ЯҢАЛЫКЛАР
27 нче февральдән 1 нче мартка кадәр Будапешттагы (Венгрия) 43 нче Халыкара Travel 2020 күргәзмәсендә Татарстан Республикасының туристлык потенциалы тәкъдим ителә.
Бу – Венгриянең әйдәп баручы туристлык күргәзмәсе. Ел саен бер мәйданчыкта дөньяның төрле илләреннән туристлык тармагының барлык өлкәләрен берләштерүче 300дән артык кунак җыела.
Күргәзмә кысаларында Татарстан Республикасы Туристлык буенча дәүләт комитетының туристлык продуктын алга этәрү бүлеге башлыгы Динара Хисмәтуллина Венгрия туриндустриясе вәкилләре алдында Татарстан Республикасының туризм буенча җәлеп итүчәнлеген күрсәткән.
Исегезгә төшерәбез, 2019 нчы елда Казан белән Будапешт (Венгрия) арасында даими авиарейслар ачылды. Оператор булып Венгриянең Wizz Air авиакомпаниясе катнаша. Очышлар атнага ике тапкыр — чәршәмбе һәм якшәмбе көннәрендә башкарыла. Юлга якынча 2,5 сәгать вакыт китә.
2020 нче елның 28 нче февралендә Татарстан Республикасында сәнәгый һәм эчке туризмны популярлаштыру максатында Татарстан Республикасы балаларының Яр Чаллы шәһәренә беренче күчмә экскурсиясе узды. Чара ТАССР оешуга 100 ел тулуга багышланган, шулай ук мәктәп укучыларында һәм яшьләрдә эшче һөнәрләргә кызыксыну уяту һәм һөнәри юнәлеш бирү эшен үстерүгә дә юнәлдерелгән. Проект "Татарстан Республикасы Туризмны үстерү үзәге" автоном коммерциясез оешмасы (Visit Tatarstan идарә компаниясе) тарафыннан Россия Федерациясенең Президент грантлары фонды ярдәмендә тормышка ашырыла.
Экскурсияләрдә катнашучылар – Казан шәһәрендәге 12 гимназия һәм мәктәпләрнең, шулай ук Питрәч муниципаль районының Богородский урта мәктәбенең 7-9 нчы сыйныф укучылары "КАМАЗ", шулай ук "КАМАЗ-мастер" автомобильләрен җитештерү эше белән танышачак.
Экскурсия программасында катнашучыларның барысы да мәктәп тормышында актив катнаша һәм эшкуарлык, сәнәгать һәм фән белән кызыксына. Шулай ук барлык балалар да актив рәвештә сыйныфтан тыш эшчәнлек алып бара һәм "Яшьләр казанышлары" Казан үзәге иҗтимагый оешмасы һәм "Казан балалары" балалар иҗтимагый оешмасы составында тора.
Бүген Татарстан Республикасы Сәүдә-сәнәгать палатасында "Татарстан Республикасы – Бохара өлкәсе" эш форумы узды, анда Татарстан Республикасы Туристлык буенча дәүләт комитеты рәисе Сергей Иванов Үзбәкстан делегациясенә Татарстан Республикасының туристлык потенциалын тәкъдир итте.
Шулай ук Бохара өлкәсе хәкиме урынбасары Ботиржон Шахриёров та Бохара өлкәсенең икътисадый һәм туристлык потенциалы презентациясе белән чыгыш ясады.
Исегезгә төшерәбез, кичә Татарстан Республикасы Президенты Рөстәм Миңнеханов Бохара өлкәсе (Үзбәкстан) хәкиме Уктам Барноев белән очрашкан иде. Очрашу барышында Казан белән Бохара арасында турыдан-туры авиарейс оештырырга тәкъдим ителде, бу эшлекле активлыкка һәм үзара туристлар агымын арттыруга ярдәм итәчәк.
Мәскәүдә рестораннар буенча WHERETOEAT RUSSIA гомуми илкүләм премиясенә йомгак ясалган. Татарстан башкаласыннан берьюлы алты оешма Россиядәге иң яхшы 50 ресторан исемлегенә кергән.
Премияне оештыручылар тарафыннан Россиянең төрле төбәкләреннән 500 эксперт тавыш бирү өчен җәлеп ителгән. Лонг-листка барлыгы 861 оешма эләккән.
Казанда "Холостяк приюты" иң яхшысы булып чыккан, ул 16 нчы урынны били. 35 нче урында – Казанның "Пир" рестораны, 38 нчедә — "Сетка" бары, 43 нчедә – Cheeseria, "Утка в котельке" — 44 нче урында, "Марусовка" — 47 нче урында.
19 нчы февральдә "ТИСБИ" идарә университетының конференцияләр залында Дөньякүләм экскурсовод көне һәм "ТР Экскурсоводлар гильдиясе" ассоциациясе оешуга 10 ел тулу уңаеннан Татарстан Республикасы экскурсоводларына ведомство бүләкләре тапшырылды. Бүләкләү Гильдия җыелышы кысаларында узды.
Сергей Иванов һөнәрнең мөһимлеген билгеләп үтте: "Экскурсовод – ул туризм индустриясендәге иң мөһим һөнәрләрнең берсе. Туристка мәгълүматны нәкъ менә ул җиткерә, еш кына, мең дә бер рәхәтлек төбәге булган Татарстанның чын амбассадоры буларак, туристны республикада булган сәфәренең башыннан ахырына кадәр озата йөри”.
22-23 нче февраль көннәрендә "Казан Кремле" музей-тыюлыгында Ватанны саклаучылар көненә багышланган чаралар узачак.
Музейга килгән кешеләр Туплар музеендагы "Кораллар саклыкханәсе" дигән күргәзмәдә чын бәйрәм рухын тоя алачак. Бу көнне музей кунаклары арбалеттан атарга, урта гасыр сугышчысы яки Бөек Ватан сугышы чорындагы солдат киемен киеп карый алачак.
Уен яратучылар Татарстанның Табигать тарихы музее буйлап сәяхәтче белән квест үтә алачак.
Россия Федерациясе Хөкүмәтенең "Эчке һәм читтән килүчеләр туризмын үстерүгә юнәлдерелгән иҗтимагый һәм эшкуарлык инициативаларына грант ярдәме күрсәтү өчен федераль бюджеттан субсидияләр бирү кагыйдәләрен раслау турында" 2019 елның 7 декабрендәге 1619 номерлы карары нигезендә 2020 нче елда Туризм буенча федераль агентлык федераль бюджеттан субсидияләр бирү буенча конкурс үткәрә.
Конкурс Россия Федерациясенең "Икътисадый үсеш һәм инновацияле икътисад" дәүләт программасының "Туризм" ярдәмче программасы кысаларында туризм хезмәтләре күрсәтүне, кунып китүчләр санын, туризм өлкәсендә эшләүчеләр исәбен арттыруга, сәламәтлеге буенча мөмкинлекләре чикләнгән кешеләр өчен файдалана алырлык туристлык мохитен оештыруга һәм үстерүгә юнәлдерелгән чараларны гамәлгә ашыру максатларында уздырыла.
Катнашу өчен гариза тапшырган оешмалар һәм шәхси эшкуарлар конкурска кертеләчәк.
Конкурста катнашу кагыйдәләре, шулай ук кирәкле башка мәгълүмат белән әлеге сылтама буенча танышырга мөмкин: https://economy.gov.ru/material/file/a71ad086437e5fe9047d0e947ed3096d/07122019_1619.pdf.
Сезне конкурста катнашырга һәм конкурска дигән документлар җыелмасын алдан ук әзерли башларга чакырабыз.
Конкурсны үткәрү вакыты турында өстәмә хәбәр ителәчәк.
Татарстан Республикасы Туристлык буенча дәүләт комитетыннан элемтә өчен җаваплы зат – туристлык индустриясен үстерү бүлеге башлыгы Софьина Анастасия Валерьевна (тел. (843) 222-90-40, e-mail: Anastasia.Sofina@tatar.ru).
Яраткан кешеңне Казан Кремлендәге музейларга чакырып, елның иң романтик бәйрәмнәренең берсен билгеләп үтү мөмкинлеге бар.
Изге Вәли көне уңаеннан кайбер музейлар гашыйклар өчен программалар әзерләгән. Музейларга бәйрәмдә генә түгел, булачак ял көннәрендә дә килергә була.
13 нче февральдә, 17:00 сәгатьтә Татарстан дәүләтчелеге тарихы музееның күргәзмәләр залында Казан Гаилә үзәге белән берлектә оештырылган "Ата-аналар белән танышу" лекция-очрашуы булачак.
Керү - ирекле.
11-12 нче февраль көннәрендә Алабугада Татарстан Республикасы туроператорлары өчен реклама туры узды.
Ике көн эчендә туроператорлар күргәзмә залында булдылар, анда Германиядән "Сугыш әсирләре" дигән күргәзмә белән, Хәзерге этносәнгать музее белән таныштылар. Н.А. Дурованың музей-утарында әкият персонажлары белән "Морозко" интерактив программасы, конкурслар, уеннар һәм әйлән-бәйлән биюләре белән таныштылар, коймак белән сыйландылар, шулай ук Мальцево авылында "Диводворье" интерактив программасында да катнаштылар, әлеге программа территория буйлап экскурсия уздыруны, төрле кошларны (30 төрдән артык), "Русич" корабын, атлар, этләр катнашындагы шоулар карауны, чана шууны, коймак, кайнатма һәм бал белән самоварда кайнатылган үләнле чәй эчүне күздә тота.
Ростуризмның "Киләсе яллар" проекты кысаларында Мәскәүдә Татарстанның туризм ягыннан җәлеп итүчәнлеге турында 25 билборд урнаштырылган.
Бу елның 1-29 февраль көннәрендә билбордлардагы мәгълүматлар мәскәүлеләргә Мәскәүдән Казанга очу вакыты һәм шәһәрнең туризм ягыннан җәлеп итүчәнлеге турында сөйләячәк. Татарстанга Казан Кремленең Кол Шәриф мәчете, ГХАТ касәсе төшерелгән матур фотолар һәм, әлбәттә инде, өчпочмаклар белән җәлеп итәчәкләр.
Татарстан Республикасы Туристлык буенча дәүләт комитеты рәисе Сергей Иванов билгеләп узганча: "Ял көннәрен Татарстанда уздыру – хәлне үзгәртү һәм тулы канлы ял итү өчен менә дигән мөмкинлек. Казанга Мәскәүдә яшәүчеләр өчен транспорт белән килә алу мөмкинлеген исәпкә алып, әлеге реклама кампаниясе ярдәмендә безнең республикага туристлар агымы артыр дип өметләнәбез".
Исегезгә төшерәбез, декабрь аенда Visit Tatarstan банерлары Аэроэкспресс поездларында урнаштырылган иде. Шулай ук Санкт-Петербург халкы Visit Tatarstan реклама роликларын кинотеатрларда да күрә алды.