ЯҢАЛЫКЛАР

Татарстан Республикасы Туристлык буенча дәүләт комитеты, Казан университетының тарих музеена нигез салган һәм күп еллар буе аның директоры булып эшләгән, Татарстан Республикасының Атказанган мәдәният хезмәткәре, Казан университетының атказанган хезмәткәре Стелла Владимировна Писарева вафат булу сәбәпле, якыннарының, туганнарының тирән кайгысын уртаклаша.

Стелла Владимировна Татарстан Республикасы музей эшен үстерүгә бәяләп бетергесез өлеш керткән.  Аның җитәкчелегендә төзелгән Казан университеты тарихы музее Казан һәм республиканың фәнни һәм мәдәни тормышы үзәгенә әйләнгән. Аның актив иҗтимагый эшчәнлеге ачык, ихлас булуы белән аерылып торган һәм хезмәттәшләре, аның белән эшләргә һәм очрашырга туры килгән барлык кешеләр арасында зур абруй һәм ихтирам казанган.

Туганнары һәм якыннарының тирән кайгысын уртаклашабыз.

Татарстанда, әгәр алар яңа Covid-19 тибындагы коронавирус булмавын исбатлый алса, республикага килүчеләргә үз-үзләрен изоляцияләүгә режимына китмәскә рөхсәт иттеләр.

Аерым алганда, «яңа коронавирус йогышы белән авырган затлар, медицина оешмаларының расланган документлары булганда» үз-үзләрен изоляцияләмәү хокукын алды.

Моннан тыш, Татарстанга килер алдыннан Россиянең башка төбәкләре территориясендә ике атна дәвамында обсервациядә булганнар да үзизоляциягә китмәячәк.

Моннан тыш, хәзер республикага килер алдыннан кимендә ике көн алдан коронавируска каршы тискәре анализ тапшырган кешеләр өчен дә үз-үзеңне изоляцияләү таләбе кагылмый.

.

Без бүлекчәләребез залларында чисталык тәэмин итәбез, көн саен юып җыештырабыз һәм дезинфекция үткәреп, килгән кунаклар өчен бүлмәләрне җилләтеп торабыз. Музейларга керү юлында кулларны эшкәртү өчен санитайзерлар урнаштырылган.

Музей-күргәзмә объектлары иртәнге 9 сәгатьтән кичке 18 сәгатькә кадәр ачык, ял көне – дүшәмбе.

Без сагындык Сезне, очрашуларны көтеп калабыз!

Алабуга ДМЗ Туристлык-мәгълүмат үзәгенә турлар, экскурсия программасы һәм билетлар бәясе турында тулырак мәгълүмат: Гассар урамы, 9.

Тел.: 8(85557)7-86-68; 8(917)871-75-01.

Туристлык инфраструктурасы объектларын карап чыгу максатында 18нче майдан 20нче майга кадәр Казанның тарихи өлеше тикшерелде. 

Татарстан Республикасының Туристлык буенча дәүләт комитеты, Казан шәһәренең Туризмны үстерү комитеты, Вахитов һәм Идел буе районнары администрациясе, Административ-техник инспекция идарәсе, шулай ук Казан шәһәренең Тышкы төзекләндерү комитеты вәкилләре өч көн дәвамында Казанның тарихи өлешендә булып кайттылар.

Төп туризм маршруты буларак аерым контрольлек зонасына эләккән урамнарда зур булмаган җитешсезлекләр булуы ачыкланган. Тикшерү нәтиҗәсендә барлык җитешсезлекләрне бетерүнең төгәл сроклары билгеләнгән, билгеләнгән срок тәмамлангач контроль тикшерү үткәреләчәк

Дәүләт комитеты рәисе туристлык маршрутындагы туризм инфраструктурасы объектларын карап чыкты, Казан шәһәре Туризмны үстерү комитеты директоры Дарья Санникова, Вахитов һәм Идел буе районнары администрациясе, Административ-техник инспекция идарәсе, шулай ук Казан шәһәренең Тышкы төзекләндерү комитеты вәкилләре белән очрашты.

«Бүген тарихи Кремль, Лобачевский, Университет, Бауман урамнары һәм Тукай мәйданы буенча уздык. Бу урамнар төп туризм маршруты буларак махсус контрольлек зонасына эләгә. Тулаем алганда, шәһәр туристларны кабул итәргә әзер, әмма кайбер җитешсезлекләр бар, мәсәлән, туризм күрсәткечләре дөрес урнаштырылмаган. Без барлык җитешсезлекләрне бетерүнең төгәл срокларын билгеләдек һәм эшләр тәмамланганнан соң контроль тикшерү уздырырга планлаштырабыз», - дип билгеләде Татарстан Республикасы Туристлык буенча дәүләт комитеты башлыгы.

Алга таба Казанда, шулай ук республиканың туристлык үзәкләрендә: Бөек Болгар, Зөя утрау-шәһәрчеген һәм башка туризм маршрутларын да карап чыгу планлаштырыла.

Яр Чаллы, Әлмәт шәһәрләрендә дә. Һәм, шуңа бәйле рәвештә, Татарстанның башка шәһәрләре, башка муниципаль районнарында яшәүчеләр Казанга килә алачак», — дип ассызыклады Сергей Иванов.

ТР Туристлык буенча дәүләт комитеты рәисе Сергей Иванов ял үткәрү өчен мөмкин булган альтернатив урыннарны атады.

«Мин һәркемгә дә Татарстанда ял итәргә киңәш итәм. Казанда яшәүчеләрнең күбесе Чистай, Алабуга, Кама Тамагы, Болгар, Зөя, Яр Чаллыда, республиканың көньяк-көнчыгышында булмагандыр, дип беләм. Бу – искиткеч урыннар, искиткеч шифаханәләр, матур табигать, мәдәният объектлары. Палатка алып, ял көннәрендә Идел, Кама яки Зөя ярларына чыгарга мөмкин», – дип җиткерә «Татар-информ» агентлыгы Иванов сүзләрен.

Кайбер чикләмәләрне үтәп, Татарстан музейлары үз эшенә керешә. Килгән кунакларга, социаль дистанция нормаларын үтәп, залда бер үк вакытта 10 кешедән артмаган төркемнәргә хезмәт күрсәтеләчәк. Музейларга йөргәндә битлекләр, перчаткалар һәм бахиллар кию мәҗбүри. Экскурсия хезмәте күрсәтү биш кешедән артмаган төркемнәр өчен, алдан язылу нигезендә индивидуаль тәртиптә күздә тотыла. Музей-тыюлык территориясе турында сүз барган очракта, радиогидлардан файдаланып, 10 кешедән артмаган төркемнәргә хезмәт күрсәтү рөхсәт ителә. Җиһазлар санитар эшкәртеп торылачак.

15 нче май – Халыкара гаилә көнендә туризм өлкәсендә эшләүче династияләр хөрмәтләнде.

Бүген Дәүләт комитетында Дәүләт комитеты рәисе Сергей Иванов экскурсоводлар династиясе – Горбуновлар гаиләсен бәйрәм белән котлады.

Тарзимановлар гаиләсе истәлекле бүләкләр белән билгеләп үтелде.

«Коррупциягә каршы бергәләп!» темасына Халыкара коррупциягә каршы социаль реклама буенча яшьләр конкурсы игълан ителә. Аны Россия Федерациясе Генераль прокуратурасы оештыра.

Эшләр 2020 елның 1 нче октябренә кадәр конкурсының  www.anticorruption.life рәсми сайтында «Иң яхшы плакат» һәм «Иң яхшы видеоролик» дигән ике номинациядә кабул ителә.

Тулырак мәгълүматны сылтама буенча кереп карарга була

Россия Федерациясе Хөкүмәтенең 2020 елның 12 нче маендагы 658 номерлы карары белән «2020 елда яңа коронавирус йогышы таралу нәтиҗәсендә начарланган хәл шартларында иң зур дәрәҗәдә зыян күргән Россия икътисады тармакларында эшчәнлек алып баручы кече һәм урта эшкуарлык субъектларына федераль бюджеттан субсидияләр бирү кагыйдәләрен раслау турында» 2020 елның 24 нче апрелендәге 576 номерлы Россия Федерациясе Хөкүмәте карарының «д», «е» пунктларына үзгәрешләр кертелгән.

Әлеге тематика буенча иң еш бирелә торган сорауларны, шулай ук салым өлкәсендәге башка сорауларны Дәүләт комитеты сайтында түбәндәге сылтама буенча табарга мөмкин: https://tourism.tatarstan.ru/rus/v-pomoshch-turistam-i-uchastnikam-turistskogo.htm?pub_id=2331550