ирешәчәк һәм ил гражданнарының ялы өчен яңа объектлар барлыкка килүгә этәргеч бирәчәк. Шулай ук бәяләр үсешенә бәйле рәвештә, кунакханәләрдә бәяләрнең тотрыклылыгын тәэмин итү өчен шартлар тудыру, предприятиеләр эшчәнлеге индустриясендә эш урыннарын саклап калуны да мөһим дип саныйм», - диде Дмитрий Чернышенко.

Федераль туризм агентлыгы мәгълүматларына караганда, нуль ставкалы өстәмә хак салымы керткәндә, Россиядә салым чыгымнары кунакханәләр һәм кемпингларда вакытлыча яшәү өчен урыннар бирү юнәлешендә хезмәтләр күрсәтү буенча 16-19 млрд.сумга кадәр җитәчәк.

«Хөкүмәтнең кунакханә тармагы субъектлары өчен өстәмә хак салымын бетерү буенча 5 елга кабул ителгән карары соңгы унъеллыкта туристлык тармагы үсешендә иң көтеп алынган һәм мөһим карар булып исәпләнә, аны без барыбыз да көттек. Туризм буенча илкүләм проект чаралары белән беррәттән, бу карар тармакны көндәшлеккә сәләтле итәргә, яңа инвесторларны җәлеп итәргә һәм Россия туризмының төп проблемаларыннан берсе булган заманча сыйфатлы кунакханәләрнең җитешмәүчәнлеген хәл итәргә мөмкинлек бирәчәк. Хәзерге вакытта Россиядә туризм һәм кунакчыллык индустриясе өлкәсендә өстәмә хак салымы иң югары ставкалар белән бәяләнә. Ул 20% тигез. Шул ук вакытта кунакханә комплексларында бәянең 100%ы өстәлеп турыдан-туры оешмада формалаша, шуңа күрә өстәмә хак салымын түләү буенча салым йөкләнеше әйләнештәге салым белән бер дәрәҗәгә диярлек җитә һәм ул керемнең 30% тигез. Турситлык тармагында 10,5% норма дип санала. Мондый салым йөкләнеше, икътисадның башка тармаклары белән чагыштырганда, туристлык тармагын көндәшлеккә сәләтсез һәм инвесторлар өчен кызыксыз итә», - дип өстәде Федераль туризм агентлыгы җитәкчесе Зарина Догузова.

Хөкүмәт йөкләмәсе буенча, Федераль туризм агентлыгы 15 марттан ил буенча туристлык кешбэгы белән сәяхәт итү мөмкинлеген яңарта. Мондый карар туристларга ил эчендә ял итәргә, тармак эшкуарлыгын саклап калырга һәм яңа эш урыннары булдырырга мөмкинлек бирәчәк.

Кешбэклы әзер турны яки кунакханәдә аерым яшәү мөмкинлеген 15 марттан башлап 1 майга кадәр сатып алырга мөмкин булачак. Сәяхәткә билетлар сату башланганнан соң бу елның 1 нче июленә кадәр барырга мөмкин. Исегезгә төшерәбез, программада шулай ук круизлар да катнаша.  

Программа шартлары элеккечә кала. Анда барлык төбәкләр дә катнаша. Сәяхәтләр өчен МИР картасы аша түләргә кирәк. Сәяхәт бәясенең 20% 5 көн эчендә автормат рәвештә әлеге картага кире кайтарыла. Аның максималь суммасы - 20 мең сум. Программа кысаларында бер кешегә берничә тур сатып алу мөмкинлеге бар».

Кешбэклы турларны сатуның яңа этабы 2022 елның 15 мартында башлана һәм 2022 елның 1 маенда Мәскәү вакыты белән 23:59 сәгатьтә тәмамлана. Сәяхәткә 15 марттан 1 июльгә кадәр, круизга – навигация башланганнан алып 1 июльгә кадәр барырга була.

Программаның төп шартлары элеккегечә кала: туристның картасына тур яки яшәү бәясенең 20% ы кире кайтачак. аның максималь суммасы - 20 мең сум. Сәфәр өчен МИР картасы аша онлайн түләргә кирәк. Бер картадан чикләнмәгән күләмдәге турлар өчен түләргә була. Теләсә кайсы төбәккә барырга мөмкин. Программада кунакханәдә 2 төннән башлап яшәү каралган.

Федераль туризм агентлыгы һәм РФ Цифрлы үсеш, элемтә һәм массакүләм коммуникацияләр министрлыгы РФ дәүләт хезмәтләре порталында турислардан кире элемтә алу формасын булдырды

Россия Хөкүмәте вице-премьеры Дмитрий Чернышенко йөкләмәсе нигезендә, Федераль туризм агентлыгы һәм РФ Цифрлы үсеш, элемтә һәм массакүләм коммуникацияләр министрлыгы РФ дәүләт хезмәтләре порталында https://www.gosuslugi.ru/395103/1/form Россиягә кайтуда каршылыкларга очраган туристлардан кире элемтә алу формасын эшләтеп җибәрде.

Әлеге хезмәт аша Федераль туризм агентлыгы һәм Федераль һава транспорты агентлыгы Россия туристлары исемлегенә төзәтмәләр кертергә һәм аларга кире кайтырга ярдәм итәргә мөмкинлек бирүче билет турында мәгълүмат алырга мөмкин.

Хәзерге вакытта Федераль туризм агентлыгы һәм Федераль һава транспорты агентлыгы Россия туристларының кире кайтуын оештыру эше белән шөгыльләнә. Көн саен даими һәм чартер рейслары Россия туристларын илгә кайтара.

Федераль туризм агентлыгы искә төшерә, әгәр мөмкинлеге булса, туристлар Россиягә чит ил авиакомпанияләре рейсларын, шулай ук тимер юл һәм автобус транспортын да кертеп, өченче ил аша кире кайтаруның гамәлдәге вариантларын карый ала. Федераль туризм агентлыгы моның өчен махсус белешмә әзерләнде, аны түбәндәге сылтама аша карарга мөмкин: https://t.me/doguzova_zv

2022 елның 17 февралендә  Рус география җәмгыяте медиагрантларына дәгъва кылучылардангаризалар кабул итү башланды. Гаризаны 2022 елның 11 мартына кадәр grant.rgo.ru сайтында электрон система аша бирергә мөмкин.

Рус география җәмгыяте сайтында бәйге турында тулырак мәгълүмат урнаштырылган. Анда барлык кирәкле документлар да бар. 

Олимпиада 15 мартта, Мәскәү вакыты белән 12: 00 сәгатьтә, YouTube–каналында туры эфирда узачак (https://www.youtube.com/channel/UCIlRK9LvFloa7cqf_70JtKg). Ул «РОССИЯНЕ БЕЛ. Иң яхшы медиаволонтер» бөтенроссия бәйгесенә нәтиҗәләр ясау кысаларында үтә. Турыдан-туры трансляция барышында Россия төбәкләренең мәдәни мирасын популярлаштыручы иң яхшы волонтерлар, шулай ук иң кунакчыл төбәкләр һәм торак пунктлар-мәдәният һәм туризм өлкәсендәге медиаволонтерлык лидерларының исемнәре аталачак. Педагогларны, мәдәният хезмәткәрләрен һәм аларның тәрбияләнүчеләрен әлеге чарада катнашырга чакыралар.

Сергей Иванов Татарстан Республикасы Президентының «Идарә итү осталыгы, заманча трендлар һәм чакырулар» дип аталган кадрлар резервы квалификациясен күтәрү программасында катнашты.

Татарстан Республикасының Туристлык буенча дәүләт комитеты рәисе туризмның төбәк үсешенә ясаган йогынтысы турында сөйләде. Ул шулай ук туризмның территорияне үстерү факторы булуын да искәртте.

Программаны Казан федераль университеты төзегән.

Сергей Иванов Бөтенроссия фәнни-гамәли конференциясендә катнашты. Ул хезмәт күрсәтү өлкәсен үстерү перспективаларына, шул исәптән, цифрлы технологияләргә дә багышланган иде. Конференция Идел буе физкультура, спорт һәм туризм университетында узды.

Конференциядә катнашучыларны сәламләп, Татарстанның Туристлык буенча дәүләт комитеты рәисе сайланган теманың актуальлеген әйтеп китте һәм Идел буе физкультура, спорт һәм туризм университетының бу юнәлештә фәнни эш үзәге булып торуын искәртте.

«Цифрлы технологияләр зур тизлек белән үсә. Барлык тармакларга да икътисад зур йогынты ясый. Әле дә булса цифрлы технологияләр, цифрлы аналитик модельләрне кулланмаучыларның иске парадигмада калуын аңлыйсың. Цифрлаштыру һәм цифрлы трансформациянең төп максаты хезмәт күрсәтүне сыйфатлырак итү генә түгел, ә бәлки, беренче чиратта, бу тармак эшчәнлегенең нәтиҗәлелеген арттыру белән дә бәйле. Россиянең, шул исәптән, Татарстанның бурычы – бу мәсьәләләрне беренчеләрдән булып хәл итү һәм бөтендөнья туристлык тармагына кушылу», - дип билгеләп үтте Сергей Иванов.

«Пандемия һәм цифрлы трансгуманизм кыйммәтләренең хезмәт күрсәтү өлкәсен үстерү перспективаларына йогынтысы» дип аталган конференция эшендә Россиянең төрле субъектларыннан 120 дән артык кеше һәм Хорватия, Сербия, Швейцария вәкилләре катнашты. Түгәрәк өстәлләр, секцияләр оештырылды.  

Чарада Татарстан Республикасы Туристлык буенча дәүләт комитеты рәисе Сергей Иванов та катнашты.

Яңа сезонда Милли комплекс күп кенә яңалыклар һәм сыналган программаларга карата яңа караш тәкъдим итә.

Сезонның төп премьерасы - «Туган Батырның тууы» дип исемләнгән интерактив-милли хореография тамашасы. «Туган авылым» милли комплексы кунаклары өчен махсус рәвештә әкият герое уйлап чыгарыла һәм шуның буенча хореография спектакле куела.

Атна саен, 30 апрельдән сентябрьгә кадәр, шимбә һәм бәйрәм көннәрендә, Милли комплекста кабат «Kazan show» дип аталган милли тамаша эшли башлый.

«Туган авылым тәме» дип аталган традицион экскурсия дә эшләячәк, анда комплекс тарихы, татарларның көнкүреше һәм кунакчыллыгы, милли татар ризыкларының үзенчәлекләре белән танышырга мөмкин булачак.

«Туган авылым» ресторанының оста пешекчеләре аш-су буенча мастер-класс күрсәтә, анда үз кулларың белән өчпочмак һәм гөбәдия пешерергә була.

Шулай ук Казан ханлыгы стилендәге милли киемнәрдән фотосессия дә үткәрергә мөмкин.

Программада тантаналы атлау өлеше, традициягә кергән җырлар һәм әйлән-бәйлән уеннары, беленнәр һәм коймаклар, ярминкә, һөнәрчелек һәм аш-су буенча мастер-класслар булыр дип көтелә. Балаларга уенчыкларын алыштыру мөмкинлеген бирә торган базар да каралган.

Зөянең тарих музеенда Май чабу бәйрәме вакытында «Зөядән, яратып» дип аталган акция узачак. Музейга килүчеләрнең барысы да якыннарына, чикләнгән күләмдә котлаулар җибәрә ала. Бу түләүсез эшләнелә.

Сәхнәдә Зөя кунакларының яраткан җырчысы Даня Воронков «Балалайкада дөнья халыклары җырлары» программасы белән чыгыш ясаячак.

Май чабу костюмы яки май чабу битлеге бәйгесе дә булачак, аңа алдан әзерләнергә кирәк! «Дженази» ут театры чыгышы алдыннан бәйге партнерлары һәм чараны оештыручылар бүләкләр уйнатачак.

Килеп туган вәзгыятькә бәйле рәвештә, Федераль туризм агентлыгы чит илгә туристлык сәфәренә һәм эшлекле сәфәрләргә җыенучылар өчен түбәндәгеләрне тәкъдим итә:

- Россиягә карата санкция һәм чикләүләр илләргә барудан мөмкин булганча баш тартырга кирәк, чөнки әлеге илләрдә булу Россиягә әйләнеп кайтуда куркыныч тудыра ала.

- Ял итәргә барганда, туристлык өчен ачык булган һәм Россиягә каршы бернинди чикләүләр кертмәгән илләрне сайларга киңәш итәбез. Бүгенге көндә Төркия, Мисыр, Тунис, Берләшкән гарәп әмирлекләре, Кытай, Һиндстан, Вьетнам һәм башка дәүләтләр туристлык сәфәрләре өчен кулай дип санала.

- Без шулай ук Россия Тышкы эшләр министрлыгы, Федераль туризм агентлыгы һәм Федераль һава транспорты агентлыгының актуаль туристлык юнәлешләре статусын үзгәртү турындагы мәгълүматын игътибар белән күзәтүегезне сорыйбыз.

Кайбер юнәлешләр, шул исәптән, Латин Америкасының кайбер илләре, Европа берлеге һәм Канаданың һава киңлегенә бәйле чикләүләр кертүе аркасында, туристлар өчен ачык түгел, чөнки бу зур куркынычлык белән аңлатыла. Моңа Куба, Доминикана, Мексика, Венесуэла кебек илләр керә.

Туристлык операторларына Россиягә карата санкция керткән илләргә, шулай ук юлы Еропа Берлеге һәм Канаданың ябык һава киңлеге аша үткән Кариб Бассейны илләренә турлар сатуны туктатырга киңәш итәбез. Сәяхәтләр өчен кулай булмаган турларны броньлаган туристларга альтернатив юнәлеш сайлау өчен туристлык операторына мөрәҗәгать итәргә киңәш ителә.

Шулай ук исегезгә төшерәбез, чит илләрдән тыш, Россия территориясендә дә ялларны оештыру мөмкинлеге зур. Без төбәкләр һәм туристлык эшкуарлыгы белән бергә даими рәвештә эчке юнәлешләрнең үтемлелеген һәм сыйфатын арттыру өстендә эшлибез.