ЯҢАЛЫКЛАР
«Visit Tatarstan» рәсми туристлык бренды Рәсәй регионнарының иҗтимагый-икътисади үсешенең иң яхшы тәҗрибәләр һәм инициативалары Бөтен Рәсәй бәйгесенең «Регионның туристлык потенциалын үстерү» номинациясендә җиңүче дип табылды. Нәтиҗәләр бүген Сочида Рәсәй инвестиция форумы – 2019 кысыларында ясалды.
Искә төшереп үтик, Рәсәй Федерациясе регионнарының иҗтимагый-икътисади үсешенең иң яхшы тәҗрибәләр һәм инициативалары Бөтен Рәсәй бәйгесе «Яңа проектларны алга этәрү буенча стратегик инициативалар агентлыгы» автономияле коммерцияле булмаган оешма инициативасы буенча һәм булышлыгында үткәрелә.
Бәйгенең максаты - Рәсәй Федерациясе субъектлары территориясендә иҗтимагый-икътисади проблемаларны иҗтимагый-икътисади үсешнең уңышлы тәҗрибәләр һәм инициативаларны (проектларны) ачыклау, сайлап алу, тасвирлау һәм тиражлау аша хәл итүдә булышлык итү.
Татарстан Республикасының туристлык буенча дәүләт комитетының туриндустрия өлкәсендә кадрлар әзерләүдә ярдәм күрсәтү буенча методик советы эше кысаларында Казан шәһәренең һәм Татарстан Республикасының Кунакханәләр ассоциациясе уку йортлары укытучыларын Казан шәһәренең әйдәп баручы кунакханәләренең вәкилләре белән очрашулар үткәрә (аерым график буенча).
13 февральдә укытучылар Courtyard by Marriott Kazan Kremlin кунакханәсендә булдылар, анда «Халыкара челтәр кунакханәсенең бер көне. Яңа хезмәткәрләрнең уңышлы җайлашуы» исемле семинар-практикум оештырылды. Courtyard by Marriott Kazan Kremlin Генераль директоры Наталья Осипова халыкара дәрәҗәдәге кунакханә эше турында сөйләде һәм аны күрсәтте, ә кунакханә персоналы буенча менеджер командага яңа хезмәткәрләрне кабул итү процессының ничек баруы тәҗрибәсе белән уртаклашты.
Мондый очрашулар даими нигездә узачак һәм менә инде 14 февральдә Раймонд кунакханәсендә үтәчәк. Кунакханә белән идарәче экскурсия уздырачак, кунакханәнең эше һәм кунакларны җәлеп итү ысуллары турында сөйләячәк.
2019 елның 12-15 февралендә Татарстан Республикасы Тәһранда “Tehran International Tourism Expo” халыкара туристлык күргәзмәсендә катнаша.
Татарстан Республикасы күргәзмәдә «Visit Tatarstan» аерым стенды белән тәкъдим ителде. Эш барышында Туристлык буенча дәүләт комитеты рәисе Сергей Иванов Рәсәй юнәлешендә эшләүче Иран туроператорлары белән сөйләшүләр алып бара. 2018 елның сентябрендә ачылган Тәһран – Казан («ATA Airlines» авиакомпаниясе) авиаэлемтәсен үстерүгә аерым игътибар бирелә.
«ATA Airlines» Иран авиакомпаниясе «Daric» инвестицион төркеменең (Иран) бүлендек компаниясе булып тора. Турыдан-туры рейслар атнага бер тапкыр һәр пәнҗешәмбе гамәлгә ашырыла, ике якка да очу бәясе 200 доллар тәшкил итә (15 000 сум), юлда булу вакыты-3 сәгать 20 минут.
Тәһран шәһәрендә "Tehran International Tourism Expo" халыкара туристлык күргәзмәсе туристлык индустриясен үстерүгә юнәлдерелгән илдәге иң зур чараларның берсе булып санала һәм аңа Иран Ислам Республикасы Хөкүмәте тарафыннан актив рәвештә ярдәм күрсәтелә. Ел саен күргәзмәдә 20дән артык илдән 500ләп экспонент катнаша, чарага 200 меңнән артык кеше йөри.
Бүген Казан милли тикшеренү технология университетында Туристлык буенча дәүләт комитеты ярдәме белән 7-11 сыйныф укучылары, урта һәм югары уку йортлары студентлары арасында сервис, туристлык һәм кунакханә эшчәнлеге буенча II Бөтенрәсәй олимпиадасы узды.
Олимпиада ачылышында Дәүләт комитетының туристлык индустриясен үстерү бүлеге башлыгы Анастасия Софьина сәламләү сүзе белән чыгыш ясады.
Олимпиада белем бирү оешмаларының ике мәйданчыгында турыдан-туры һәм читтән торып катнашу рәвешендә үтте: укучылар өчен – Казан шәһәренең Сәләтле балалар үзәгендә, студентлар өчен – Казан милли тикшеренү технология университетында.
Олимпиадада катнашу өчен Рәсәй Федерациясенең 76 субъектыннан вәкилләр гариза бирде. 2019 елда олимпиадада 132 югары уку йортыннан, 81 урта махсус уку йортыннан, шулай ук 216 урта мәктәбеннән 3000 дән артык укучы һәм студент катнашты.
Бөтенрәсәй олимпиадасының оештыручылары буларак киләселәр дә катнашты: «Казан милли тикшеренү технология университеты» Федераль дәүләт бюджет югары белем бирү учреждениесе, Татарстан Республикасының туристлык буенча дәүләт комитеты, Рус география җәмгыятенең Татарстан төбәк бүлеге һәм Казан шәһәренең Сәләтле балалар үзәге.
07 февральдә Түбән Новгородта Түбән Новгород – Казан һәм Казан – Түбән Новгород юнәлешләре буенча мәктәп төркемнәре өчен «белем вагоны» төбәкара туристик-белем бирү проектын гамәлгә ашыру мәсьәләсе буенча киңәшмә узды. Киңәшмәдә Татарстан Республикасының туристлык буенча дәүләт комитеты рәисе Сергей Иванов, Түбән Новгород өлкәсенең туристлык һәм халык сәнгать кәсепләрен үстерү департаменты директоры Алексей Алехин, «ФПК» АҖ Горький филиалы башлыгы Александр Попов, Татарстан Республикасының һәм Түбән Новгород өлкәсенең туроператорлары катнашты.
Сергей Иванов республиканың туристик потенциалын тәкъдим итте, мондый проектны гамәлгә ашыру тәҗрибәсе турында сөйләде һәм «белем вагоны» катнашучылары өчен экскурсия программаларын тәкъдим итте.
Исегезгә төшерәбез, «белем вагоны» - ул мәктәп укучылары өчен күрше төбәкләргә уңайлы поездларда танып белү сәяхәтләре. Алар уку процессына җайлаштырылган юлда интерактив-белем бирү программасын һәм поездда «дәресләр»нең гамәли дәвамы булып торган күрше төбәктә булу программасын үз эченә ала. Бер көн дәвамында республика кунаклары төп истәлекле урыннар белән таныша, мөстәкыйль рәвештә яки оештырылган төркем рәвешендә шәһәрнең һәм республиканың төп туристик объектларын карый алачак.
Беренче «белем вагоны» Самарадан Казанга 2018 елның 15 декабрендә килде. Казан белән Самараның 270 укучысы таныша алды.
Бүген Татарстан Республикасының туристлык буенча дәүләт комитетының туриндустрия өлкәсендә кадрлар әзерләүдә ярдәм күрсәтү буенча методик советы утырышы узды.
Советта Татарстан Республикасының туристлык буенча дәүләт комитеты тарафыннан 2019 елда уздырыла торган чараларда уку йортлары студентларының «Үткәннәргә сәяхәт», «Киләчәк юнәлешләре» халыкара туристик форумында катнашуы мәсьәләләре буенча фикер алыштылар.
2018 елда Казан шәһәре һәм Татарстан Республикасы кунакханәләр берләшмәсенең уку йортлары белән үзара хезмәттәшлеге һәм 2019 елга планнар турында фикер алыштылар, шулай ук 2018 елда студентларның укыту-җитештерү практикасын оештыру буенча Туристик волонтерлар ассамблеясенең эш нәтиҗәләре һәм 2019 елга планнар турында доклад тыңладылар.
4 февральдә Татарстан Республикасының туристлык буенча дәүләт комитетында Польша Республикасының туристик-ял итү потенциалы тәкъдим ителде. Мәскәү шәһәрендә Польша туристик оешмасы вәкиллеге директоры урынбасары Артур Муравски һәм Рәсәй Федерациясендә Польша Республикасы Илчелегенең консул бүлеге вице-консулы Анита Лучинска Польшада медицина һәм дәвалау-савыктыру туристлыгы үсеше турында сөйләделәр. Кунакханәләр, шифаханәләр, спа-комплекслар һәм сәламәтләндерү оешмалары тәкъдим ителде.
Республиканың туристик тарамагының вәкилләрен бигрәк тә туристларны Польшага, шулай ук Польша территориясендә курортларга җибәрү буенча виза мәсьәләләре кызыксындырды.
Tvil.ru торакны броньлау сервисы 30 гыйнварда, Кыш Бабай һәм Кар кызы көнендә социаль челтәрләрдә туристларны сораштырды һәм иң популяр әкият персонажларын ачыклады.
3 нче урынны Татарстанның Кыш Бабае һәм Кар Кызы алды (4%).
Tvil.ru cораштыру нәтиҗәләре буенча җавап бирүчеләрнең 88%ы Бөек Устюг Кыш Бабае һәм Кар кызы өчен тавыш биргән.
Рәсәй Кыш Бабае һәм Кар Кызы иң яраткан персонажлар дип табылды.
Җавап бирүчеләр Карелиядән Укко һәм Лумикка һәм Чуашстан Республикасыннан Хел Мучи һәм Юр Пикены да телгә алды – һәрберсе өчен 2,5%.
16 февральдә Бөек Болгар шәһәрендә «Кыш Батыры» исемле фестиваль узачак.
Чарада иң мөһим вакыйга спорт-тарихи яки заманча биатлон буенча ачык ярышлар булачак, аларга гаризаларны теләсә кем бирә ала. Моннан тыш, тамашачыларны Татарстанның хәрби-тарихи клублары тарафыннан оештырылган рыцарьлар көрәшләре һәм җәядән ату, сөңге ыргыту һәм таш ату өчен тукталышлар белән чаңгыда күп төрле ярыш көтә.
Гаддәттә фестиваль урта гасыр чолганышында, борынгы шәһәрнең музей-тарихи комплексы шартларында рыцарь кораллары һәм киемнәре кигән рыцарьлар һәм һөнәрчеләр осталары арасында узачак.
Тамашачылар өчен керү бушлай, катнашучыларга «Вконтакте» төркемендә теркәлергә кирәк. Фестиваль территориясендә парковка, туклану зонасы һәм халык-сәнгать һөнәрләре сәүдә рәтләре булачак.
Чараның программасы
Үзәк мәйданчык (чаңгы узышу юлы)
11:00 – ярышларның башлануы. Заманча чаңгы номинациясе.
13:00 – ярышларның башлануы. Тарихи күп төрле ярыш номинациясе.
14:30 – бүләкләү.
Урта гасыр лагере мәйданчыгы
11:00 – 15:00:
- тимерчеләр һәм күнчелек остаханәсе;
- корал һәм костюмнар өчен урын;
- җәя-арбалет һәм ыргыту тиры;
- балалар ныгытмасы һәм балалар «джостингы»;
- интерактив мәйданчыклар;
- көч таләп итә торган ярышлар;
- батырлар өчен ярыш мәйданы;
Балаган мәйданчыгы
11:00 – 15:00:
- музыкаль һәм театр коллективлары чыгышы, тарихи реконструкция һәм артистлык фехтование клубларының күрсәтмә чыгышлары.
Ярминкә мәйданчыгы
11:00 – 15:00:
Халык-сәнгать һөнәрләре сәүдә рәтләре һәм тарихи ярминкә.
Тарихи аш бүлмәсе мәйданчыгы
11:00 – 15:00
Тарихи аш бүлмәсенең мәйданчыгы
Бүген Казан (Идел буе) федераль университетының Идарә, икътисад һәм финанслар институтының актлар залында «2018 елда Татарстан Республикасының туристлык буенча дәүләт комитетының эш йомгаклары һәм 2019 елга бурычлары турында» Туристлык буенча федераль агентлыкның җитәкчесе урынбасары Конюшков Алексей Алексеевич һәм Татарстан Республикасының Дәүләт Советы рәисе Мухаметшин Фәрит Хайруллович катнашуында коллегия утырышы узды.
Төп доклад белән Татарстан Республикасының туристлык буенча дәүләт комитеты рәисе Сергей Иванов чыгыш ясады. Өстәмә докладчылар киләселәр булды: «Татарстан Республикасының туристлык үсеше үзәге» АКБО генераль директоры Садыкова Дилбәр - «2018 елда Татарстан Республикасының «Татарстан Республикасының туристлык үсеше үзәге» АКБОның проектларын гамәлгә ашыру турында», «Татарстан Республикасының туристлык волонтерлары ассамблеясе» АКБО генераль директоры Бәширова Юлия - «2018 елда Татарстан Республикасының туристлык волонтерлары ассамблеясе проектларын гамәлгә ашыру турында», Крестьян (фермер) хуҗалыгы башлыгы Котдусов Габделәхмәт - «Татарстан Республикасында авыл туристлыгы буенча күрсәтмә кластер булдыру проектын гамәлгә ашыру турында».
Үзенең докладында Сергей Иванов 2018 елда Татарстанда туристлык тармагының үсеш алуы турында сөйләде.