ЯҢАЛЫКЛАР
Хөрмәтле хезмәттәшләр!
Республикабыз халкын һәм килгән кунакларны, туризм индустриясе вәкилләрен, профильле югары уку йортлары мөгаллимнәрен һәм студентларны якынлашып килүче Яңа ел белән котлыйм!
Бу бөтен тармак өчен катлаулы ел булды. Авырлыкларны җиңеп чыгу өчен бик зур батырлык һәм профессионализм таләп ителде. Татарстанның туристлык тармагы иң катлаулы вакытта да ресурслар табарга сәләтле булуын раслады. Грант ярдәме өчен туриндустрия вәкилләренә Россия Федерациясе Хөкүмәте субсидияләре узып баручы елда гамәлдәге проектларны үстерүгә һәм яңаларын гамәлгә ашыра башлауга ярдәм итте. 2020 елда йөзләгән татарстанлы «Ял көннәрендә 1000 һәм 1 ләззәт» проекты ярдәмендә газиз республиканы үзләре өчен яңа яктан ачты. Бөек Болгар, Алабуга, Кама Тамагы, Балык Бистәсе, Чистай, Мамадыш, Байлар Сабасы һәм Кукмара буенча сигез маршрутта Татарстан районнары буенча сәяхәт хәтта иң таләпчән туристның да ихтыяҗларын канәгатьләндерә алуын күрсәтте.
Яңа ел алдыннан һәрвакыт иң яхшыга ышанасың һәм киләсе 2021 ел безгә яңа өметләр алып килер һәм барлык теләкләрне тормышка ашырыр дип өметләнәм!
Киләсе ел туриндустрия вәкилләренә бик күп эш алып килсен, туристлык үзәкләре, Татарстан кунакханәләре мөмкин кадәр күбрәк кунакларны каршы алсын һәм экскурсияләр саны артсын!
Әмма иң мөһиме сәяхәтләрнең тәмамланмавын телим! Газиз Татарстан буйлап сәяхәт итегез! Казанга килеп Ак Кремльне күрү, Бөек Болгардагы борынгы тарихка кагылу, Зөя утрау-каласында калып, үзеңне әкияттә кебек хис итү, Кама Тамагында Иделнең бөеклегенә соклану, Балык Бистәсендәге боланнарның ялын сыйпау, Кукмара районына шәп шоппинг-тур кылу, Саба районында банан белән ананасларның ничек үсүен карау, Мамадыштагы Эйфель манарасы фонында фотога төшү, Кыш Бабай резиденциясендә теләк теләп, республиканың иң яхшы кунакханәләрендә спа-процедуралар узу – чын күңелдән рәхәтлек!
Үзегез өчен Татарстанның яңа, үзгә якларын ачыгыз, сәяхәт итегез, ял итегез! Яңа ел бары тик шатлык һәм уңышлар гына алып килсен!
-
-
29 декабрьдә Дәүләт комитетында видеоязма режимында коррупциягә каршы көрәш буенча утырыш булды, анда 3 мәсьәлә каралды: 1. Татарстан Республикасы Туризм буенча дәүләт комитетының 2015-2023 елларга коррупциягә каршы программасы чараларының үтәлеше турында 2. Татарстан Республикасы социаль-икътисадый мониторинг комитеты тарафыннан үткәрелгән «Татарстан Республикасында коррупция турында халык фикерен өйрәнү» 2020 елгы социологик тикшеренү нәтиҗәләрен карау турында. 3. Татарстан Республикасының туризм буенча дәүләт комитеты рәисе каршындагы Коррупциягә каршы тору комиссиясенең 2020 елдагы эшчәнлеге нәтиҗәләре һәм 2021 елга эш планын раслау турында.
-
1
-
2021 елның 5 гыйнварында Татарстан Республикасының Кукмара шәһәрендә «Кукмара киез итекләр» («ITEKFEST») Республика халык иҗаты фестивале уза. «Кукмара итекләре» традицион фестиваль – ярминкәсе киез итек җитештерүне популярлаштыру максатыннан оештырылган, аның кысаларында теләгән һәркем үз куллары белән киездән эшләнмәләр ясый, төрле кышкы уеннар – конкурсларда катнаша ала. Фестивальгә Татарстан Республикасы районнарыннан җыелма командалар чакырыла. Быел күрше төбәкләр дә катнашырга теләк белдерде.
Бүген, 25 декабрьдә, Дәүләт комитетында Сергей Евгеньевич Иванов, Татарстан Республикасының туризм буенча Дәүләт комитеты рәисе Сергей Евгеньевич Иванов туриндустрия һәм «Татарстан АССР төзелүгә 100 ел» истәлекле билгеләрен һәм Татарстан Республикасы Туризм буенча дәүләт комитетының ведомство бүләкләрен тапшырды.
Яңа ел бәйрәмнәре алдыннан һәм Россия төбәкләреннән килгән туристларның күп килүе көтелә торган туристлар агымы алдыннан, Дәүләт комитеты рәисе Сергей Иванов, Казан шәһәренең туризмны үстерү комитеты директоры Дарья Санникова белән берлектә, туристлык инфраструктурасы объектларын карап чыкты. Туристик инфраструктураның барлык объектлары да номерларны, иҗтимагый зоналарны һәм хезмәт урыннарын җыештыру стандартларын катгыйландырдылар. Бөтен җирдә бактериягә каршы һәм дезинфекция чаралары кулланыла, тапшырылган номерлар эшкәртелә, куллар өчен антисептиклар урнаштырылган. Социаль дистанция кагыйдәләре барлык туристик объектларда да үтәлә - кунаклар бер-берсеннән имин арада тора алсын өчен төгәл тамга төшерелгән. Кунакханәләргә, музейларга һәм күңел ачу үзәкләренә килүчеләр, битлекләр булмаганда, аларны урында сатып алу мөмкинлеге бар. Керү вакытында температураны үлчиләр. Сергей Иванов билгеләп үткәнчә, алга таба тикшерүләр үткәрү планлаштырыла
«Тур операторы һәм турист һәм (яки) башка заказчы арасында төзелә торган туриситлык продуктын гамәлгә ашыру турында килешүнең һәм тур агенты һәм турист һәм (яки) башка заказчы арасында төзелә торган туристлык продуктын гамәлгә ашыру турында килешүнең типик формаларын раслау турында» 2020 елның 27 ноябрендәге 448-ПР-20 номерлы Ростуризм боерыгы нигезендә түбәндәгеләр расланган:
- тур операторы белән турист һәм (яки) башка заказчы арасында төзелә торган туристлык продуктын сату турында килешүнең типлаштырылган формасы;
- тур агенты һәм турист һәм (яки) башка заказчы арасында төзелә торган туристлык продуктын гамәлгә ашыру турында килешүнең типик формасы.
Боерык 2021 елның 1 гыйнварыннан үз көченә керә һәм 2026 елның 1 гыйнварына кадәр гамәлдә була.
Әлеге боерык белән, шулай ук типлаштырылган формалар белән «Файдалы мәгълүмат» – «Туристларга һәм туристлык базарында катнашучыларга ярдәм итү» бүлегендә танышырга мөмкин.
Һава транспорты федераль агентлыгы тарафыннан 2021 елда субсидияләнүче маршрутлар исемлеге расланган. Төбәк һава транспортында пассажирлар йөртүне субсидияләү программасы Россия Федерациясе Хөкүмәтенең 2013 елның 25 декабрендәге 1242 номерлы карары нигезендә гамәлгә ашырыла.
2021 елда субсидияләнә торган маршрутлар саны – 266, шул исәптән Татарстан Республикасы башкаласына йөри торганнары да.
Әйтик, 1 гыйнвардан 2 гыйнварга кадәр Казанга килә торган махсус бәяле урыннар:
Кемерово
Пермь
Ростов-на-Дону
Төмән
Ә әлеге программа буенча Казаннан отышлы бәядән барып була торган урыннар түбәндәгеләр:
Архангельск
Әстерхан Барнаул Брянск
Волгоград
Воронеж
Калуга
Кострома
Липецк
Махачкала
Түбән Новгород
Омск
Самара
Чиләбе
Ярославль
Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең Татарстан Республикасы буенча идарәсеннән алынган мәгълүматларга караганда, республиканың берничә отеле һәм кунакханәсе яңа коронавирус йогышы таралуны булдырмау буенча санитар кагыйдәләрне һәм нормаларны үтәмәгән өчен җаваплылыкка тартылган.
Югарыда күрсәтелгән нормаларны һәм кагыйдәләрне үтәү буенча хокук бозуларны ачыклауга юнәлдерелгән тикшерүләр санын Яңа ел каникуллары якынлашуга һәм декабрь-гыйнвар айларына туристларның артуын фаразлауга бәйле рәвештә арттыру планлаштырыла. Югарыда күрсәтелгән рейдлар Яңа ел каникулларында да аеруча җентекле дәвам иттереләчәк.
Тикшерүләр вакытында персонал арасында битлек-перчатка режимын саклауга һәм гамәлдәге санитайзерлар булуга аерым игътибар бирелә.
Югарыда әйтелгәннәргә бәйле рәвештә, профилактика чараларын тайпылышсыз үтәвегез сорала.
COVID-19 таралуын чикләү чараларын үтәмәү элеккеге чикләүләрне катгыйландыруга һәм Татарстан Республикасының бөтен территориясендә яңа чикләүләр кертүгә китерәчәк.
Без «Ял көннәрендә 1000 һәм 1 ләззәт» программасын Яңа ел чорында да дәвам иттерәбез.
«Ял көннәрендә 1000 һәм 1 ләззәт» программасының Яңа ел версиясенә Бөек Болгар, Алабуга, Чистай, Балык Бистәсе, Саба һәм Кукмара районнары кертелде. 3 гыйнвардан 10 гыйнварга кадәр бер үк бәядән – бер кешегә 3 000 сумнан ике көнлек сәяхәткә кузгалырга мөмкин. Бу суммага җирле кунакханәдә ике көн дәвамында яшәү, шул исәптән төннәрен дә кертеп, иртәнге аш, ике төшке аш һәм ике экскурсия кертелгән. Шул ук вакытта Яңа ел бәйрәменә бәйле хезмәтләрдән дә файдалану мөмкинлеге булачак.
Хәзерге вакытта Татарстан Республикасында «Бар дөньяга яшерен генә» («По секрету всему свету») тревел-тапшыруын төшерәләр, ул һәр шимбә көнне «Россия-1» телеканалында алып баручы буларак танылган театр һәм кино актрисасы Ольга Кузьмина катнашында күрсәтеләчәк.
«Бар дөньяга яшерен генә» тапшыруы тамашачыларга татар халкының гореф-гадәтләре, мәдәнияте һәм аш-су сәнгате, шулай ук Татарстан Республикасының кышкы чорда туристларны кабул итү мөмкинлекләре турында сөйләячәк.
Кино төшерү төркеме Татарстан башкаласының төп истәлекле урыннарында булган, «Ак Барс» хоккей командасы матчында, Иннополиста һәм «Зөя калкулыклары» тау чаңгысы комплексында булган. Бүгенге тапшыру ясау эшләре Алабуга шәһәрендә уза.
Татарстан буенча ике тапшыру күздә тотыла, шуларның беренчесе 2021 елның 16 гыйнварында булачак.