ЯҢАЛЫКЛАР
Хөрмәтле хаҗилар, Согуд Гарәбстаны Корольлегенә хаҗга бару буенча хезмәт күрсәтүче туристлык операторы турында мәгълүматларның Бердәм федераль туристлык операторлары реестрында булуы турында хәбәр итәбез (Интернет челтәрендә түбәндәге адрес буенча кереп карарга була: https://www.russiatourism.ru/operators/), шулай ук ул Россиянең хаҗ-миссия сайтындагы хаҗ операторлары бүлегендә дә тәкъдим ителгән (Интернет челтәрендә түбәндәге адрес буенча кереп карарга була: https://hajjmission.ru/operators).
Исегезгә төшерәбез, хаҗ кылучыларны хаҗга җибәрү буенча хезмәт күрсәтү өчен алда аталган ике реестрда да туристлык операторы турында мәгълүматның булуы мәҗбүри шарт булып тора.
Хаҗга юллама алган очракта, туристлык агентыннан хезмәт күрсәтүче туристлык операторы турындагы мәгълүматларны ачыкларга киңәш итәбез.
Идел буе физик культура, спорт һәм туризм университеты чыгарылыш курс студентлары өчен чын, якты бәйрәм оештырды – бүген югары уку йортында диплом тапшыру тантанасы узды.
Бүген Казан халыкара аэропортында тантаналы рәвештә «Nordwind» компаниясенең Томск-Казан рейсы ачылды. Татарстан башкаласына Томск шәһәреннән 100 кеше килде.
Рейсны каршы алуда Татарстан Республикасының Туристлык буенча дәүләт комитеты рәисе урынбасары Айгөл Балахонцева, Татарстан Республикасы транспорт һәм юл хуҗалыгы министры урынбасары Айрат Садыйков катнашты. «Nordwind» авиакомпаниясен әлеге авиакомпаниянең генераль директоры урынбасары – коммерция директоры Антон Маттис һәм Казан халыкара аэропортының генераль директоры Сергей Романцов катнашты.
1 июльдә Russia Traveler журналы Russia Traveler Awards 2022 еллык премиясенә онлайн тавыш бирүне башлап җибәрде.
Russian Traveler Awards – популяр булган истәлекле урыннар һәм туризм юнәлешләре өчен Россия күләмендә ачык тавыш бирү булып тора. Аларның яңа рейтингы Россия буйлап сәяхәт итүче барлык туристларга да файдалы булачак.
Россия төбәкләре номинантларны үзләре сайлап ала һәм гаризалар тапшыралар, алар арасында:
🔸курортлар һәм милли парклар
🔸шәһәр һәм шәһәр читендәге кунакханәләр
🔸халык һөнәрләре һәм экскурсия маршрутлары.
Ахыргы карарны журнал укучылары кабул итә, алар үз фаворитлары өчен тавыш бирәчәк. Тавыш бирү нәтиҗәләре ноябрь аенда булачак һәм Russian Traveler сайтында һәм журналында басылып чыгачак.
Тавыш бирү сайтта уза
https://awards.rtraveler.ru/nominations/kulturno-istoricheskij-obekt-muzej/
Сергей Иванов Зәлинә Зиннәтуллинаны җиңү һәм «Мисс Туризм Евразия» титулын яулавы белән котлады. Зеленодольскта яшәүче Зәлинә «Мисс Евразия 2022» халыкара матурлык конкурсында җиңүче булган.
Туризм буенча федераль агентлык һәм агачтан архитектура корылмалары өчен гомумроссия премиясе янә шәһәр читендәге кунакханә инфраструктурасының агач конструкцияләрне кулланып ясалган иң яхшы объектларын сайларга ярдәм итәчәк. Махсус проектның икенче итерациясендә яңа номинацияләрнең берсе - «Тиз төзелә торган иң яхшы отель». Гаризалар 2022 елның 1 июленнән 21 августына кадәр кабул ителә.
Дәүләт комитеты рәисе Сергей Иванов Бауман – Казанның үзәк урамында урнашкан туристлык инфраструктурасы объектларын карап чыкты. Эшлекле сәфәр Казан шәһәренең Туризмны үстерү комитеты директоры Дарья Санникова белән бергә узды.
«Бүген шәһәрнең төп урамы, Казанда ял итүче туристлар өчен төп урам буйлап уздык. Бауман төп туризм маршруты буларак махсус контроль зонасына эләгә. Без барлык җитешсезлекләрне дә теркәдек һәм якын арада аларны бетерүгә керешәчәкбез. Тулаем алганда, төзекләндерү мәсьәләсен комплекслы хәл итәргә тырышырбыз», – дип билгеләп үтте Татарстан Республикасы Туристлык буенча дәүләт комитеты башлыгы.
30 июньдә Татарстан Республикасының Туристлык буенча дәүләт комитеты рәисе каршындагы Коррупциягә каршы тору комиссиясенең чираттагы утырышы булып узды. Киңәшмәдә түбәндәге мәсьәләләр каралды:
1. 2021 елда Татарстан Республикасы территориясендә коррупциягә каршы чараларны гамәлгә ашыру буенча Татарстан Республикасы башкарма хакимияте органнары, Татарстан Республикасы федераль башкарма хакимияте органнарының территориаль органнары, Татарстан Республикасы муниципаль районнарының һәм шәһәр округларының җирле үзидарә органнары, башка дәүләт органнары һәм оешмалары эшчәнлегенең нәтиҗәлелеге мониторингын карау турында.
2. Татарстан Республикасының Туристлык буенча дәүләт комитетының 2015-2025 елларга коррупциягә каршы программасы чараларының 2022 елның II кварталы өчен үтәлеше турында
3. Татарстан Республикасы Туристлык буенча дәүләт комитетының дәүләт ихтыяҗларын тәэмин итү өчен дәүләт сатып алуларын гамәлгә ашыру өлкәсендә 2022 елның 6 аендагы эшчәнлеге турында.
4. 2022 елның II кварталы өчен массакүләм мәгълүмат чараларында урнаштырылган һәм гражданнар һәм юридик затларның мөрәҗәгатьләрендә булган вазыйфаи затлар эшчәнлегендәге коррупцион күренешләр турында мәгълүмат мониторингы нәтиҗәләре турында.
Комиссиянең барлык карарлары бертавыштан кабул ителде.
Зеленодольскида яшәүче хатын-кыз «Мисс Евразия 2022» халыкара матурлык конкурсында җиңүче булган. Зәлинә Зиннәтуллина «Мисс Туризм Евразия» титулын яулаган.
«Татар-информ» мәгълүмат агентлыгы хәбәр иткәнчә, сәфәрне оештыруда ТР Зеленодольск районы хакимияте ярдәм күрсәткән.
Халыкара ярыш Истанбулда ун көн дәвамында узган. Титул өчен бөтен дөньядан 23 кыз көч сынашкан. Конкурс кысаларында фотосессияләр, милли киемнәрдән йөрүләр, маскарадлар һәм иҗади номерлар үткәрелгән.
Конкурс ахырында бүләкләү тантанасы булган, анда төп приз – җиңүче таҗы. «Мисс Евразия 2022» титулын һәм трофейны Башкортстаннан Нурсилә Фәхретдинова яулаган. Ул тумышы белән Баймак районының Тавлыкай авылыннан.
Татарстан Республикасы Лаеш муниципаль районының Имәнкискә авылында Татарстан Республикасы туроператорлары өчен реклама туры узды. Туристлык индустриясенең әйдәп баручы вәкилләре, шулай ук экскурсиячеләр «Фермерская лавка» мәйданчыгында, ял базасында булдылар һәм Чырпы авыл җирлеге башлыгы Радик Евдокимов белән очраштылар.