Җылылык аэростатларының беренче Халыкара фиестасы

2022 елның 17 мае, сишәмбе

2022 елның 3-5 июнь көннәрендә Татарстан Республикасының Зеленодольск, Югары Ослан районнарында җылылык аэростатларының беренче Халыкара фестасын үткәрү планлаштырыла.

Сез Россия һәм Әрмәнстанның иң яхшы һавада очучыларын күрә алачаксыз.  Чарада дөнья рекордчылары Сергей Баженов (Россия), Наири Барсегян (Әрмәнстан), Россиянең һавада очучылар президенты Иван Меняйло, шулай ук Ереван, Казан, Мәскәү, Дмитров, Түбән Новгород, Уфа, Йошкар-Оладан килгән (10га якын аэростат) һавада очучылар катнашачак.