ЯҢАЛЫКЛАР
Татарстанда гомуми аудиториясе миллионнан артык язылучы булган Кувейт блогерлары өчен ТР Туристлык буенча дәүләт комитеты, Мәскәү шәһәренең Туризм комитеты һәм Санкт-Петербургның Туристлыкны үстерү комитеты тарафыннан республиканың туристлык мөмкинлекләрен күрсәтү максатында оештырылган блог-тур уза.
Кунакханә һәм башка урнаштыру чаралары хуҗаларына 2025 елның 1 сентябренә кадәр объектны федераль реестрда теркәргә һәм классификация узарга кирәк, бу законлы эш өчен мәҗбүри шарт булып тора.
Иран туроператорларына, Казан һәм республиканың башка районнары буенча экскурсияләрне дә кертеп, Татарстан Республикасының туристик мөмкинлекләрен күрсәттеләр. Казанның уңайлы урнашуы һәм Татарстанга баруны Мәскәүгә, Санкт-Петербургка бару белән бергә алып барырга мөмкинлек бирә торган транспорт инфраструктурасы билгеләп үтелде.
2025 елның 2 июленнән Mahan Air авиакомпаниясе Казан — Тәһран — Казан туры рейсларын атнага ике тапкыр эшләтеп җибәрәчәк. Килешүгә Татарстан Республикасы Рәисе ярдәмендә Татарстан делегациясе һәм Mahan Air арасында сөйләшүләр барышында ирешелде.
Казан һәм Исфахан хезмәттәшлек турында килешүгә кул куеп, хезмәттәшлекне ныгыттылар. Әлеге килешү кысаларында Татарстан Республикасы туроператорлары өчен Исфахан провинциясенең туристик потенциалы тәкъдир ителде.
Төркемле туристлык сәфәрләре өчен визасыз режимны күздә тоткан Россия белән Иран арасындагы хөкүмәтара килешү кысаларында Татарстанның 11 туроператоры 2025 елдан 2026 елга кадәрге чорда мондый турларны оештыруга рөхсәт алды.
Мамадыш шәһәре, 2025 елның маенда беренче теплоходларны уңышлы кабул итеп, круиз туризмын үстерә. Туристларга шәһәрнең тарихы, мәдәнияте һәм истәлекле урыннары белән таныштыручы бай экскурсион программалар тәкъдим ителә. Бу юнәлешнең алга таба үсеше һәм туристлар агымының артуы көтелә.
«Россия — Ислам дөньясы: KazanForum 2025» форумы кысаларында Россиядә керү туризмын үстерүгә багышланган сессия узды. Анда безнең илне чит ил туристлары өчен, шул исәптән мөселман илләреннән җәлеп итүчәнрәк итү турында фикер алыштылар. Татарстан үз тәҗрибәсе белән уртаклашты, ә башка регионнар вәкилләре һәм экспертлар үз идеяләрен һәм эшләнмәләрен тәкъдим итте. Чара «Үз Россияңне ач» программасы кысаларында узды.
Татарстан Республикасы һәм Вологда өлкәсе туристлык өлкәсендә хезмәттәшлек турында килешү төзеделәр, ул туристлык маршрутларын алга җибәрүне, тәҗрибә уртаклашуны, балалар, яшьләр һәм социаль туризмны алга җибәрүне, шулай ук инфраструктураны үстерүне һәм кадрлар әзерләүне күздә тота.
Татарстан Гарәп туристлары өчен махсус Nature’s Embrace хәләл туристлык маршрутын эшләде һәм тәкъдим итте. Маршрут Discover Russia тарафыннан гарәп базары өчен төзелгән Time to travel каталогына керде һәм Татарстан табигатенә һәм мәдәниятенә чумуны тәкъдим итә, шул исәптән: Казанда булу, глэмпинглар, төрле күңел ачулар һәм хәләл кухня белән танышу.