ЯҢАЛЫКЛАР

AzurAirс авиакомпаниясе рейсын тоткарлау һәм шул исәптән Татарстан туристларын Гоадан (Һиндстан Республикасы) чыгару мәсьәләсе буенча Туристлык буенча дәүләт комитеты AnexTour туроператоры белән элемтәгә кергәнен хәбәр итәбез. Туроператор мәгълүматлары буенча хәзерге вакытта барлык туристлар кунакханәләрдә аэропорттан ерак түгел урнашкан, аларга туклану тәэмин ителгән. Казанга планлаштырылган килү вакыты: 28 мартта 23.59 сәгатьтә. Барлык туристлар аэропортка китереләчәк.

Бүген Сергей Иванов Дәүләт комитетында Республиканың муниципаль берәмлекләрендә туристлык өлкәсендә инвестицион проектларны «Рәсәй Федерациясендә эчке һәм читтән керү туристлыгын үстерү (2019-2025 еллар)» федераль максатчан программасына кертү темасына киңәшмә үткәрде.

Киңәшмәдә Татарстан Республикасы Лаеш муниципаль районының җир һәм мөлкәт мөнәсәбәтләре палатасы рәисе Нияз Нурутдинов, С.П.Горбунов исемендәге Казан авиация заводының – «Туполев» ҖАҖ филиалы иҗтимагый мәсьәләләр буенча директоры Юрий Попов, «НПО ГИПО» АҖ документлар бәлән тәэмин итү һәм тикшерү идарәсе җитәкчесе Ринат Белалов,  «АйСиЭл – КПО ВС» АҖ сыйфат буенча директоры Анатолий Артамонов, «АйСиЭл – КПО ВС» АҖ филиалы – турбаза директоры Рафаэль Шакиров.  Әлеге очрашу кысаларында әлеге программада катнашу шартлары һәм төп критерийлары әйтелде.

Бүген, 27 мартта, Татарстан Республикасының туристлык буенча дәүләт комитеты рәисе каршындагы Коррупциягә каршы көрәш буенча комиссия утырышы узды. Комиссия утырышы барышында 2019 елның I кварталында Татарстан Республикасының туристлык буенча дәүләт комитетының коррупциягә каршы программасы чараларын үтәүгә; 2018 елда коррупция торышы турында җәмәгатьчелек фикерен күзәтү нәтиҗәләренә; массакүләм мәгълүмат чараларында урнаштырылган һәм 2019 елның I кварталында гражданнар һәм юридик затлардан килгән мөрәҗәгатьләрдә коррупцион күренешләр турында мәгълүматны күзәтү нәтиҗәләренә; 2018 ел йомгаклары буенча Татарстан Республикасының туристлык буенча дәүләт комитетының дәүләт ихтыяҗларын тәэмин итү өчен дәүләт сатып алуларын гамәлгә ашыру өлкәсендәге эшчәнлеккә кагылышлы мәсьәләләр каралды.

Беркетмә Дәүләт комитеты сайтында «Коррупциягә каршы көрәш»бүлегендә урнаштырылган.

2019 елның 27 мартында 10:00 сәгатьтә видеоязма рәвешендә Татарстан Республикасының туристлык буенча дәүләт комитеты рәисе каршындагы Коррупциягә каршы көрәш буенча комиссия утырышы узачак. Комиссия утырышының көн кадагында булган сораулар Татарстан Республикасының туристлык буенча дәүләт комитеты сайтында «Татарстан Республикасының туристлык буенча дәүләт комитеты рәисе каршындагы Коррупциягә каршы көрәш буенча комиссия» өстәмә битенең «Коррупциягә каршы көрәш» бүлегенең «Комиссия утырышларын үткәрү турында анонслар» өстәмә битендә урнаштырылган:

http://tourism.tatarstan.ru/rus/anonsy-zasedaniy.htm?pub_id=1808417.

Сораулар һәм тәкъдимнәр (843) 222-90-29 телефоны аша һәм Zulfiya.Tazetdinova@tatar.ru электрон почтасы аша кабул ителә.

25 март көнне В.Г.Тимирясов исемендәге Казан инновацион университетында «Яшь профессионаллар» (WorldSkills Russia) югары уку йортларының сайлап алу чемпионаты старт алды. Университет сынаулар нәтиҗәләре буенча Мәскәү шәһәрендә вузара милли финалда катнашырга дәгъва итә алган командаларны кабул итә!

Чемпионатны ачу тантанасында кунакларны киләселәр сәламләде: Татарстан Республикасының туристлык буенча дәүләт комитеты рәисе Сергей Иванов, КИУ ректоры Асия Тимирясова, «Казан шәһәренең туристлык үсешенә ярдәм итү комитеты» Муниципаль бюджет учреждениесе директоры урынбасары Диана Габделхакова, (Тимирясов ис.) КИУ «Ворлскиллс» профессиональ компетенцияләр үзәге җитәкчесе Татьяна Клименко.

Студентлар дүрт компетенциядә ярыша: "Эшмәкәрлек", "Туристлык", "Экскурсия хезмәтләрен оештыру","Кунакханәне администрацияләү"

2019 елның 21 гыйнварында Татарстан Республикасының Югары Ослан районы администрациясендә республика муниципаль берәмлекләренең туристлык өлкәсендәге инвестицион проектларын «Рәсәй Федерациясендә эчке һәм читтән керү туристлыгын үстерү (2019-2025 еллар)» федераль максатчан программасына кертү мәсьәләсе буенча киңәшмә узды.

Киңәшмәдә Татарстан Республикасының туристлык буенча дәүләт комитетының дәүләт программаларын үстерү һәм тормышка ашыру бүлеге башлыгы Теймур Курмаев, Татарстан Республикасының Югары Ослан районы башкарма комитеты җитәкчесе вазифаларын башкаручы Виктор Тимиряев катнашты. Очрашу кысаларында «Рәсәй Федерациясендә эчке һәм читтән керү туристлыгын үстерү (2019-2025 еллар)» федераль максатчан программасында районның катнашу шартлары һәм төп критерийлары яңгырады.

Татарстан Республикасында мондый программада катнашуның уңай тәҗрибәсе бар инде, 2017 елда «Рәсәй Федерациясендә эчке һәм читтән керү туристлыгын үстерү (2011-2018 еллар)» федераль максатчан программасы чараларын гамәлгә ашыру кысаларында «Свияжск» туристик-рекреация кластерына Татарстан Республикасының Яшел Үзән муниципаль районында Свияжск утрау-шәһәрчеге янында урнашкан парковканы төзү өчен федераль бюджеттан акча бүлеп бирелде.

Хөрмәтле коллегалар, туристлык һәм кунакчыллык өлкәсе!

Шуны хәбәр итәбез: «Туристик сувениры» - Идел буе федераль округы 2019 Бөтенрәсәй бәйгесенең төбәк бәйгесенә гаризалар кабул итү башланды. Бәйгенең иң яхшы эшләре «Туристик сувениры» Бөтенрәсәй бәйгесенең Бөтенрәсәй финалында катнашачак.

Конкурсның максаты булып тәҗрибә уртаклашу һәм кызыксынган барлык оешма һәм затларның төбәк һәм ил территориясендә туристик сувенирларны җитештерү һәм сату өлкәсендә үзара хезмәттәшлеген оештыру, халык һөнәрчелеген һәм кәсепләрен торгызу һәм үстерү, илебезнең туристик сувенир продукциясе базарын үстерү тора.

2019 елда төбәк бәйгесенең төп номинацияләре:

1.        этнографик сувенир;

2.        шәһәр сувениры;

3.        төбәк сувениры;

4.        гастрономик сувенир (эчемлекләр);

5.        гастрономик сувенир (ризык);

6.        вакыйга сувениры;

7.        туристик маршрут сувениры;

8.        музей сувениры;

9.        сувенир-уенчык;

10.      сувенир идеясе;

11.      туристлык сувенирлары линейкасы (бу номинациягә кергән номинацияләр: төбәк, шәһәр, музей, вакыйга, маршрут).

2018 елда бәйгедә катнашу өчен илнең 63 төбәгеннән 2296 эш бирелгән иде. Татарстан Республикасы Бөтенрәсәй финалында 10 призлы урын алды, шуларның 4 проекты Гран-при отты.

Бәйгедә катнашу өчен бәйге материалларын бәйгене оештыручыларга 2 апрельгә кадәр җибәрергә кирәк. Гариза формасын тутыру алгоритмы буенча тулырак мәгълүматны бәйгенең www.russiasuvenir.ru.рәсми сайтында алырга мөмкин.

Сезне бәйгедә катнашырга чакырабыз.

Туристик продуктны алга таба алып бару бүлегендә «җитәкчеләр» категориясе вазыйфаларының төп төркемен алмаштыру өчен һәм туристлык эшчәнлеген дәүләти җайга салуы бүлегендә  «белгечләр» категориясе вазыйфаларының әйдәп баручы төркемен алмаштыру өчен Татарстан Республикасының туристлык буенча дәүләт комитетының кадрлар резервына кертүгә багышланган бәйгедә катнашу өчен документлар кабул итү тәмамлана.

Бәйгедә катнашу өчен документлар 2019 елның 21 мартына кадәр Дәүләт комитетының эш көннәрендә (9.00 сәгатьтән 18.00 сәгатькә кадәр) кабул ителә. Булачак бәйге турында мәгълүмат Татарстан Республикасының туристлык буенча дәүләт комитетының рәсми сайтында "Кадрлар сәясәте» бүлегендә урнаштырылган http://tourism.tatarstan.ru/rus/kadrovaya-politika.htm өстәмә мәгълүмат алу өчен (843) 222-90-29, 222-90-27 телефоны аша  мөрәҗәгать итәргә була.

Татарстан Республикасы Министрлар Кабинетының 26.12.2003 елдагы 1969-р номерлы күрсәтмәсе нигезендә 2004 елдан башлап ел саен «Рәсәйнең иң яхшы 100 товары» программасы кысаларында «Татарстан Республикасының иң яхшы товарлары һәм хезмәтләре» бәйгесе үткәрелә. Аның төп бурычы - Татарстан Республикасының, Рәсәй һәм ерак чит илләрнең базарына җиткерү өчен җитештерүчеләрне югары сыйфатлы һәм конкуренциягә сәләтле товарлар (хезмәтләр) җитештерүгә стимуллаштыру.

15 ел дәвамында Татарстан Республикасы РФ субъектлары арасында игълан ителгән товарлар һәм хезмәтләр буенча беренче урынны алып тора, бу төбәкнең алга киткән икътисады турында сөйли, ә күп санлы бүләкләр җитештерелә торган продукциянең (хезмәтләрнең) югары сыйфаты һәм конкуренциягә сәләте турында сөйли.

Бәйге нәтиҗәләре буенча җиңүчеләргә дипломнар тапшырыла. 1 дәрәҗә лауреатларына һәм дипломантларына үз продукциясен маркировкалау өчен бәйгенең логотипын куллану хокукы бирелә. Ел саен РФ зур субъектларына һәм Татарстан Республикасының чит илдә сәүдә вәкиллекләренә тарала торган «Татарстан Республикасының иң яхшы товарлары һәм хезмәтләре» җиңүчеләр каталоглары чыгарыла.

Иң яхшы оешмаларга «Татарстан сыйфат лидеры» призы тапшырыла.

Бүләкләү тантанасы Ауропа сыйфат атнасы кысаларында Татарстан Республикасы Премьер-министры һәм Татарстан Республикасы Хөкүмәте әгъзалары катнашында уза.

«Татарстан Республикасының иң яхшы товарлары һәм хезмәтләре» республикакүләм бәйгесе җиңүчеләре «Рәсәйнең 100 иң яхшы товары» бәйгесенең федераль этабында тәкъдим ителә.

Югарыда бәян ителгәннәргә бәйле, сезнең оешмагызны җитештерелгән товарлар (хезмәтләр) белән 2019 елда бәйгедә катнашырга чакырабыз.

Элемтә өчен телефон: (843) 291-08-13.

Эксперт советы конкурсның барлык шартларына туры килә торган маршрут атамасының иң яхшы биш вариантын сайлап алды: «Татарстанның өч дөньясы», «Өч елга – өч җыр», «Бер юл – өч халык», «Татарстан традицияләре әйлән-бәйләне», «НиАтаТаш иленә сәяхәт».