ЯҢАЛЫКЛАР

Татарстан Республикасы Министрлар Кабинеты Россия Федерациясе Хөкүмәте эгидасында 2022 елның 21-24 сентябрендә Татарстан Республикасы башкаласы Казанда Kazan Digital Week – 2022 халыкара форумын үткәрә.

Татарстан Республикасының Туристлык буенча дәүләт комитеты рәисе урынбасары Айгөл Балахонцева «Көзге-кышкы сезонда туристларны ял иттерү юнәлешләре» темасына матбугат конференциясендә катнашты.

Ул билгеләп үткәнчә, агымдагы ел эчке туризмның көчле үсеше белән билгеләнгән. Узган 2021 елда Татарстан Республикасына оештырылган сәфәрләр 3,3 млн. кешене колачлаган, бу 2020 елның шул ук чоры белән чагыштырганда 74%  артыграк (1,9 млн.кеше).

2022 елның 8 аенда Татарстанның төп туристлык үзәкләренә туристлар агымы 2021 елның 8 ае белән чагыштырганда – 48,8% дәрәҗәсендә, ә Бөек Болгар кебек кайбер үзәкләрдә 154,2% дәрәҗәсендә арткан.

5-6 сентябрьдә, Казан Кремленең истәлекле урыннары бинасында Мәскәү шәһәренең туристлык комитеты Мәскәүнең туристлык һәм MICE потенциалын тәкъдир итү максатыннан бизнес-миссия үткәрде. Сәламләү сүзе белән Татарстан Республикасының Туристлык буенча дәүләт комитеты рәисе урынбасары Айгөл Балахонцева чыгыш ясады.

«Бөек Идел юлы» маршруты буенча беренче круиз сентябрьдә булачак. Татарстан инициативасы белән төзелгән туристлык проекты Мәскәүдән Әстерханга кадәр елга буйлап 14 төбәкне бер сәяхәткә берләштерәчәк. ТР Туристлык буенча дәүләт комитетында узган матбугат конференциясендә журналистларга туристларга лайнерда ун көнлек сәяхәте өчен нәрсә күрсәтәчәкләре турында сөйләделәр.

2022 елның 17 сентябреннән Татарстанның «ЮВТ АЭРО» авиакомпаниясе яңа Казан - Грозный юнәлеше буенча очышлар башлый.

Очкычлар атнага ике тапкыр – сишәмбе һәм шимбә көннәрендә йөриячәк. Маршрутта Канаданың Бомбардье CRJ-200 авиалайнерлары катнаша, салонда пассажирларны максималь сыйдыру дәрәҗәсе – 50 кеше.

Сишәмбе көнне: Габдулла Тукай исемендәге «Казан» халыкара аэропортыннан китү вакыты – 14:00 сәгатьтә – А.А.Кадыйров исемендәге Грозный халыкара аэропортына (Северный) килеп җитү – 16:30 сәгатьтә, Чечен Республикасы башкаласыннан кайтыр юлга кузгалу – 17:20 сәгатьтә, Казанга утыру – 19:40 сәгатьтә.

Шимбә көннәрендә: Габдулла Тукай исемендәге «Казан» халыкара аэропортыннан китү вакыты – 17:45 сәгатьтә, А.А.Кадыйров исемендәге Грозный халыкара аэропортына (Северный) килеп җитү – 20:05 сәгатьтә, Чечен Республикасы башкаласыннан кайтыр юлга кузгалу – 20:55 сәгатьтә, Казанга килеп төпләнү – 23:20 сәгатьтә (Һәр аэропорт өчен җирле вакыт күрсәтелгән). Сәяхәт вакыты 2 сәгатьтән артык вакытны алачак.

Казан-Грозный очышының бәясе авиакомпания сайтында авиабилетлар сатып алу шарты белән 3 мең 590 сумнан гыйбарәт. Билет бәясенә 10 килограмм һәм 5 килограмм авырлыктагы багаж керә, шулай ук 2 яшьтән 12 яшькә кадәрге балаларга 15% күләмендә ташлама каралган.

2022 елның 5 сентябреннән, «Туризм һәм кунакчыллык индустриясе» илкүләм проекты чараларын гамәлгә ашыру кысаларында, Татарстан Республикасының Туристлык буенча дәүләт комитеты дәүләт (муниципаль) учреждениеләре булмаган юридик затларга һәм  шәхси эшкуарларга Татарстан Республикасы территориясендә капиталь булмаган модульле урнаштыру чараларын булдыруга иҗтимагый инициативаларын гамәлгә ашыруга бәйле чыгымнарының бер өлешен Татарстан Республикасы бюджетыннан финанс белән тәэмин итү максатларында сайлап алу бәйгесен башлап җибәрә. Гариза бирү вакыты 2022 елның 14 сентябрендә төгәлләнә.

Субсидияне ел әйләнәсендә туристларны урнаштыру өчен завод җитештергән модульләрне (боксларны) сатып алу бәясен финанслауга 50% күләмендә финанслашуга алырга мөмкин. Татарстан Республикасында яңа объектта (кунакханә, шифаханә, турбаза һ.б.) кимендә 10 модуль (бокс) булдыру яисә гамәлдәге объектны киңәйтү мәҗбүри шарт булып тора. Бер модульгә субсидиянең максималь күләме 1,5 млн.сум, бер оешмага субсидиянең максималь күләме 45 млн.сум тәшкил итәчәк.

Бәйге аша сайлап алуның җентекле шартлары, сроклары һәм катнашучыларга карата таләпләр Татарстан Республикасы Министрлар Кабинетының 26.08.2022 № 914 карары белән расланган Тәртиптә билгеләнгән. Документларның үрнәкләре һәм аңлатмалар Дәүләт комитеты сайтының «Бәйгеләр» бүлегендә, әлеге сылтама буенча урнаштырылган: https://tourism.tatarstan.ru/subsidii-na-sozdanie-modulnih-nekapitalnih.htm.

Бәйге аша сайлап алуда катнашу өчен гаризалар 2022 елның 05 сентябреннән 14 сентябренә кадәр түбәндәге адрес буенча кабул ителәчәк: ТР Туристлык буенча дәүләт комитеты, Казан шәһәре, М.Горький ур., 19 йорт, 2 нче кабинет. Кабул итү вакыты: дүшәмбе-җомга 09:00-18: 00, тәнәфес 12:15-13:15.

Туризм буенча федераль агентлык 2022 елда туристлык индустриясендә мәшгуль гражданнарның компетенцияләрен күтәрү максатларында иң яхшы белем бирү практикаларының бөтенроссия бәйгесен (алга таба – Бәйге) оештыру һәм үткәрү турында хәбәр итә.

Бәйгенең максатлары булып укучыларны һөнәри эшчәнлеккә иң нәтиҗәле әзерләүне тәэмин итү, туристлык һөнәрләренең абруен һәм туристлык тармагы кадрларының һөнәри компетенциясе дәрәҗәсен күтәрү, технологияләр үсешен исәпкә алып, иң яхшы белем бирү практикаларын/программаларын ачыклау һәм җәелдерү, эш бирүчеләрнең ихтыяҗларын үзгәртү тора.

Бөтенроссия бәйгесе түбәндәге срокларда үткәрелә: - гаризаларны җыю һәм бәяләү 2022 елның 30 сентябренә кадәр; - финал 2022 елның ноябрендә (Казан ш.).

Бәйгедә катнашу өчен сылтама:

 https://city.russia.travel/konkurs_tourism_industriya#rec477874290

 Элемтә өчен җаваплы зат: Айгөл Үтәгәнова, тел. 8 (917)379-38-72,

Эл. почта: tourizm-konkurs@dallas.msk.ru.

12 еллык тарихы булган иң тәмле көзге фестиваль ике еллык тәнәфестән соң тулы форматта кире кайта!

Традиция буенча, фестиваль костюмлаштырылган бәйрәм йөрешеннән башлана, оештыручылар аның өчен махсус 6 метрлы балык – чараның символы һәм төп ризык ингредиентын әзерләгәннәр. Төп вакыйгалар Зөянең «Ленивый Торжок» һәм Рыштуа мәйданында узачак.  

2022 елның 4 сентябреннән Татарстанның «ЮВТ АЭРО» авиакомпаниясе Казан - Псков юнәлешен башлап җибәрә.  Турыдан-туры очышлар атнага ике тапкыр – чәршәмбе һәм якшәмбе көннәрендә башкарылачак.

Чәршәмбе көннәрендә: Казаннан 18:00 сәгатьтә кузгалып китә – Псков аэропортында 20:25 сәгатьтә төпләнә, княгиня Ольга исемендәге Псков аэропортыннан кайтыр юлга чыгу – 21:15, Казанда 23:30 сәгатьтә утыра.

Якшәмбе көннәрендә Казаннан 18:50 сәгатьтә кузгалып китә – Псков аэропортында 20:55 сәгатьтә төпләнә, княгиня Ольга исемендәге Псков аэропортыннан кире очып китү вакыты – 21:45, Казанда 00:05 (дүшәмбе) сәгатьтә утыра.

*Һәр аэропорт өчен вакыт җирле сәгать белән күрсәтелгән.

Г.Камал исемендәге Татар дәүләт театры Татарстан Республикасы мәдәният өлкәсендә инновацияләр кертү һәм гореф-гадәтләрне саклау ресурс үзәге белән берлектә, Татарстан Республикасы Туристлык буенча дәүләт комитеты ярдәме белән экскурсантларга материал бирүдә инновацион алымлы экскурсоводлар өчен актерлык осталыгына өйрәтү (курслар) буенча документлар кабул ителүе турында игълан итә. Программа мастер-класслар, семинарлар, тренинглар һ.б. үз эченә ала.

Әлеге уку нәтиҗәләре буенча сез актерлык уены элементлары белән уникаль һәм кабатланмас экскурсия оештыра аласыз! Ә эксклюзивлык туристларга да, туроператорларга да һәрвакыт кирәк.

Педагоглар буларак Камал театрының әйдәп баручы актерлары, Татарстан Республикасының атказанган артистлары М.Н.Шәйхетдинова («Актерлык осталыгы») һәм Р.Р.Әхмәдуллин («Сәхнә сөйләме») чыгыш ясаячаклар (уку программасы кушымтада).

Уку вакыты: 2022 елның 4 октябреннән 20 октябренә кадәр, 36 сәгать.

Катнашучылар саны чикләнгән – максималь 10 кеше.

Курсның бәясе – 18 мең сум.

Уку тәмамлангач, квалификация күтәрү турында дәүләт үрнәгендәге сертификат бирелә.

Дәресләр Казан шәһәре, Татарстан ур., 8 йорт адресы буенча урнашкан «Шәрыкъ клубы» татар театры тарихының интерактив мультимедиа комплексы базасында узачак.

Уку өчен гаризалар җибәрү өчен: WhatSapp + 7 939 306 18 12 Мостафина Таңсылу Мулланур кызы – «Шәрыкъ клубы» көнчыгыш клубы җитәкчесе