ЯҢАЛЫКЛАР

Кече бизнесның икътисадый исәбен алу 5 елга бер тапкыр уздырыла һәм анда катнашу мәҗбүри булып тора.

Кече һәм микропредприятиеләргә, шулай ук шәхси эшкуарларга 2021 елның 30 апреленә кадәр Дәүләт хезмәтләре күрсәтүнең бердәм порталында электрон рәвештәге анкетаны тутырырга кирәк.

Моннан тыш, Административ хокук бозулар турында Россия Федерациясе кодексы 30.12.2001 ел, № 195-ФЗ Федераль законның 13.19 статьясы нигезендә, әлеге статистика хисаплылыгын тапшырмау вазыйфаи затларга – ун мең сумнан алып егерме мең сумга кадәр; юридик затларга егерме мең сумнан алып җитмеш мең сумга кадәр административ штраф салуга китерә.

26 апрельдә Татарстан Республикасында экотуризмны һәм ял итү объектларын үстерү буенча «Глэмпинг бизнес» белем бирү акселерациясе программасы башлана. Программа эшкуарларга табигый территорияләрдә туризм, глэмпинглар белән идарә итү өлкәсендә кирәкле күнекмәләр алырга ярдәм итәчәк.

Программа рәсми ачылу өлешеннән, 100 катнашучы өчен онлайн-уку, 10 командага исәпләнгән акселерация программасының трекинг-тәэмин ителешеннән торачак. Программаны ачу һәм белем бирү модуленең беренче көне Пушкин урамы, 86 адресы буенча Татарстан Республикасы Милли китапханәсендә узачак. Чара 9:00 сәгатьтә башлана

Җәйге туризм сезоны һәм Казаннан турыдан-туры рейсны яңартып җибәрер алдыннан Дәүләт комитеты Татарстан туроператорларының Россиянең Алтын боҗра шәһәрләренең берсе – Костромага реклама-мәгълүмат турын оештырды.

Туроператорлар хезмәттәшләре белән тәҗрибә уртаклашты, шәһәр һәм өлкә объектларын карады, нәфис язу буенча Лавров фабрикасында булдылар, Нерехт рожечниклар хорын тыңлады, Сыр музеенда сыр татып карады, мәрсин балыкларын чыгару серләрен белде, Сумароков пошилары фермасында Сумароков пошиларын ашатты һәм, әлбәттә инде, Кострома ватаны булган Кар кызы теремәсендә булдылар.

Россия Федерациясе Президенты «Экскурсиячеләр (гидлар), гид-тәрҗемәчеләр һәм үткәреп йөрүче инструктор эшчәнлеген хокукый җайга салуны камилләштерү максатларында Россия Федерациясенең аерым закон актларына үзгәрешләр кертү турында»гы Федераль законны имзалаган.

Ростуризм позициясе нигезендә, әлеге законны кабул итү экскурсия хезмәтләре күрсәтү өчен үтә күренмәле һәм контрольдә тотыла торган базар булдыру, туризм һәм ял өчен уңайлы һәм имин булган ил буларак Россия Федерациясенең уңай имиджын формалаштыруга ярдәм итәчәк.

Туристларга һәм (яки) башка заказчыларга туристлык продукты өчен түләнгән акча суммаларын кире кайтару өчен туроператорның шәхси җаваплылык фонды (алга таба – фонд) акчаларыннан файдалану турында хәбәрне тур операторына кайсы срокта җибәрергә кирәк?

Туристларга һәм (яки) башка заказчыларга туристлык продукты өчен түләнгән акчаларны туроператорның шәхси җаваплылык фонды акчаларыннан кире кайтару кагыйдәләренең 2 пункты нигезендә (Россия Федерациясе Хөкүмәтенең 2020 елның 8 апрелендәге 461 номерлы карары белән расланган) (алга таба – Кагыйдәләр) хәбәр Россия Федерациясе Хөкүмәте тарафыннан тиешле карар кабул ителгәннән соң 1 ай эчендә җибәрелә (Россия Федерациясе Хөкүмәтенең 2021 елның 15 апрелендәге 977-р номерлы күрсәтмәсе).

Татарстан Республикасы Туристлык буенча дәүләт комитетының туристлык индустриясен үстерү бүлеге башлыгы һәм туристлык продуктын алга этәрү бүлеге башлыгы Татарстан Республикасы дәүләт граждан хезмәтенең вакантлы вазыйфаларын биләүгә документлар кабул итү эше дәвам итә. Конкурста катнашу өчен документлар 2021 елның 26 апреленә кадәр Татарстан Республикасы Туристлык буенча дәүләт комитетының эш көннәрендә (9.00-18.00) кабул ителә. Конкурсны үткәрү өчен күз алдында тотылган көн – 2021 елның 12 мае. Конкурсны үткәрү урыны – Казан шәһәре, Кремль урамы, 35 (тест) һәм Казан шәһәре, М.Горький урамы, 19 йорт (Дәүләт комитетының конкурс комиссиясендә шәхси әңгәмә).

Конкурсны үткәрү тәртибе турында өстәмә мәгълүмат алу өчен Дәүләт комитетының кадрлар һәм юридик эш бүлегенә (843) 222-90-29, 222-90-27 телефоннары буенча мөрәҗәгать итәргә мөмкин. Булачак конкурс турында тулырак мәгълүмат Дәүләт комитетының рәсми сайтында, «Кадрлар сәясәте» бүлегендә урнаштырылган  https://tourism.tatarstan.ru/obyavlenie-o-konkursah-2021-god.htm

22 апрельдә Дәүләт комитеты рәисе урынбасары Барабанова Екатерина Андреевна, Татарстан Республикасы Туроператорлар һәм экскурсиячеләр гильдиясе вәкилләре белән берлектә, Архиерей утарына баруга бәйле сәфәрдә катнашты һәм Воскресенск соборы, Архиерей йорты һәм Тихоново чиркәве кергән территория һәм корылмалар комплексын карады.

Казанның Яңа Русалим Архиерей йорты храмнары настоятеле иеромонах Роман (Модин) белән Архиерей дачасы территориясендә дини туризмны үстерү мәсьәләләре буенча фикер алыштылар.

1 майда бөтен Россия буенча җәйге туризм сезоны башлана.

Җәй, май бәйрәмнәре белән беррәттән, туризмда кэшбек программасы белән башланачак. Программа эшләгән беренче атнада туристлар сәяхәт һәм яшәп тору өчен 2,5 миллиард сумнан артык бәягә турлар сатып алган. Гомумән алганда, без программа белән кызыксыну дәрәҗәсенең, узган ел белән чагыштырганда, 3 тапкырга артуын күрәбез – бу ихтыяҗ динамикасында да, сату һәм броньлау күләмендә дә чагылыш тапты;

ЮВТ АЭРО авиакомпаниясеннән Россиянең 12 төбәгенә субсидияләнгән 12 рейс Татарстан халкына да, Татарстанда яшәүче Россия халкына да экономияле сәяхәт мөмкинлеге бирә.

Алар арасында:

Казан-Түбән Новгород

Казан-Ярославль

Казан-Махачкала

Казан-Барнаул

Казан-Самара

Казан-Пермь

Казан-Әстерхан

Казан-Воронеж

Казан-Чиләбе

Казан-Волгоград

Билетларның бәясе, очу юнәлешенә һәм вакытына карап, 2 258 сумнан башлана.

Турыдан-туры авиарейслар Казаннан Сочига, Анапага, Санкт-Петербургка, Калининград, Краснодар, Махачкалага, Минераль Суларга, Архангельск, Екатеринбург, Ростов на Дону юнәлешендә гамәлгә ашырыла.

Шулай ук Минск, Ереван, Баку, Ташкент шәһәрләренә дә.

Ял итү юнәлешләрендә зур сайлау мөмкинлеге бар!

Ял итегез, үзегез өчен Татарстанны: 1000 дә 1 ләззәт төбәген ачыгыз! Без «Ял көннәрендә 1000 дә 1 ләззәт» программасын дәвам иттерәбез.

Яңа туристлык сезонында программада Татарстан Республикасының тугыз районы катнаша: Бөек Болгар, Чистай, Алабуга, шулай ук Мамадыш, Саба, Кама Тамагы, Балык Бистәсе, Арча, Кукмара районнары.

Программага беренче тапкыр Татарстан Республикасының Алексеевск районы кертелде.

Программа шартлары, тур бәясе үзгәрешсез калды:

Бәясе: 1 кешегә – 2 200 сум

Тур бәясенә экскурсия программасы, туризм күрсәтү объектларына керү билетлары, экскурсияче хезмәтләре, яшәү (1 төн), туклану (1 иртәнге, 2 төшке аш) керә.

Турның озынлыгы: 2 көн/1 төн

Катнашучылар саны: 2 кешедән башлап

Бәягә нәрсә керә:

- яшәү (1 төн);

- туклану (иртәнге аш, 2 төшке аш);

- программа буенча экскурсияләр

Тулырак мәгълүматны visittatarstan.com сайтында белергә мөмкин.

Алтай крае белән Татарстан Республикасы арасында 2018 елның мартыннан туризм өлкәсендә хезмәттәшлек турында төзелгән килешү кысаларында төбәкләр арасында һава элемтәсе булдырылды.

Субсидияләү шартларында турыдан-туры рейсларны (төбәк бюджетларыннан – 25% һәм федераль бюджеттан – 50%) Казаннан Барнаулга һәм кире кайтуны Россиянең «ЮВТ Аэро» төбәк авиакомпаниясе башкара. Очышлар Канадада җитештерелгән, 50 утыру урыны булган,  уңайлы заманча «Bombardier CRJ – 200» самолетында гамәлгә ашырыла.

2021 елда рейс атнага ике тапкыр чәршәмбе һәм якшәмбе көннәрендә ясала. Бер якка очыш бәясе якынча 8 мең сум.

15-26 апрель көннәрендә Түбән Новгород өлкәсендә «Яшь профессионаллар» (World Skills Russia) 2021 чемпионатының туристлык һәм кунакчыллык өлкәсендә 7 компетенция буенча сайлап алу ярышлары уза, шул ук вакытта ике: «Туризм» һәм «Туризм ЮНИОРЛАР» компетенцияләре буенча елга нәтиҗәләр ясала. 

Ярышларны Дәүләт комитеты рәисе урынбасары Барабанова Екатерина Андреевна да карады. «Кайбер модульләрдәге биремнәр катлаулылыгы белән шаккатырды һәм безнең егетләр күрсәткән дәрәҗә бик шатландырды». 

Татарстан Республикасыннан катнашучыларга уңышлар телибез! 

Чемпионатның финалы Уфа шәһәрендә 2021 елның 21-25 июль көннәрендә узачак.