«Зөя калкулыклары» чаңгы һәм сноуборд өчен Россиянең иң яхшы курортлары өчлегенә кергән

2021 елның 18 феврале, пәнҗешәмбе

Рейтинг актив ял итәргә яратучы 10 меңнән артык һәвәскәрне сораштырганнан соң төзелгән.

«Зөя калкулыклары» курорты чаңгыда һәм сноубордта йөрү өчен иң яхшы урыннар арасында Россия буенча өченче булган. Бу хакта ТурСтат туристлык порталы хәбәр итә.

Портал аналитиклары мәгълүматлары буенча, Татарстан курорты 16% тавыш җыйган Шерегеш (Кузбасс) һәм «Роза Хутор» (Сочи) гына оттырган. Порталдан файдаланучыларның 10%ы «Зөя калкулыклары»на өстенлек биргән.

Соңгы вакытта сноуборд белән 3 миллионнан артык россияле мавыга. Сораштыруда актив ял яратучы 10 меңнән артык һәвәскәр катнашкан.