ЯҢАЛЫКЛАР
Киңәшмәдә киләселәр катнашты: Терентьев Евгений Павлович, «Татарстан шифаханәләре» РШКУА Президенты, Сафина Гөлнара Марат кызы, Казан һәм Татарстан Республикасы кунакханәләр ассоциациясе Президенты, Гатина Гөлнара Наил кызы, дәвалау-профилактика учреждениеләре артыннан күзәтчелек бүлеге әйдәп баручы белгеч-эксперты, Рыбаченок Татьяна Михайловна, туклану гигиенасы буенча күзәтчелек бүлеге башлыгы урынбасары, Амрахова Флера Әдһәм кызы, эпидемиология күзәтчелеге бүлеге баш белгеч-эксперты, шулай ук Татарстан Республикасының шифаханә-курорт тармагы вәкилләре катнашты.
Киңәшмәдә «Татарстан шифаханәләре» РШКУА эшчәнлегенең гомуми мәсьәләләре, урнаштыру объектларын классификацияләү мәсьәләләре һәм кулланучылар хокукларын яклау һәм кеше иминлеге өлкәсе белән бәйле булган мәсьәләләр турында фикер алыштылар.
2019 елның мартында Кырымның Рәсәй составына керүе бишьеллыгы билгеләп үтелә. Бу вакыт эчендә ярымутрау мөһим туристик юнәлеш була башлады һәм елдан-ел туристларны күбрәк җәлеп итә.
2019 елның 13 һәм 14 гыйнварында Татарстан Республикасы Чистай һәм Кама Тамагы районнары администрацияләрендә Сергей Иванов, Татарстан Республикасының туристлык буенча Дәүләт комитеты рәисе, Дмитрий Иванов, Чистай районы башлыгы, Наил Вазыйхов, Татарстан Республикасы Кама Тамагы районы башлыгы, шулай ук Татарстан Республикасы Икътисад министрлыгы вәкиле һәм республиканың әлеге муниципаль берәмлекләре эшкуарлары катнашында киңәшмәләр узды. Киңәшмәнең темасы - республика муниципаль берәмлекләрендә туристлык өлкәсендә инвестицион проектларны «Рәсәй Федерациясендә эчке һәм читтән керү туристлыкны үстерү (2019-2025 еллар)» федераль максатчан программасына кертү. Әлеге очрашу кысаларында бу программада катнашу шартлары һәм төп критерийлары әйтелде. Шулай ук Татарстан Республикасы Икътисад министрлыгы вәкилләре Татарстан Республикасында кече һәм урта эшкуарлык субъектларына ярдәм итү чаралары турында хәбәр итте.
12-14 март көннәрендә Татарстан Республикасы MITT-2019 Мәскәү туристик күргәзмәсендә Visit Тatarstan берләшкән стенды белән тәкъдим ителде. Татарстан стенды эшендә Татарстанның туристлык тармагының 20 ләп вәкиле катнашты: Татарстан Республикасының туристлык буенча Дәүләт комитеты, музей-тыюлыклар, туроператорлар һәм кунакханәләр, шулай ук «Татарстан шифаханәләре» Республика шифаханә-курорт учреждениеләре ассоциациясе.
Мәскәүдә «Интурмаркет» Халыкара туристик күргәзмәсе кысаларында Татарстан һәм Рәсәй төбәкләре арасында туристлык өлкәсендә хезмәттәшлек турында берничә килешү имзаланды. Шул исәптән республика Ленинград өлкәсе һәм Дагестан белән яңа төбәкара туристик проектларны гамәлгә ашыру мөмкинлеге алды. Бу хакта Татарстан туристлык буенча Дәүләт комитеты матбугат хезмәтендә «Татар-информ» мәгълүмат агентлыгы корреспондентына хәбәр иттеләр.
Күргәзмәнең рәсми чаралары кысаларында Татарстан һәм Ленинград өлкәсе, шулай ук Дагестан Республикасы, Удмуртия һәм Сарытау өлкәсе арасында туристлык өлкәсендә хезмәттәшлек турында дүрт килешү имзаланды.
Ольга Голодец, Рәсәй Федерациясе Хөкүмәте Рәисе урынбасары Татарстан Республикасы стендын карады. Туристлык буенча Дәүләт комитеты рәисе Сергей Иванов күргәзмә стендында катнашучыларны, сувенир продукциясен тәкъдим итте, шулай ук республиканың төп истәлекле урыннары турында сөйләде. Исегезгә төшерәбез, Мәскәүдә «Интурмаркет» Халыкара күргәзмәсендә Татарстан Республикасы гадәттәгечә «Visit Tatarstan» берләшкән стендында тәкъдим ителде. Стендта Татарстанның туристлык тармагының 20 дән артык вәкиле - «Казан Кремле» музей-тыюлыклары, Свияжск утрау-шәһәре, Бөек Болгар, Алабуга музей-тыюлыгы, шулай ук «Персона Грата», «Трэвэл эндвок», «Лидер Казань», «Загадки Казани», «Спутник-Гермес», «Бюро путешествий Казань», «Бизнес Вей», «Премьера» туроператорлары, Казан шәһәренең Туристик-мәгълүмат үзәге һәм күмәк урнашу чаралары вәкилләре катнашты.
Татарстан Республикасы Президенты Р.Н.Миңнеханов җитәкчелегендәге Татарстан Республикасы рәсми делегациясе 2019 елның 05-06 март көннәрендә Чехия Республикасында эш визиты белән булды.
Эш программасы кысаларында Татарстан Республикасының туристлык буенча дәүләт комитеты рәисе Сергей Иванов Прагада Чехия туроператорлары белән очрашулар уздырачак, анда республиканың туристик потенциалы һәм «Сарайлар һәм мәчетләр» төбәкара маршруты тәкъдим ителәчәк.
«Сарайлар һәм мәчетләр» төбәкара маршруты, беренче чиратта, чит ил туристларын күздә тота. Ул ике мәдәниятнең каршылыгында төзелгән һәм бер сәяхәт эчендә Санкт-Петербург һәм Татарстанның истәлекле урыннарын һәм дөньякүләм мәдәни мирас объектларын күрергә мөмкинлек бирә.
28 февральдән 29 мартка кадәр «Татарстан Республикасы туристлыгын үстерү үзәге» АКБО Татарстан Республикасының дәүләт комитеты һәм Татарстан Республикасының Лаеш муниципаль районы администрациясе ярдәмендә Лаеш районында этник маршрутның иң яхшы исемен сайлау бәйгесен үткәрә. Этник маршрут туристларны Лаеш муниципаль берәмлеге территориясендә яшәүче халыкларның (рус, татар, керәшен) гореф – гадәтләре белән таныштыруга юнәлдерелгән һәм 3 торак пункт – Никольское, Атабай, Ташкирмән авыллары – аша уза.
2018 елда Татарстан Республикасы Президенты Р.Н.Миңнеханов тарафыннан Татарстан Республикасы Лаеш муниципаль районында этник маршрутны төзекләндерү хупланды. 2018 елда Никольское авылында музей төзү, Ташкирмән төп гомуми белем бирү мәктәбендә экспозиция булдыру, туристик навигация элементларын урнаштыру буенча эшләр һәм башка эшләр башкарылды.
Соңгы 2 елда әлеге маршрут буенча Рәсәй, БДБ илләре, Италия, Испания, Германия, Малайзия, Кытай туристлары өчен экскурсияләр үткәрелә.
Бәйге берничә этапта уза:
- 28 февральдән 15 мартка кадәр VisitTatarstan.ru сайтында һәм барлык социаль челтәрләрдә туристлык буенча дәүләт комитеты һәм VisitTatarstan битләрендә, шулай ук Татарстан Республикасының Лаеш районының челтәрләрендә тәкъдимнәр кабул ителә.
- 16-17 – март көннәрендә Татарстан Республикасының туристлык буенча дәүләт комитеты каршындагы Эксперт советы тарафыннан йомгаклау ясау. ТОП-5 исемне сайлау.
- 17-29 март – маршрутның иң яхшы 5 исеме өчен тавыш бирү.
- 29 март – нәтиҗәләр ясау, бүләкләр тапшыру.
Вариантларны VisitTatarstan.ru сайтында, шулай ук барлык социаль челтәрләрдә VisitTatarstan битләрендә калдырырга мөмкин.
https://www.instagram.com/visittatarstan/
https://vk.com/visittatarstan?w=wall-119721574_4223
БҮЛӘК - Татарстан Республикасының Лаеш муниципаль районында этник маршрут буенча бөтен гаилә өчен тур (юл һәм туклану кертелгән) һәм Visit Tatarstan туристик брендыннан кыйммәтле бүләкләр.
Маршрут турында:
Лаеш районының бай тарихы һәм мәдәни гореф-гадәтләре бар. Район территориясендә тарихи рәвештә рус, татар, керәшен (керәшен татарлары) күпләп яшәгән урыннар барлыкка килгән, аларның көндәлек көнкүреше һәм бәйрәм мәдәнияте барлыкка килгән.
Никольское авылында кунакларны «Каравон» рус фольклор халык ансамбле каршы ала. Экскурсия барышында экскурсантларга «Каравон» фольклор бәйрәмен үстерү тарихы турында сөйлиләр, ансамбль башкаруында борынгы халык җырлары яңгырый, хоровод вакытында туристлар «солон» буенча (кояш хәрәкәте буенча) хәрәкәт итәргә өйрәнәләр, халык уеннарын өйрәнәләр.
Соңыннан туристлар рус хуҗалыгына киләләр, анда аларга коймак белән чәй эчәләр.
Ташкирмән авылында экскурсантлар «Яңарыш» музеена баралар, анда керәшен халкы тарихы белән танышалар. «Комеш» балалар ансамбле кунакларга Троица бәйрәменең мәҗүсиләр йоласын тәкъдим итә, самавыр торбасы һәм мич капкачы тавышларына халык җырларын башкара.
Кунакларны яңа тотылган балыктан ясалаган ашамлыклар белән сыйлыйлар.
Өч елга – Идел, Кама, Мишә кушылган урында урнашкан Атабай авылында халык йолалары һәм борынгы җырлары белән «Кичке уен» татар милли уены сакланып калган. «Бибинур» халык фольклор ансамбле кунакларны традицион татар десерты – кош теле белән каршы ала, татар телендә җырлар башкара, бәйрәмнең барлык уеннары турында сөйли һәм аларны күрсәтә.
Маршрутның транспорт логистикасы уңайлы: беренче авыл Казаннан 40 минут ераклыкта урнашкан, калганнар арасында 15-20 минутлык юл.
Сезнең исем вариантларын көтеп калабыз!
Мәскәүдә Russian Hospitality Awards премиясе кысаларында Рәсәйнең иң яхшы кунакханәләрен бүләкләү тантанасы узды. Төрле номинацияләрдә Рәсәйнең 22 иң яхшы отеле аталды. Ногай кунакханәсе Татарстан Республикасыннан бердәнбер җиңүче булды. Ул өч йолдызлы бизнес-отель категориясендә лаеклы бүләк алды.
Russian Hospitality Awards премиясе Рәсәй Федерациясенең кунакханә бизнесында иң зур премия булып санала. Жюри бәяләве генә түгел, ә он-лайн броньлауның халыкара һәм локаль системаларында кулланучылар бәяләве дә исәпкә алына. Шуңа күрә кунакханәнең төп күрсәткече – ул сервисның югары дәрәҗәсе.
Премиянең бәйсез күзәтүчесе – «Делойт» халыкара компаниясе, БДБ.
Шуны да искәртик: узган елда Татарстан кунакхаләре арасыннан Ногай кунакханәсе 2017 елның эконом классының иң яхшы отеле буларак Russian Hospitality Awards – 2017 премиясен алды.
Бүген «Татар-информ» мәгълүмат агентлыгы мәйданчыгында Рәсәй төбәкләренең социаль-икътисадый үсешенең иң яхшы тәҗрибәләре һәм инициативалары бөтенрәсәй конкурсында Татарстан проектларының җиңүе турында сөйләделәр.
Туристлык буенча дәүләт комитетының туристик продуктны алга этәрү бүлеге җитәкчесе Айгөл Балахонцева «Visit Tatarstan» рәсми туристик бренды проектының үсеше турында сөйләде. Visit Tatarstan программасы Татарстан Республикасында туристлык һәм кунакчыллык индустриясен үстерүгә, Татарстанны төбәк һәм федераль дәрәҗәдә танытуга, туристларга сыйфатлы хезмәт күрсәтүгә һәм Татарстанда туристик тармагын үстерүгә юнәлдерелгән.