ЯҢАЛЫКЛАР
OneTwoTrip сәяхәтләрне броньлау сервисы Футбол буенча конфедерацияләр кубогына матчлар узачак шәһәрләргә авибилетларга һәм отельләргә булган сорауга анализ үткәргән. Казан буенча авиабилетларга һәм отельләргә булган сорау күрсәткече уртача 5%ка арткан. Россия шәһәрләреннән Татарстан башкаласына бару-кайту буенча авиабилетлар уртача алганда 8200 сум тора, яшәү – 3* отельдә тәүлегенә 4200 сум тирәсе. Май азагы һәм июнь башы белән чагыштырганда Конфедерацияләр кубогын үткәрү көннәрендә шәһәрләргә баруга бәйле сорау тагын да сизелерлек дәрәҗәдә үскән: 24-28 июнь көннәрендә Казанга бару белән бәйле сораулар 80%ка арткан. Мәскәү һәм Санкт-Петербург буенча үсеш әзме-күпме уртача дәрәҗәдә (+20-30%).
Татарстан Республикасының Туристлык буенча дәүләт комитеты рәисе Сергей Иванов һәм аның урынбасары Артур Абдрашитов Казан буенча Ретро-трамвайда яңа экскурсияне башлап җибәрүдә катнаштылар. Экскурсия маршруты – ул шәһәрнең тарихи үзәге аша тимер юл вокзалыннан елга портына кадәр бара һәм кайта торган, гамәлдәге трамвай маршрутының чын модификациясе. Шуның аркасында теләге булган һәркем Казан шәһәренең тарихы белән таныша, аудиогид ярдәмендә трамвай хәрәкәт итә торган маршрут буенча урнашкан йортларда яшәгән атаклы шәхесләр турында хикәя тыңлый алачак. Экскурсия 7 телдә гамәлгә ашырыла. Моннан тыш, юлда барганда Татарстан Республикасының милли ашханәсеннән дә авыз итәргә була. Экскурсиянең озынлыгы – 40 минут. Трамвайга утырту Вокзал алды мәйданы, 1 йорт адресы буенча урнашкан Тимер юл вокзалында гамәлгә ашырыла.
22 һәм 23 июль көннәрендә Казанда «АренаЛэнд» халыкара музыка-спорт фестивале узачак. Кунакларны 30 интерактив мәйдан, 50 артист, 3 сәхнә һәм 10000 артык кеше көтә! Фестивальнең хедлайнерлары – Brainstorm, Therr Maitz, Юлиана Караулова һәм Пицца төркеме. Авто-мотошоу, тату-фестиваль, атаклы блоггерларның лекторийлары, компьютер уеннары фестивале, һава шарларында очулар, көндезен һәм кичен кино күрсәтүләр, төрле мастер-класслар һәм атаклы артистларның чыгышлары.
22 һәм 23 июль көннәрендә Казанда «АренаЛэнд» халыкара музыка-спорт фестивале узачак. Кунакларны 30 интерактив мәйдан, 50 артист, 3 сәхнә һәм 10000 артык кеше көтә! Фестивальнең хедлайнерлары – Brainstorm, Therr Maitz, Юлиана Караулова һәм Пицца төркеме. Авто-мотошоу, тату-фестиваль, атаклы блоггерларның лекторийлары, компьютер уеннары фестивале, һава шарларында очулар, көндезен һәм кичен кино күрсәтүләр, төрле мастер-класслар һәм атаклы артистларның чыгышлары.
Барлык балык яратучылар өчен Татарстан Республикасы сюрприз әзерләде! 16 июньнән 22 июньгә кадәр Казан шәһәрендә FISHKA гастрономик балык атнасы узачак. Шунысы кызык, фестивальдә күрсәтеләчәк балык җирле төбәктә җитештерелгән. Чара “йолдызлары” булып чөгә балыгы, карп һәм керкә (форель) торачак.
16 июньдә “Казан” гаилә үзәге тирәсендә сәхнә, балык рәтләре, балалар мәйданчыгы, фотозоналар һәм күп кенә башка әйберләр урнаштырылачак. Шәһәрдәге иң яхшы 10 ресторан һәм урам азыгы буенча 5 вәкил нон-стоп режимында үзләренең кунакларын уха пешерү буенча төрледән-төрле шәхси рецептлары белән шаккаттырачак һәм балыктан ясалган ризыкларның зур ассортименты белән сыйлаячак.
Туризм буенча Дәүләт комитеты рәисе Сергей Иванов катнашты Комитет утырышында ТР Дәүләт советы икътисад, инвестицияләр һәм эшкуарлык. Ул анда доклад белән чыгыш ясады темасына "Хокукый җайга салу чыгуның балалар, туристик максатларда, шулай ук тәкъдим итте үтәлеше турында хисап карар исполения Татарстан Республикасы Дәүләт советы Президиумы ел, 21 июнь 2016 елның үстерү перспективалары Турындагы "Туристик тармагы Татарстан Республикасында".
ТурСтат аналитика агентлыгы Россиянең 2017 елда җәйге ял көннәрендә сәяхәт кылу өчен популяр булган иң кечкенә шәһәрләрен ачыклады.
Иң кечкенә шәһәрләр рейтингына халкы 10 мең кешедән азрак булган калалар эләккән.
Туристлар арасында җәйге ял көннәрендә популяр булган Россиянең иң кечкенә 10 шәһәре топына Болгар (Татарстан Республикасы), Плес (Иваново өлкәсе), Кириллов (Вологодск өлкәсе), Мышкин (Ярослав өлкәсе), Весьегонск (Тверь өлкәсе), Теберда (Карачай-Черкес), Задонск (Липецк өлкәсе), Правдинск (Калининград өлкәсе), Верхнеуральск (Чиләбе өлкәсе) һәм Сольвычегодск (Архангельск өлкәсе) шәһәрләре кергән.
Рейтинг туристлык офисларыннан һәм яшәү урыннарына бронь алу буенча онлайн системалардан алынган мәгълүматларны анализлау нәтиҗәсендә төзелгән.
Ел саен “Татарстан Республикасы туристлык волонтерлары ассамблеясы” автономияле коммерциячел булмаган оешмасы тарафыннан Татарстан Республикасы Туристлык буенча дәүләт комитеты ярдәме белән тормышка ашырылучы “Кунакчыл Казан” җәйге проекты 1 июньдә старт алды. Әлеге проект туристларга истәлекле урыннар һәм туристлык инфраструктурасы объектлары турында мәгълүмат ирештерүгә, шулай ук Казан шәһәренең туристлык ягыннан кызыксындыргыч булуын арттыруга юнәлдерелгән.
Һәр мәгълүмат ноктасы геогөмбәз чатыры рәвешендә футбол тубы сыман эшләнгән һәм Visit Tatarstan стилендә рәсмиләштерелгән. Һәр чатырда
бер үк вакытта 10.30 башлап 14.30 кадәр һәм 14.30 башлап 18.30 кадәр ике сменада өч волонтер эшли һәм алар шәһәрнең биш ноктасында: Иске Татар бистәсендә, Камал театрында, “Шаляпин Палас Отель”дә, “Ногай” отелендә, Казан Кремлендә торалар. Мәгълүмат пунктларында туристлар бушлай нигездә шәһәр картасын, шулай ук җәйге туристлык сезоны стартына һәм 2017 елгы Конфедерацияләр кубогына махсус рәвештә 5 телдә: рус, инглиз, алман, испан һәм кытай телләрендә нәшер ителгән “Татарстан: 1001 рәхәтлек” рәсми гидын ала алачак. Туристлык гидын эшләүче булып “Татарстан Республикасы туристлыгын үстерү үзәге” автономияле коммерциячел булмаган оешмасы катнашты. Быел “Кунакчыл Казан” проектында 200 волонтер катнашачак, алар Казандагы профильле вузларның студентлары булып торалар.
Музей экспозициясе Европа музейларына охшаш, заманча мультимедияле чишелешләрдә төзелгән. Музей диварларында булган вакытта бирегә килгән кунак зур экраннардан 16 нчы гасырдан башлап 19 нчы гасырга кадәр Казан татарларының үзенчәлекле җәмгыяте барлыкка килү тарихын күрә алачак, интерактив тач-панельләрдә тарих битләрен мөстәкыйль рәвештә ачып, виртуаль киенеп карау бүлмәсендә милли киемнәрне киеп карый алачак, зур экранда биналарның һәм 3D скульптуралары макетларын әйләндереп, архитектураны һәм атаклы шәхесләрнең биографияләрен өйрәнә алачак, татарларның гореф-гадәтенә кергән чәй эчү үзенчәлекләре белән танышачак, сувенирлар һәм антиквариатлар өстәлен карап, хәтта виртуаль чынбарлык күзлекләрен киеп, 19 гасырдагы Иске Татар бистәсе буйлап “Барабус” чанасында шуа алачак.
“Здравница-2017” форумында “Татарстан шифаханәләре” ассоциациясенең Милли Курорт Ассоциациясенә (МКА) әгъзалыкка кертелүе турында карар кабул ителде. 2017 елның 1 июненнән башлап МКА белән Ассоциация әгъза булып керү турында шартнамә төзеделәр. Милли Курорт Ассоциациясе шифаханә-курорт учреждениеләрен һәм РФ Шифаханәләр ассоциациясен берләштерә торган коммерциячел булмаган оешма булып тора.