ЯҢАЛЫКЛАР

2017 елның 1 гыйнварыннан күчмә туризм өлкәсендә эшчәнлек алып барган элеккеге шартларны үзгәртүгә кагылышлы өстәмә законнар кертү кысасында (җаваплылыкны финанслар белән тәэмин итү, «ТУРПОМОЩЬ» Ассоциациясендә әгъзалык) туристлар өчен финанс гарантияләренең яңа механизмы – күчмә туризм өлкәсендә туроператорларның шәхси җаваплылыгы фонды төзелә.

Исегезгә төшерәбез, туроператорларның шәхси җаваплылыгы фондлары 2017 елның  31 гыйнварына кадәр төзелергә тиеш!

Законнардагы үзгәрешләр мәсьәләсе буенча консультацияләр алу өчен 222 90 30 телефоны буенча мөрәҗәгать итү сорала

28 гыйнварда Татарстан Республикасы туризм буенча Дәүләт комитетының Татарстан Республикасы Премьер-министры урынбасары Вәсил Габтелгаяз улы Шәйхразиев катнашында«Татарстан Республикасы туризм буенча Дәүләт комитетының 2016 елда эш нәтиҗәләре һәм 2017 елга бурычлары турында» коллегиясе утырышы булды.

 Татарстан Республикасы туризм буенча Дәүләт комитетының 2016 ел эшчәнлеге нәтиҗәләре.

Татарстан Республикасы туризм өлкәсендә Россия Федерациясе регионнары арасында лидерларның берсе булып тора, өлкәне үстерү күрсәткечләре буенча тотрыклы уңай динамиканы күрсәтә.Республикага туристлар агымының еллык үсеш темпы 13,5 % тәшкил итә, туризм өлкәсендә хезмәтләрне гамәлгә ашыру күләмен арттыру темпы – 17,0 %.  

Төп күрсәткечләр үсеше динамикасында 2016 елда уңай тенденция арадаш мәгълүматларда күренә. Туризм өлкәсендә күрсәтелгән хезмәтләр күләме (арадаш өлкәләрне исәпкә алып) 2016 елда 19,5 млрд. сум тәшкил итте. 2016 елда кунакханә хезмәтләре күрсәтү үсеше темпы 2015 елның күрсәтелгән чоры күрсәткечләренә караганда - 2,9 %, туристлык хезмәтләре – 2,0 %, шифаханә-сәламәтләндерү – 5,6 % тәшкил итте.

Татарстан Республикасына килгән чит ил гражданнары саны 2015 ел күрсәткечләре белән чагыштырганда 6,7 % артты һәм 250 506 кеше тәшкил итте.

           Республиканың төп туристлык үзәкләрендә туристлар агымы үсеше 2015 ел күрсәткече белән чагыштырганда уртача 45,9% тәшкил итте. УФМС мәгълүматлары буенча, Татарстанга килгән гражданнары буенча илләр бишлегенә керә: Төркия - 13 466 кеше, Кытай - 10 198, Германия - 6 296, КНДР - 2 657, Һиндстан - 2 651 кеше.

26 гыйнварда Татарстан Республикасы туризм буенча Дәүләт комитетында комитет рәисе Сергей Ивановның Тунис Республикасы делегациясе белән очрашуы булды. Очрашу барышында туристлар агымын арттыру, Казан һәм Тунис арасында туризм үсеше перспективалары һәм даими рейслар турында мәсьәләләр каралды. Шулай ук кунаклар Тунис Республикасының туристик компанияләрне инвестицияләргә әзер торуын белдерде. Болардан тыш, Татарстан Республикасын, аерым алганда Казан, Алабуга, Бөек Болгар кебек һәм башка шәһәрләрнең туристлык мөмкинлекләре тәкъдир ителде.

27 гыйнварда 16.00 сәгатьтә Пушечный Двор музеенда М.Т.Калашников исемендәге укчы корал музей-күргәзмә комплексы фондының «Легендар Калашников» күргәзмәсе ачыла.
Күргәзмә дәүләт оборонасын ныгытуга зур өлеш керткән, танылган Калашников автоматы тарихы һәм конструкторлык эшчәнлеге нигезендә Россия армиясе кораллы системасын эшләгән һәм төзегән рус конструкторы тормышы тарихын ача.

Күргәзмәдә Михаил Калашниковның шәхси әйберләре, күкрәк билгеләре, орденнары, медальләре, хәрби билгеләре, аның исеменә, автомат ясалу тарихына бәйле сувенирлар һәм истәлекле символика, макетлар һәм экспонатлар, корал һәм корал әйберләре куелган.

Татарстан Республикасы туризм буенча Дәүләт комитеты кадрлар резервына керү конкурсында катнашу өчен документлар кабул итүне дәвам итә. Туристлык индустриясе үсеше бүлегенә - «җитәкчеләр»вазифаи категориясенең төп төркеме буенча, «белгечләр» вазифаи категориясенең әйдәп баручы төркеме буенча, дәүләт программалары үсеше һәм гамәлгә ашыру бүлегенә - «белгечләр» вазифаи категориясенең әйдәп баручы төркеме буенча һәм хисапчы исәбе һәм дәүләт заказы бүлегенә - «тәэмин итүче белгечләр» вазифаи категориясенең әйдәп баручы төркеме буенча. 

Чистай дәүләт музей-тыюлыгы Б.Пастернак тууга 127 ел тулуга багышланган «Иҗат максаты – фидакарьлек!» дигән ел саен уздырыла торган Борис Пастернак әсәрләрен иң яхшы башкаручыреспублика конкурсына заявкалар кабул итә.

Конкурсны оештыручылар: Татарстан Республикасы Мәдәният министерлыгы, «Чистай дәүләт тарихи-архитектура һәм әдәби музей-тыюлыгы» ГБУК. 2017 елда конкурс темасы – «Рус поэзиясенең көмеш гасыры». Конкурс 2017 елның 7сеннән 28 февральгә кадәр Б.Пастернакның Мемориаль музеенда уздырыла.

2017 елның 24 гыйнварында «Ривьера» ГРКда Татарстан Республикасы Дәүләт комитеты ярдәмендә «Татарстан Республикасы туризмын үстерү үзәге» АНО оештыруында Татарстан Республикасы отельерларының ябык киңәшмәсе булды. Киңәшмә барышында каралган төп мәсьәлә - ТатарстанРеспубликасы отельерларының аерым Ассоциациясен булдыру. Мондый инициатива базардагы яңа үзгәрешләр белән аңлатыла, хәзер отель берләшмәсе яңа үсеш этабына кереп, үз структурасын төзергә әзер.

25еннән 29 гыйнварга кадәр Студентлар көннәре кысасында Алабуга дәүләт музей-тыюлыгы студентларга музейга бушлай керү билетлары бирүне оештыра (студент кенәгәсен күрсәткәндә).

Татарстан делегациясе 19ыннан 22 гыйнварга кадәр Финляндиянең Хельсинки шәһәрендә узган «Matka Nordic Travel Fair» Халыкара туристлык күргәзмәсендә катнашты. Аңа Татарстан Республикасы туризм буенча Дәүләт комитетыннан Айгөл Балахонцева һәм күчмә туризм буенча хезмәтләр күрсәтүче республика туроператорлары: "Спутник-Гермес Казан", "Казан сәяхәтләр бюросы", "Персона Грата", Трэвел Эндвок" һәм "Башка үлчәнеш" вәкилләре катнашты. 30 кв.м.лы стендта Татарстанның төп туристлык үзәкләре күрсәтелде һәм алар арасында Зәя утрау-каласы һәм Алабуга бар иде.

22 гыйнварда «Казан Кремле» музей-тыюлыгы оешуының 23 еллыгын билгеләде. Татарстан Республикасы Президенты Указына ярашлы рәвештә 1994 елда Казан Кремле комплексы нигезендә Дәүләт тарихи-архитектура һәм сәнгать музей-тыюлыгы төзелде.