«FUN&SUN» туристлык операторы агентлары өчен мәгълүмат
2022 елның 29 апрелендә Мәскәүдән Казанга чартер рейслары җибәрү кысаларында, Татарстан Республикасының Туристлык буенча дәүләт комитеты «FUN&SUN» туристлык операторы белән берлектә 2022 елның 10-13 маенда тармакның 40 вәкиле өчен реклама-мәгълүмат туры үткәрә.
Мәскәү кунаклары инде «Казан Кремле» музей-тыюлыгында, «Туган Авылым» милли комплексында, территориясендә биш йолдызлы «Kol Gali Resort & Spa» кунакханә комплексы һәм термаль комплекс урнашкан Бөек Болгарда булды, ә бүген Раифа Богородица ирләр монастырен һәм Зөя утрау-шәһәрен карады, анда алар Археологик агач музее белән танышты. Бу вакыт эчендә туристлык агентлары шулай ук җирле кафеларда һәм рестораннарда милли ризыклардан авыз итте.
«FUN&SUN» туристлык операторы хезмәткәрләре безнең республиканың номер фондын һәм инфраструктурасын югары бәяләде