ЯҢАЛЫКЛАР

Мәскәүдә National Geographic Traveler Awards 2016 бүләкләү тантанасы булды. Татарстан Республикасы"Россия экскурсияләре ялы"  номинациясендә төп призны алды". Онлайн-тавыш бирү 2016 елның 8 сентябреннән 6 ноябрьгә кадәр барды һәм аңа 23 номинация кертелде: «Пляж ялы», «Гаилә ялы», «Тау шуу ялы», «Экскурсия ялы», «Агротуризм», «Сәламәтләндерү ялы», «Эко-ял», «Могҗизалы ял», «Ел ачышы», «Иң яхшы гастрономия туры», «Экзотик ял», «Россия экология ялы», «Россия экскурсияләре ялы» һәм «Россиянең экологик ялы». Болардан тыш, тавыш бирү кысасында билгеләнә: «Иң яхшы Халыкарара авиакомпания», «Иң яхшы Россия авиакомпаниясе», «Иң яхшы аэропорт», «Иң яхшыинтернет-сервис», «Иң яхшы отель челтәрләре», «Иң яхшы пляж отеле», «Иң яхшы круизлар», «Иң яхшыинтернет-сервис» һәм  «Сәяхәтләр турында иң яхшы тапшыру».

Россия Федерациясе Хөкүмәте белән Кытай Халык Республикасы Хөкүмәте арасында 2000 елның 29 февралендә төзелгән визасыз төркемле туристик йөрүләр Килешүен гамәлгә ашыру буенча эшчәнлек алып баруга хокукы булган туристик оешмаларның, 2017-2018 елларга исемлеген төзү максатыннан чыгып, Сезнең агымдагы елның 1 декабренә кадәр Татарстан Республикасы туризм буенча Дәүләт комитетына бу килешүне гамәлгә ашырырга теләк белдерүегез турында хәбәр итүегез сорала.

20 декабрьдән 8 гыйнварга кадәр «Эрмитаж-Казан» Үзәге император сараена балга чакыра. «Император сараенда Раштуа уеннары яисә Яңа ел мәшәкатьләре» бәйрәм интерактив программасында сез Раштуа һәм Яңа елны бәйрәм итүнең йөз еллык традицияләре белән танышырсыз. Әмма балга барганчы аңа әзерләнергә һәм Яңа ел мәшәкатьләрен башкарырга кирәк: бәйрәм киемнәре, Раштуага һәм Яңа елга бүләкләр сайларга, этикет кагыйдәләрен белергә, элеккеге биюләрне өйрәнергә һәм бал биюләре белән танышырга. Ә иң ахырдан күңел ачулар башлана – уеннар, мәзәкләр һәм Яңа ел чыршысы янында биюләр.

Татарстан Республикасы туризм буенча Дәүләт комитетының кадрлар резервына керү конкурсында катнашу өчен документлар кабул итү тәмамлана. Конкурс турында җентекле мәгълүмат «Кадрлар сәясәте» бүлекчәсенә куелган.

2016 елның 31 декабреннән алып 2017 елның 1 гыйнварына кадәр яшәү өчен отельләргә һәм апартаментларга бронь эзләү буенча мәгълүматлар рейтингында Казан Россия шәһәрләре арасында популярлыгы буенча өченче урынны алган. Бу хакта RoomGuru.ru. интернет-сервисының мәгълүмат хезмәте хәбәр итә.

Яңа ел төнендә ял итү өчен Россиядә иң соралган 10 шәһәр исемлегенә Мәскәү, Санкт-Петербург, Казан, Сочи, Калининград, Екатеринбург, Түбән Новгород, Новосибирск, Красноярск һәм Самара кергән. Яңа ел бәйрәмнәрендә Россия буенча йөрүләр саны ТурСтат мәгълүматлары буенча узган ел белән чагыштырганда 15 процентка артачак.

Россия Федерациясе Хөкүмәте белән Кытай Халык Республикасы Хөкүмәте арасында 2000 елның 29 февралендә төзелгән визасыз төркемле туристик йөрүләр Килешүен гамәлгә ашыру буенча эшчәнлек алып баруга хокукы булган туристик оешмаларның 2017-2018 елларга исемлеген төзү максатыннан Сезнең агымдагы елның 1 декабренә кадәр Татарстан Республикасы туризм буенча Дәүләт комитетына бу килешүне гамәлгә ашырырга теләк белдерүегез турында хәбәр итүегез сорала.

10 ноябрьдә Шанхай шәһәрендә Туризм буенча федераль агентлык ярдәме белән "Visit Russia" туризм буенча Милли маркетинг үзәге оештырган "Russian Tourism Road Show роуд-шоуның быелгы соңгы этабы булды. Россия регионнарын, шул исәптән Татарстан Республикасын КНРның 120ләп туристик компаниясенә тәкъдир итү үткәрелде. КНРда Кытай халкы арасында 2017 елда конфедерацияләр Кубогы уеннарына һәм 2018 елда футбол буенча дөнья чемпионатына туристик пакетлар сату белән шөгыльләнәчәк ФИФА Match Hospitalily эксклюзив агенты - "Shankai" компаниясе күрсәтелде. Эшлекле программа кысасында Шанхай шәһәрендә КНРда икенче "Visit Russia" туризм офисын тантаналы ачу булды.

Шимбә көннәрендә Игенчеләр Сарае каршындагы скверда Казанда яшәүчеләр һәм кунаклар өчен«Аграрийларда кунакта» бәйрәм-күңел ачу программасы оештырыла.

12.11 - "Көзге күңел ачулар"

26.11 - "Көзге туй"

10.12 - "Терлекчеләр янында кунакта"

24.12 - "Игенчеләр паркында хайваннар дөньясы"

14.01 - "Бәйрәм телейдоскобы"

28.01 - "Утлы Әтәчне каршылап!"

11.02 - "Кышкы марафон"

25.02 - "Эх, Кадерле Кыш!"

13 ноябрьдә Зөядә «Зөя утрау-каласының галим мәчесе тарихы» беренче квест-күргәзмәсе була. 

Күргәзмә интерактив формада, анда һәр экспонат бөтен күргәзмә буена күрсәтелә торган сюжетның бер өлеше булып тора. Зөянең бөтен территориясендә урнашкан экспозицияләрне карап, күргәзмәгә килүче уникаль тарихи объектлар белән генә түгел, ә хезмәткәрләр һәм аларның йорт җәнлекләре белән дә таныша ала.

Бүген Мәскәү вакыты белән 12.00 сәгатьтә Михаил Булгаковның «Мастер и Маргарита» романын онлайн-укулар башланды. 11 һәм 12 ноябрьдә Россиянең сигез шәһәреннән һәм шулай ук Тель-Авивтан 500дән артык кеше классик әсәрләр укыячак.

«Казан» Милли мәдәни үзәгендә танылган әсәрләр укучылар арасында «Рубин» футбол командасы капкачысы Сергей Рыжиков, «La Primavera» оркестрының сәнгать җитәкчесе Рөстәм Абязов, Камал театры актрисасы Ләйсән Фәйзуллина, Тинчурин театры актрисасы Резидә Сәлахова, ТРның халык шагыйре Ренат Харис, Качалов театрының сәнгать җитәкчесе Александр Славутский һәм башкалар бар. Укуларның турыдан-туры трансляциясен YouTube дә карарга була.