ЯҢАЛЫКЛАР
“Бөек Болгар” урта гасыр көрәше Бөтенроссия фестивалендә тамашачылар көрәш һәм ярышлар күреп канәгатьләнүдән тыш, "Дженази"шоу-төркеменең чын “Утлы әкият”е һәм музыкантларның тере чыгышлары кертелгән яхшы күңел ачу программасы белән хозурлана алачак. Ул - цирк, оригиналь жанр, пластик бию һәм спорт осталыгы элементлары кертелгән театраль күренеш. Утлы күренеш гадәттә ут чәчеп торган бөтерчекләр, чын утаткычлар һәм фейерверклар ярдәмендәге пиротехника белән үрелеп бара.
Казанда мәйданда фестиваль алдыннан фаер-шоуның соңгы репитицияләре тәмамланды: оештыручылар билгеләвенчә, утлы күңел ачулар һәм хисләр бөтен кешегә дә җитәчәк.
Әлеге вакыйганы 13 августта 23 сәгатьтә "Бөек Болгар" фестиваленең төп көрәш мәйданында күрергә мөмкин булачак.
"Бөек Болгар" урта гасыр көрәше Бөтенроссия фестивалендә урта гасыр осталары һәм «Стрелецк хатыннары» ВИК хатын-кыз кул эшләнмәләре буенча мастер-класслар күрсәтәчәк: станокта, бердо һәм тактачыкларда, тарткыч һәм тырмачыкларда туку. Һәм әлбәттә инде, тукыма өстеннән бизәкләр төшерү. Осталар белемнәре белән уртаклашачак, табигый материаллар һәм традицион эш кораллары белән эшләргә мөмкинлек биреләчәк. Уздыру вакыты: 13 августта 10нан 19 сәгатькә кадәр һәм 14 августта 10нан 18 сәгатькә кадәр. Шунда ук туку коралларын сатып та алырга була: табигый җитен, йон, мамык тукымалар, алар кием-салымны үзгәртеп тегү һәм стильләштерү өчен һәм шулай ук иркен һәм көндәлек экологик кием буларак бик кулай булып тора.
«Бөек Болгар» фестивален оештыручылар иң кечкенәләр өчен аерым программа әзерләде. Махсус алар өчен «Урта гасыр балалар дөньясы» балалар мәйданчыгы эшли.
Бу мәйданчыкның уникальлеге шунда, анда Татарстан Республикасы территориясендә бергә яшәүче халыкларның борынгы заманнардан ук уйнаган уеннары күрсәтелә. Мәсәлән, «Спутанные кони» - «Тышаулы атлар» танылган уенының бүгенге эстафетасы прототибы команда рухы тәрбияли. «Угадай и догони» - «Уйлап тап һәм куып тот» уены катнашучыларга якынаерга һәм бер-берсенең исемен отарга ярдәм итә. Ә менә «Продаем горшки» - «Чүлмәк уены» балаларны бер-берсе белән уртак тел табарга өйрәтә.
Шулай ук кечкенә кызлар өчен үләннән веноклар ясау буенча мастер-класслар үткәреләчәк. Аларга үрү техникасын гына түгел, ә элеккеге вакытта нинди традицияләр яшәп килүен һәм веноктагы һәр үләннең нәрсәне аңлатуын сөйлиячәкләр.
11 августта 20:30 сәгатьтә Василий Аксенов скверында «Зилант әкиятләре» «Татармультфильм» трилогиясен ачык анимацион күрсәтү була.
Фестиваль программасында усал Зилант оныкчыгы - Зилантик белән танышу. Ул балалар һәм аларның ата-аналары белән юмартлык, дуслык һәм хезмәт сөючәнлек турындагы файдалы киңәшләре белән уртаклашачак.
С 25еннән 30 августка кадәр, театр сезоны башланырга бер ай алдан, Г.Камал исемендәге татар дәүләт академия театры үзенең иң яхшы алты спектаклен күрсәтәчәк.
25 августта театр сөючеләр Тукайның танылган «Шүрәле» әкиятенә таянып язылган Туфан Миңнуллинның «Җанкисәккәем» («Свет моих очей») пьесасы буенча эшләнгән танылган спектакльне карый алачак. Спектакль сәхнәдә 20 ел куела һәм зур уңыш казана.
26 августта автор Илгиз Зәйниевнең татар театрын саклап калуга һәм үсешенә бәяләп бетергесез өлеш керткән Туфан Миңнуллин истәлегенә багышлаган «Көтәм сине...» («В ожидании») пьесасы буенча узган сезон премьерасы куелачак.
Танылган «Хуҗа Насретдин» хиты 27 августта куела. Икенче көнне тамашачылар «Диләфрүз – Remake» карый алачак, ә 29 августта – “Мәхәббәт FM” лирик комедиясен. Бәйрәм программасын агымдагы репертуарның иң популяр спектакле “Гөргөри кияүләре” тәмамлый.
Камал театрының традицион август күрсәтүләре Казанда яшәүчеләргә һәм кунакларга Шәһәр көненә бүләге булып тора.
13-14 августта шәһәр заманча сәнгать төрләре демонстрациясе өчен арт-мәйданчыкка әйләнәчәк. Яңа сәнгать проекты Казанда яшәүчеләргә һәм кунакларга фестивальдә катнашучы – рәссамнар, режиссерлар, сәхнәгә куючылар, музыкантлар һәм башка уйлап чыгаручы иҗат әһелләренең кабатланмас концептуаль идеяләре белән уникаль танышу мөмкинлеген бүләк итәчәк. Кунаклар каршында перформанслар һәм хеппенинглар уза торган төрле импровизацияләнгән вакыйгалар ачылачак. Динамикалы сәнгать сөючеләрне заманча сәхнәгә куючылары эше күрсәтелгән театр зоналары һәм шулай ук мини-опералар җәлеп итеп торачак. Фестиваль программасына шулай ук конкурс кинопроектлары, концертлар һәм балалар өчен арт-чаралар кертеләчәк. Фестиваль кунаклары өчен күңелле сюрпризлар һәм иҗади автор призлары белән конкурслар әзерләнгән.
Бүген Алабугада Шишкин урманы территориясендә, «Молодежный» стадионында һәм шәһәрнең тарихи урамнарында өч көнлек Бөтенроссия Спас ярминкәсе ачылды. Россиянең һәм чит илләрнең төрле шәһәрләреннән осталар һәм иҗат коллективлары ярминкәгә алдагы көнне үк килә башлады, ә палаткаларны һәм шәһәрдә мәйданның үзен бәйрәмгә кадәр берничә көн алдан бизәделәр.
Быел Спас ярминкәсендә Татарстан һәм Россиянең , шулай ук Беларусь, Литва, Үзбәкстан һәм Төркмәнстанның 170 шәһәреннән декоратив-кулланма- сәнгатьнең 850 остасы катнаша. Узган ел белән чагыштырганда катнашучылар саны кимеде – 2015 елда ярминкәдә 1112 оста катнашты. Оештыручылар аңлатуынча, быел ярминкәдә катнашу шартлары катгыйланган, монда товарны кулдан ясаучы һәм килүчеләр өчен мастер-класслар уздыра алучы осталар гына катнаша ала.
Ярминкә сәүдәсе киштәләре Вятск чабаталары, Нижегородск хохломасы, шулай ук Оренбург яулыклары, Киров матрешкалары, агачтан, металлдан, сөяктән ясалган әйберләр һәм башкалар белән тулган. Иртәдән балалар һәм спорт мәйданнары эшли.
Ярминкә программасы бик бай: кыңгырау тавышы фестиваленең концерты, «Вдохновение» автор җырлары фестивалендә катнашучылар чыгышлары, милли ишегаллары, спорт һәм балалар мәйданнары эшли, Татарстанның һәм Россиянең иҗат коллективлары чыгыш ясый.
«Мин һаваны сайлыйм!» авиация бәйрәме 12 августта 10.00дән 17 сәгатькә кадәр була.
Программада – самолетлар һәм вертолетларның, мотодельтапланнар һәм беспилотникларның авиашоулары, ТР буенча эчке эшләр министрлыгы авиаотрядларының күрсәтмә чыгышлары, авиамодельчеләр, байкерлар һәм иҗат коллективлары чыгышлары, парашютчылар ярышлары, парашют җыю буенча мастер-класслар, һава шарында очышлар.
Бәйрәм кунаклары ил авиапромы легендалары итеп күрсәтелгән һава суднолары күргәзмәсен, шулай ук самолет һәм вертолетларның заман модельләрен күрә алачак. Иң яшь кунаклар өчен балалар уен мәйданчыгы каралган.
4 августта Казанда бортында 171 Кытай туристы белән Урумчи (КНР) –Казан – Урумчи беренче туры туристик чартер рейсын тантаналы каршы алу церемониясе булды. Очрашу церемониясендә Татарстан Республикасы Премьер-министры урынбасары Васил Шәйхразиев, Татарстан Республикасы туризм буенча дәүләт комитеты рәисе Сергей Иванов катнашты.
Татарстанга Кытай туристларының турыдан очу туристик программасы - 2015-2016 елларда Татарстан Республикасы туризм буенча Дәүләт комитеты, Кытай Халык Республикасының Синьцзян-Уйгур автоном районының туризм буенча идарәсе һәм КНР туроператорлары үткәргән чаралар һәм уртак эшләр нәтиҗәсе. .
Рейс операторы булып «Xinjang China International Travel Service» туристик компаниясе тора. Рейс бу елның 24 октябренә кадәр атнага ике тапкыр дүшәмбе һәм пәнҗешәмбе көннәрендә булачак. Әлеге операцион чорда эш уңай икътисалдый нәтиҗә биргән очракта очу программасы 2017 елда да торгызылачак.
Үзләренең Россиягә җиде көнлек визитларында Кытай туристлары ике көн Татарстанда булачак, шулай ук Мәскәүгә, Санкт-Петербургка барачак. Татарстанда кунаклар Казан Кремленең истәлекле урыннарын карый, Бауман урамы буйлап җәяүле поход ясый алачак, экскурсия барышында шәһәр белән якыннан танышачак, В.И.Ульянов-Ленин музеенда булу мөмкинлеге биреләчәк.
5 августта 18 сәгатьтә Алабуга дәүләт музей-тыюлыгында Каргопольск тарих-архитектура һәм сәнгать музееның фонд җыентыгыннан «Каргопольск уенчыгы» күргәзмәсен тантаналы ачу була.
Экспозиция Архангельск өлкәсендә саклана торган борынгы һөнәр – әлеге төньяк регион өчен традицион кызыл балчыктан ясала торган уенчыклар белән таныштырачак. Килүчеләр бу һөнәрнең барлыкка килү тарихы, аның XX гасырның 1930 еллары ахырында ничек торгызылуы һәм безнең көннәрдә популярлашуы турында белә алачак.
Каргорольск уенчыгының үзенчәлеге аның борынгы традицияләргә бәйле булуында, пластика һәм сәнгатьнең уртаклыгында, архаик символлар белән бизәлешендә. Бу һөнәр игенчеләрнең көндәлегенә һәм бәйрәмнәренә дан җырлый: хатын-кызлар һәм мужиклар җир сукалый, чабата үрә, хуҗалык эшләре белән шөгыльләнә, бизәнгән кызлар һәм кавалерлар кадриль бии, яшь киленнәр кокошникларда бәлеш белән сыйлый, пар атлар ашыга. Уенчыклар тематикасында йорт хайваннары һәм җәнлекләр аерым урын алып тора. Еш кына алар крестьян киеменә киенеп кеше образында гармошкада уйныйлар, бииләр, чанада шуалар.
Борынгы күренешләр табигый көчләрне яклаучы, гаилә яклаучысы – хатын-кыз образы Берегиня белән бәйле. Аны еш кына кулына кош тоттырып ясыйлар. Кызыл балчыктан төрле сыбызгылар; үрдәк, кош Сирин, үгез яисә кош гәүдәсендә карт. Боларның барысы да Каргопольск уенчыгын әкият, җыр фольклоры белән туганлаштыра. Узган гасыр уртасында уйлап чыгарылган сюжет образлары арасына Полкан – ярым кеше – ярым ат та килеп керә.