ЯҢАЛЫКЛАР
Россия Федерациясе Хөкүмәтенең «Яңа коронавирус йогышы таралу нәтиҗәсендә начарланган хәл шартларында иң зур дәрәҗәдә зыян күргән Россия икътисады тармаклары исемлегенә үзгәрешләр кертү турында» 2020 елның 12 нче маендагы 657 номерлы карары нигезендә әлеге исемлеккә үзгәреш кертелеп, «Халык сәнгать һөнәрләре эшләнмәләре җитештерү» (ОКВЭД – 32.99.8) тармагы өстәлүе турында хәбәр итәбез.
Шул рәвешле, әлеге оешмалар аеруча зыян күргән тармаклар өчен каралган ярдәм чараларыннан файдалана ала.
Татарстан Республикасы Министрлар Кабинетының 2020 елның 10 нчы маендагы 374 номерлы карары нигезендә, хәзерге вакытта туристлык бизнесы субъектларының киләсе эш тәртибе гамәлдә:
Республиканың туристлык компанияләре, эш коллективларында коронавирус йогышын профилактикалауга юнәлтелгән барлык санитар нормаларны үтәп, үз эшләрен башлап җибәрә ала, хәзерге вакытта бу карарда каралган Татарстан Республикасы кунакханәләре санитар-эпидемиологик нормаларны саклауга кагылышлы Роспотребнадзор таләпләрен үтәгән кимәлдә планлы режимда эшләргә мөмкин. Отельләрдәге рестораннар ябык, ризык номерларларга китерелергә тиеш. Отельләрдә, шул исәптән отельләрдәге рестораннарда массакүләм чаралар үткәрү тыела. Карарның 6 пункты нигезендә, хезмәт командировкаларында булган затлардан тыш, гражданнар өчен санатор-курорт оешмаларында урын броньлау, кабул итү һәм урнаштыру туктатыла. Әлеге оешмаларга кунаклар өчен үзизоляция шартларын тудырырга һәм алар киткәнчегә кадәр кирәкле санитар-эпидемиологик чараларны үткәрергә кирәк.
Хәзерге вакытта Татарстан Республикасы территориясендә массакүләм, агарту чараларын, шул исәптән ачык һавада да, үткәрү рөхсәт ителми. Исегезгә төшерәбез, санитар-эпидемиологик хәл яхшырганчыга кадәр Татарстан Республикасы территориясенә килгән гражданнар 14 календарь көн эчендә үзизоляцияләнү тәртибен үтәргә тиеш.
2020 елның 12 нче маенда, 11:00 сәгатьтә турбизнес вәкилләре өчен ташламалы кредитлар бирү, кредит каникуллары, банк эчендәге коммерция кредитларын реструктурлаштыру программалары мәсьәләләре буенча онлайн-семинар узачак. Семинарда мондый кредит бирү хокукына ия булган Татарстан Республикасы банклары катнашачак.
Чарада катнашуыгызны әлеге электрон почта аша раславыгыз сорала: e.varlamova@tatar.ru.
Хөрмәтле хезмәттәшләр! 2020 елның 8 нче маенда 11:00 сәгатьтә хезмәт хакы түләүгә процентсыз кредит бирү мәсьәләләре буенча турбизнес вәкилләре өчен Zoom форматында онлайн-семинар узачак. Семинарда мондый кредит бирү хокукына ия булган Татарстан Республикасы банклары катнашачак. Чарада катнашуыгызны әлеге электрон почта аша раславыгыз сорала: e.varlamova@tatar.ru.
Бүген ТР Туристлык буенча дәүләт комитеты рәисе Сергей Иванов күмәк урнаштыру чаралары өчен Zoom форматында онлайн-семинар үткәрде. Семинарның темасы – каты көнкүреш калдыклары белән эш итү, шулай ук электр һәм җылылык энергиясенә түләү тәртибе буенча күрсәтелгән хезмәтләр өчен түләү.
Исегезгә төшерәбез, әлеге чара коронавирус йогышы таралу нәтиҗәсендә аеруча зур зыян күргән туризм өлкәсе өчен оештырылган онлайн-семинарларның икенчесе. Циклның киләсе программалары 8 нче, 12 нче май көннәрендә узачак һәм хезмәт хакы түләү өчен процентсыз кредитлар һәм ташламалы кредитлар бирүгә, кредит каникулларына, коммерция кредитлары буенча банк эчендәге реструктурлаштыру программаларына багышланачак.
Сезне 7 нче май көнне Мәскәү вакыты белән 13.00 сәгатьтә «Карантин шартларында отельләрдә/рестораннарда кунакларны тукландыруны оештыру» темасы буенча Кунакчыллык Профессионалларының Беренче Клубы оештырган туры эфирга кушылырга чакырабыз.
Чара – бушлай. Мәҗбүри теркәлү әлеге сылтама буенча:
https://comfortprofi.timepad.ru/event/1309151/
Турыдан-туры эфирга сылтамадан теркәлгән катнашучылар гына файдалана алачак.
2020 елның 1 нче апреленнән 1 нче маена кадәрге чорда Дәүләт комитетының «кайнар линия» телефонына 600дән артык мөрәҗәгать килде.
Краснодар крае администрациясе искәртеп уза: Краснодар крае башлыгының (губернаторының) «Краснодар крае территориясендәге чикләү (карантин) чаралары вакытын озайту турында» 2020 елның 17 нче апрелендәге 235 номерлы карары нигезендә Краснодар крае территориясендә COVID-2019 яңа коронавирус йогышын чикләү максатында күрелә торган чаралар Краснодар крае территориясенә Россия Федерациясенең башка субъектларыннан барлык транспорт төрләре белән килгән затларны алар килеп җитү белән 14 көнгә обсерватор шартларында изоляцияләү һәм алар өчен медицина күзәтүен тәэмин итү юлы белән гамәлгә ашырыла.
Мари Иле Республикасының Яшьләр, спорт һәм туризм министрлыгы, COVID-2019 яңа коронавирус йогышы таралу сәбәпле, Идел буе федераль округы территориясендә халыкның санитар-эпидемиологик иминлеген тәэмин итү максатында Мари Иле Республикасына турлар (шул исәптән йөзү, экология маршрутлары, күрсәтмә табигать объектларына сәфәрләр) оештыруның ярамаганлыгы турында искәртә.
Бүген туризм буенча Дәүләт комитеты Мәскәү һәм Татарстанның туристлык бизнесы вәкилләре белән телекүпер үткәрде. Телекүпер барышында катнашучылар чикләүләрне бетергәннән соң эчке туризмны үстерүне стимуллаштыру, яңа туристик продуктлар булдыру, азык-төлек линейкасын киңәйтү һәм эчке туристлар өчен уникаль пакет тәкъдимнәрен формалаштыру турында фикер алыштылар. Татарстан Республикасының туристик потенциалын Мәскәү туристлык базарына чыгару, шулай ук россия эчендәге балалар туризмын үстерү мәсьәләләре дә кузгатылды. Телекүпер кысаларында Мәскәү шәһәренең туризм комитеты коллегаларына регионнардагы мәктәп укучылары өчен «ачышлар шәһәре»инновацион белем бирү-туристик проектын тәкъдим итте. Моннан тыш, RUSSPASS инновацион туристик платформасы комитеты инициативасы буенча эшләнгән RUSSPASS инновацион туристик платформасы — Мәскәү һәм төбәкләрнең туристик продуктларын берләштерүче цифрлы маркетплейс презентациясе булды.