ЯҢАЛЫКЛАР

8 августтан башлап Казансу буйлап гид белән елга трамвае йөри башлаячак. Аңа «Казан» гаилә үзәге причалында утырыла. Сәяхәтләр һәр сәгать саен, 11:00 дән 20:00 гә кадәр заманча уңайлы, 50 урынга исәпләнгән «Вдохновенье» теплоходында узачак.

Казансу буйлап 40 минутлык сәяхәт вакытында сез Казанның судан ачык күренгән күренешләре белән генә хозурланып калмыйча, түбәндәгеләрне дә белерсез:

- ярты гасыр элек Казансу нинди булган;

- шәһәр эчендә Казансу ярларын күпме күпер тоташтыра;

- якын киләчәктә бу ярларны нинди төзекләндерү көтә.

Өлкәннәр өчен билет бәясе – 900 сум, 7 яшькә кадәрге балаларга – бушлай, 7дән 14 яшькәчә балаларга, шулай ук пенсионерларга һәм студентларга – 800 сум.

https://tur-kazan.ru/excursions/vdohnovenie

«Авиакосмик технологияләр, заманча материаллар һәм җиһазлар» авиация форумы кысаларында Татарстан Республикасының Туристлык буенча дәүләт комитеты һәм «Россия Гомуми кулланыштагы авиация федерациясе» гомумроссия иҗтимагый оешмасы арасында хезмәттәшлек турында килешүгә кул куелды. 

Килешүгә ТР Туристлык буенча дәүләт комитеты рәисе урынбасары Гөлнара Сафина, «Россия Гомуми кулланыштагы авиация федерациясе» гомумроссия иҗтимагый оешмасы президенты Сергей Миңнегулов кул куйды. 

«Россия Федерациясендә авиатуризмны үстерү» түгәрәк өстәле кысаларында беренче тапкыр көн тәртибендә гомуми билгеләнештәге авиация үсеше мәсьәләләре, икътисадның үз-үзен тәэмин итә торган тармагы буларак, эчке туризмны үстерүнең көнүзәк мәсьәләләре, очышлар вакытында шәхси авиация туризмы һәм сәяхәтче пилотларның туризм мәсьәләләре каралды.

Бүген, 04 августта Мәскәүдә, «Сәяхәт ит!» Россия туристлык форумы кысаларында, Татарстан Республикасы Туристлык буенча дәүләт комитеты белән «Мәскәү елга пароходчылыгы» ГАҖ арасында туристлык өлкәсендә хезмәттәшлек итү буенча килешү имзаланды.
Килешүгә Татарстан Республикасы Туристлык буенча дәүләт комитетының туристлык эшчәнлеген дәүләти җайга салу бүлеге башлыгы Гарифуллина Рәйсә Шамил кызы һәм «Мәскәү елга пароходчылыгы» ГАҖ туристлык буенча директоры Филипп Владимирович Сидоренков кул куйдылар.
Килешү «Бөек Идел юлы» төбәкара проектын үстерүнең уртак бурычларын тормышка ашыру максатларында, туризм үсешенең дәүләт һәм иҗтимагый мәнфәгатьләрен хәл итүнең, Татарстан Республикасы территориясендә туризм өлкәсендә һәркем өчен мөмкин булган бердәм мәгълүмати мохит булдыру һәм үстерү максатларында һәрьяклы һәм нәтиҗәле хезмәттәшлекне оештыруга юнәлдерелгән.

2022 елның 1 июленнән «Россия Федерациясендә туристлык эшчәнлеге нигезләре турында» федераль законга экскурсоводлар (гидлар), гид-тәрҗемәчеләр һәм үткәрүче-инструкторлар эшчәнлеген хокукый җайга салу өлешендә үзгәрешләр кертү хакында» 93-ФЗ номерлыфедераль закон үз көченә керде, аның нигезендә Татарстан Республикасы территориясендә һәм башка регионнарда экскурсия хезмәтләрен гамәлгә ашыру өчен экскурсовод (гид) яисә (һәм) гид-тәрҗемәче аттестаты кирәк булачак.

 2023 елның 1 июленнән барлык экскурсоводлар да Татарстан Республикасы территориясендә экскурсия эшчәнлеген гамәлгә ашыру өчен республика аттестациясенә ия булырга тиеш булачак.

Аттестацияне үткәрү тәртибе Россия Федерациясе Хөкүмәтенең «Экскурсоводларны (гидларны), гид-тәрҗемәчеләрне аттестацияләү турында нигезләмә раслау турында» 2022 елның 7 мендагы 833 номерлы карары (алга таба – 833 карар) белән регламентланган.

2023 елның 1 июленә кадәр туристлык эшчәнлеге белән шөгыльләнүче белгечләр үз эшләрен аттестатсыз дәвам итә алачак, ләкин 2023 елның 1 июленнән экскурсоводка (гидка), гид-тәрҗемәчегә әлеге республика аттестациясеннән башка экскурсия эшчәнлеген башкару тыела.

2022 елның 13-14 августында ЮНЕСКО Бөтендөнья мирасы исемлегенә кертелгән Болгар дәүләт тарихи-архитектура музей-тыюлыгы территориясендә «Бөек Болгар» урта гасыр көрәшенең 8 нче фестивале узачак.

Фестиваль мәйданчыгында кичен тамашачылар алдына янып торган факеллар пәйда булачак, ә дәртле биючеләр сезне гаҗәеп матур театральләштерелгән фаер-шоу уты дөньясына алып китәчәк! Заманча һәм тарихи товарлар ярминкәләрендә булганнан соң, сез бөтен Россиядән килгән осталар иҗаты белән хозурланып кына калмыйча, иҗади мастер-классларда үзегез дә төрле һөнәрләрне үзләштерә алачаксыз. Актив һәм күңелле кешеләр өчен дә шөгыль табылачак – бию коллективлары тарихи биюләргә өйрәтәчәк, балалар һәм өлкәннәр спорт кылычлары – тямбарда сугышырга өйрәнә алачак.

Зур балалар мәйданчыгында нон-стоп режимында фестивальнең ике көне дәвамында иң яхшы аниматорлар эшләячәк. Конкурслар, уеннар, биюләр, ярышлар һәм спорт сугышлары – балалар урта гасыр балалар дөньясыннан бер генә минутка да аерылырга теләмәячәк!

«Бөек Болгар» урта гасыр көрәше фестивале программасы

2022 елның 13-14 августы

Казан һәм Алабуга шәһәр үзәгенең туристлык кодын проектлаштыру буенча дәүләт ярдәмен гамәлгә ашыруга юнәлтелгән илкүләм проект кысаларындагы Федераль туризм агентлыгы бәйгесендә җиңде. Бәйге беренче тапкыр үткәрелде. Барлыгы 6 млрд. сумга каралган 31 проект хупланды. Җиңүчеләр арасында Казан һәм Алабуга да бар. Казанда – Иске Татар бистәсе территориясе, Алабугада мәйданы 44 га булган шәһәрнең тарихи үзәге төзекләндереләчәк.

Шәһәр үзәгенең туристлык коды кысаларында бердәм архитектура һәм дизайн-коды булдырылачак, территория төзекләндереләчәк, яңа эскәмияләр, чүп ташлау урыннары, яктырту җайланмалары урнаштырылачак, туристлык навигациясе яңартылачак, шулай ук фотога төшү өчен яңа зоналар булдырылачак, арт-объектлар урнаштырылачак, территория мультимедия ягыннан тулыландырылачак, мәдәни мирас объектларын яктыртачак. Проектлар 2023 елда гамәлгә ашырылачак. Грантның төгәл суммасы соңрак игълан ителәчәк, гариза Республика бюджетыннан финанслауны исәпкә алып бирелгән.

Бүген, ягъни 2 август көнне, Гөлнара Сафина Татарстан Республикасының Министрлар кабинетында узган «Мәдәният һәм туризм өлкәсендәге вакыйгалы чаралар турында» дигән темага үткәрелгән брифингта катнашты.

Үзенең чыгышында ул болай дип билгеләп үтте: «2022 елда Татарстан Республикасындагы төп туристлык үзәкләренә туристлар агымының планлы рәвештә артуы күзәтелә. 2021 ел белән чагыштырганда, төрле локацияләрдә 15 тән 52% ка кадәр үсеш бар дип исәпләнелә.

2022 елның 8 августыннан Татарстандагы «ЮВТ АЭРО» авиация компаниясе Казан – Мурманск – Төмән юнәлешендәге рейсларын башлап җибәрә.  Самолетлар атнага өч тапкыр – дүшәмбе, сишәмбе һәм шимбә көннәрендә очачак.

Дүшәмбе һәм шимбә көннәрендә Казаннан 04: 00 сәгатьтә кузгалып китәчәк, Мурманск аэропортына 06:50 сәгатькә барып җитәчәк, Мурманск шәһәреннән 07: 40 сәгатьтә кузгалып китеп, Төмәнгә 12:55 сәгатькә барып җитәчәк.

Төмәннән кирегә 13: 45 сәгатьтә кузгалып, Мурманск шәһәренә 15:00 сәгатькә, Мурманск шәһәреннән 15: 50 сәгатьтә кузгалып, Казанга 18: 45 сәгатькә барып җитәчәк.

Сишәмбе көннәрендә Казаннан кузгалып китү вакыты - 10:10, 13.00 сәгатьтә Мурманск аэропортында булачак, 13: 50 сәгатьтә Мурмансктан очып китәчәк, 19.00 сәгатькә Төмәнгә барып җитәчәк.

Төмәннән кирегә  19: 50 сәгатьтә очып китәчәк, 21.05 сәгатьтә Мурманск шәһәрендә булачак, Мурманск шәһәреннән 22: 00 сәгатьтә очып китеп, 01.00 сәгатьтә Казанда булачак (чәршәмбе).

*Һәр аэропорт өчен җирле вакыт күрсәтелгән.

Маршрут өчен Канаданың Бомбардье CRJ-200 авиалайнерлары җәлеп ителгән, аңа иң күбе 50 пассажир сыя.  

Федераль туризм агентлыгы, «Туризм һәм кунакчыллык индустриясе» илкүләм проекты кысаларында, кунакханә хезмәткәрләре өчен белем бирү буенча уңайлы һәм отышлы белем бирүгә юнәлтелгән беренче онлайн-программа эшләтеп җибәрде. Белем алу бушлай. Шул ук вакытта моның өчен беркая да барырга кирәкми – курсларны читтән торып узарга була, алар видео-дәресләр форматында үтә һәм аны теләсә кайсы уңайлы вакытта карарга мөмкин. Ягъни, программа кысаларында теләсә кайсы, хәтта иң кечкенә кунакханә хезмәткәре дә, кайда булуына бәйсез рәвештә,  белем алу һәм үз квалификациясен күтәрү мөмкинлегенә ия.

Видео-дәресләрне әйдәп баручы экспертлар кунакчыллык индустриясенең иң яхшы тәҗрибәсен исәпкә алып әзерли. Хәзерге вакытта кунакларны кабул итү һәм урнаштыру өчен җаваплы хезмәткәрләр, кунакханә администраторлары һәм чисталык өчен җаваплы хезмәткәрләр онлайн-курслар уза ала. Алга таба программа яңа юнәлешләр белән тулыландырылачак.

Безнең бушлай видео-дәресләргә керү өчен, махсус порталда теркәлергә кирәк - https://edu-tourizm.getcourse.ru/cms/system/login?required=1

Һәр видео-дәрескә методик материаллар, шулай ук үз-үзеңне тикшерү өчен биремнәр беркетелә.

Бүген Санкт-Петербург шәһәренең туристлык операторлары, туристлык агентлары һәм корпоратив компанияләре өчен Татарстан Республикасының туристлык потенциалы тәкъдир ителде.