Татарстан Республикасы 2025-2027 елларда модульле капиталь булмаган урнаштыру чараларын булдыруга финанслау алачак
Татарстан Республикасының 29 проекты 2025-2027 елларда урнаштыру өчен модульле капиталь булмаган чаралар булдыруга Россия Икътисадый үсеш министрлыгының конкурс сайлап алуында җиңүче булды. Субсидияләрнең гомуми күләме 739,5 млн.сум тәшкил итәчәк, шуның 536,4 млн.сумы – федераль бюджеттан һәм 203,1 млн.сумы – республика бюджетыннан. Казанда һәм республиканың 16 районында «Туристлык һәм кунакчыллык» илкүләм проекты кысаларында яңа объектлар барлыкка киләчәк.
Татарстан Республикасының 29 инвестиция проекты «Туристлык һәм кунакчыллык» илкүләм проекты кысаларында 2025-2027 елларда капиталь булмаган модульле чаралар урнаштыру буенча инвестиция проектларына ярдәм итү өчен Россия Федерациясе Икътисадый үсеш министрлыгы тарафыннан үткәрелгән конкурс сайлап алуында җиңүче булды.
Өч ел эчендә планлаштырылган субсидияләр күләме 739,5 млн.сум тәшкил итәчәк, шул исәптән: федераль бюджет акчалары — 536,4 млн.сум; республика бюджеты акчалары – 203,1 млн.сум.
Модульле капиталь булмаган чараларда яңа номерлар фонды Казан шәһәрендә һәм Татарстан Республикасының 16 районында барлыкка киләчәк: Алексеевск, Баулы, Бөгелмә, Югары Ослан, Биектау, Зеленодольск, Кайбыч, Кама Тамагы, Лаеш, Мамадыш, Менделеевск, Минзәлә, Түбән Кама, Питрәч, Тукай, Саба.
Россия Икътисадый үсеш министрлыгы тарафыннан хупланган инвестиция проектлары исемлеге Татарстан Республикасы Туристлык буенча дәүләт комитеты сайтында бастырылган (https://tourism.tatarstan.ru/subsidii-na-sozdanie-modulnih-nekapitalnih-7710869.htm ).
Дәүләт комитеты тарафыннан әлеге проектларның Россия Федерациясе Хөкүмәтенең 2021 елның 24 декабрендәге 2439 номерлы карары белән расланган Кагыйдәләр нигезендә субсидияләр бирүне җайга сала торган гомуми таләпләргә туры килүе буенча сайлап алу үткәреләчәк. Моның өчен модульле капиталь булмаган урнаштыру чараларын булдыруга субсидияләр бирүнең төбәк тәртибе кабул ителәчәк.
Исегезгә төшерәбез, 2022 елдан 2024 елга кадәр шундый ук ярдәм чаралары кысаларында 34 инвестиция проекты гамәлгә ашырылган инде, алар 441,6 млн.сум күләмендә субсидияләр алдылар. Хупланган объектлар Казан шәһәрендә һәм Татарстан Республикасының 14 районында: Баулы, Бөгелмә, Югары Ослан, Биектау, Зеленодольск, Кайбыч, Кама Тамагы, Лаеш, Мамадыш, Менделеевск, Питрәч, Балык Бистәсе, Тукай, Саба районнарында яшәүчеләрне һәм кунакларны кабул итә.
Конкурс сайлап алулары, туры эфирлар турындагы яңалыкларны конкурсларда катнашу турында аңлатмалар белән ТР Туристлык буенча дәүләт комитетының телеграм-каналында күзәтегез: https://t.me/tourismRT.