ЯҢАЛЫКЛАР
2021 елның 17 маенда Казанда «Азия-Тын океан икътисадый хезмәттәшлеге» форумының туризм буенча эш төркеменең 57 нче утырышы булды.
Видеоконференция форматында узган чарада 18 АТЭС икътисады (илләре) һәм кайбер халыкара оешмалардан (ОЭСР, IATA, WTC, PATA) 50дән артык вәкил катнашты.
Туризм буенча федераль агентлык һәм АРХИWOOD гомумроссия архитектура премиясе «Агачтан иң яхшы шәһәр яны кунакханәсе» категориясендә махсус приз гамәлгә куйган. Гаризалар 2021 елның 13 маеннан 30 июленә кадәр кабул ителә. 2009 елдан 2021 елга кадәр Россиядә төзелгән шәһәр яны кунакханәләре, кемпинглар, глэмпинглар проектлары катнашу өчен чакырыла. Бәяләүнең төп таләбе проектның архитектур һәм экологик өлешенә бәйле булачак.
2021 елның 22 маенда Татарстан Республикасы Лаеш муниципаль районының Никольское авылында ел саен уздырыла торган «Каравон» рус халык бәйрәме узачак. Николай Чудотворецның тәхет бәйрәменә багышланган рус фольклоры бәйрәме күп еллар дәвамында халык мәдәниятенең тарихи традицияләре нигезендә рухи кыйммәтләрне һәм милли үзаңны торгызу өчен уникаль мәйданчык булып тора.
Бәйрәмдә Татарстан Республикасының һәм Россия Федерациясенең 150 артык коллективы катнашачак. Бәйрәмдә катнашучыларны һәм кунакларны «Uen Fest» проекты кысаларында рус халык уеннары көтә, анда бәйрәмнең яшь кунаклары әби-бабаларыбыз уйнаган уеннар, «Кулачная артель» рус хәрби сәнгатенең традицион төрләре, халык кәсепләре буенча мастер-класслар, петрушкаларның театральләштерелгән тамашалары, ялгыз башкаручылар һәм ансамбльләр чыгышлары узачак, ярминкә булачак.
Бәйрәм картасы: https://yandex.ru/maps/?um=constructor%3A87e77d34e90d2849ff5dfb657c7774ddd43476355702ec0c0da8503c0cb825b4&source=constructorLink
ТР Туристлык буенча дәүләт комитеты рәисе Сергей Иванов Nordwind авиакомпаниясенең яңа очыш программасын эшләтеп җибәрүгә багышланган матбугат конференциясендә катнашты. Матбугат конференциясендә шулай ук Nordwind авиакомпаниясе генераль директоры урынбасары Антон Маттис һәм «Казан» аэропортының стратегик үсеш директоры Андрей Лопатин катнашты.
Nordwind авиакомпаниясе Казанны турыдан-туры авиарейслар белән Россиянең һәм чит илләрнең 12 шәһәренә тоташтыра. Бу – Мәскәү, Санкт-Петербург, Сочи, Симферополь, Мурманск, Минеральные Воды, Калининград, Яңа Уренгой, Ереван, Бишкек, Баку, Душанбе һәм Хунджанд.
Шулай ук Татарстан халкы Nordwind авиакомпаниясенең Россия төбәкләренә турыдан-туры авиарейсларыннан да файдалана ала. Әйтик, ул Сочи белән Кырымда комлык ялы да булырга мөмкин.
Теләге булган һәркемне «Ял көннәрендә 1001 ләззәт» программасы буенча Алексеевск районына чакырабыз.
Алексеевск районы үзенең гадәттән тыш урыннары белән данлыклы. Бүген җимерек Биләрнең телсез ташлары ел саен меңләгән кешене җәлеп итә. Борынгы Биләр хәрабәләре буйлап сәяхәт иткәндә, хәтта Идел Болгары башкаласы белән бөтенләй таныш булмаган гади турист та, ирексездән, шәрыкъ каласының аерым бер атмосферасына килеп эләгә һәм балачактан ук яхшы таныш булган гүзәл Шаһрезадә әкиятләрен күз алдына китерә.
Бүгенге Биляр – уникаль тарихи һәм архитектура һәйкәле, археологлар тарафыннан аңа карата зур кызыксыну бар.
Барлык балаларга да Биләрнең изге чишмәсеннән ерак булмаган «Биләр страуслары» экофермасы ошаячак. Фермада Сез Австралия һәм Африка токымлы страуслар, тавислар, кыргавыллар, кошлар һәм куяннар белән дуслашырсыз.
Саф һава, хайваннар дөньясы белән аралашу, хайваннарны ашату мөмкинлеге һәм фотога төшү онытылмаслык тәэсирләр калдырачак!
Россия Хезмәт министрлыгының Хезмәт фәнни-тикшеренү институты Россия Федерациясе Хезмәт һәм социаль яклау министрлыгы йөкләмәсе буенча оешмаларның кадрларга ихтыяҗын билгеләү һәм мәгълүмат куркынычсызлыгы өлкәсендә һөнәри квалификацияләрне үстерү перспективаларын ачыклауга бәйле тикшеренүләр үткәрә.
Сораштыру 2021 елның 31 маена кадәр онлайн-анкета режимында узачак. Анкетаны тутыру өчен https://itsecurity2021.vcot.info/ адресы буенча узарга һәм сораштыруда катнашучының шәхси кабинетын теркәргә кирәк.
12 һәм 13 майда Татарстан Республикасы Туристлык буенча дәүләт комитеты рәисе Сергей Иванов Кайбыч һәм Кукмара районнарына эш сәфәре кылды.
Урынга чыгу барышында Кайбыч районының балык тоту урыннары, узган гасырлардагы игенчелек һәм авыл көнкүреше музей-туристик комплексы экспонатлары һәм Галия Кайбицкая исемендәге музей каралды.
Кукмара районында «Медная Гора» таудан чаңгы шуу комплексында, Кукмара туган төбәкне өйрәнү музеенда, Кукмара металл савыт-саба заводында, «Мастер и камень Индустрия» таш эшкәртү заводында, Петропавлов чиркәвендә, «Парлы Кул»ның Югары Китәк авылындагы кунаклар йортында һәм «Кукмара сөте» предприятиесендә булдылар.
13 майда Россия Хөкүмәте туризм өчен бик мөһим карарлар кабул иткән.
Хөкүмәт карар кабул иткән, 1 млрд сум акча бүлеп бирелгән. Һәм без әлеге чара туроператорларга ярдәм итәр дип өметләнәбез, димәк, үзләренә карата йөкләмәләр үтәлергә тиешле туристларга да.
Туристлар өчен барыннан да күбрәк ихтыяҗ булган һәм шул ук вакытта авыр үтеп керә торган туристлык юнәлешләренә «энәсеннән җебенә кадәр» әзер пакет тәкъдимнәрен формалаштырган һәм чартерлар биргән тур операторларына дәүләт беренче тапкыр субсидия бирәчәк. Бу җәйгә, әти-әниләр өчен балаларын лагерьларга ял итәргә җибәрүгә мөмкинлекләр күбрәк булсын өчен, яңа балалар программасы эшләтеп җибәреләчәк. Бу максатка Хөкүмәт 5 млрд.сум акча бүлеп биргән.
Пермьдә «Россия - мөмкинлекләр иле» президент платформасы проекты булган «Кунакчыллык остасы» бөтенроссия конкурсының ярымфиналында җиңүчеләрнең исемнәрен игълан иткәннәр. Илнең 15 төбәгеннән 30 катнашучы финалга узган.
Татарстан Республикасыннан финалга Казаннан Тимур Гыйльметдинов һәм Галина Шәрәфетдинова юллама алган.
12 майдан 15 майга кадәр Россиянең төрле төбәкләреннән «Алеан» федераль туроператорының турагентлык вәкилләре Татарстан Республикасында булачак. Болар – АЛЕАН илкүләм туроператоры онлайн проекты кысаларында март аенда булган узган «Татарстан Республикасы атнасы»нда иң актив катнашучылар.
Өч көн дәвамында турагентлар Казан, Зөя утрау-каласы һәм Бөек Болгарның төп истәлекле урыннары белән танышачак.