ЯҢАЛЫКЛАР
2021 елның 5 декабреннән 7 декабренә кадәр Казанда «Киләчәк ориентирлары» туристлык форумы узачак.
Чара нетворкинг өчен заманча мәйданчык, халыкара туристлыкның көн тәртибендәге иң мөһим мәсьәләләр буенча тәҗрибә уртаклашу һәм фикер алышу мәйданчыгыннан гыйбарәт булачак. Форум Татарстанда даими нигездә уза, һәр ике ел саен туриндустриянең төрле тармакларының эре Россия һәм халыкара экспертларын җыя.
Спикерлар пулы туризм өлкәсендә халыкара, Россия экспертлары һәм практиклары: Туризм буенча федераль агентлык, Стратегик инициативалар агентлыгы, Татарстан Республикасы Хөкүмәте, профильле ассоциацияләр, турбизнес җитәкчелеге, мультимедиа һәм цифрлы үсеш буенча белгечләр.
«Киләчәк ориентирлары»ның алтынчы форумы туризмда заманча трендларга һәм цифрлы трансформациягә юнәлтелгән.
Бүген, 11 ноябрьдә, «Russian Travel Hub» онлайн-күргәзмәсендә Бөек Болгар музей-тыюлыгын тәкъдир итү чарасы булды, анда шулай ук «Зарядье» паркы, Санкт-Петербургтагы Россия тимер юллары музее, Мурманск өлкәсендә төньяк балкышы, Байкалның уникаль бозы һәм Камчаткадагы Гейзерлар үзәне проектлары да күрсәтелде.
Исегезгә төшерәбез, 10 ноябрьдән 16 ноябрьгә кадәр Ростуризм Россиядән туристлык продуктын профессиональ сатып алучылар өчен Россиянең төп регионнары катнашында беренче тапкыр Russian Travel Hub онлайн-күргәзмәсен үткәрә. Чараның мәгълүмати һәм технологик партнеры булып Profi.Travel туристлык медиахолдингы тора. Игътибар үзәгендә – чит илләрдән сәяхәтчеләр өчен Россия турпродукты, шулай ук илгә керүнең актуаль кагыйдәләре.
Чарада Европа, Азия һәм Якын Көнчыгыш илләреннән меңгә якын профессиональ сатып алучылар катнаша.
11 ноябрьдә Туристлык волонтерлары ассамблеясе генераль директоры урынбасары Аделина Ишмакова беренче курс студентларына «Татарстан Республикасы туристик волонтерлары ассамблеясе» оешмасы эшен һәм «Кунакчыл Казан» проектын тәкъдир итте. Ул ел саен 1 июньнән 31 августка кадәр уза.
Шулай ук студентларга «i.Pro» сменасы тәкъдим ителде. Ул 29 ноябрьдән 2 декабрьгә кадәр «Волга» яшьләр үзәгендә узачак.
Игътибар итегез, яшьләр үзәгендә шактый катгый чикләүләр кертелгән, шуңа күрә:
18 яшькә кадәрге балаларга балалар табибыннан ковид белән элемтә булмаганлыгы турында белешмә алырга кирәк. Эпидемилогик тирәлек турындагы белешмә килер алдыннан өч көн алдан алынырга тиеш.
18 яшьтән өлкәнрәк затларның үзләре белән тулы вакцинация үтү яки соңгы 6 айда корона авыруын кичерү турында раслый торган QR-код булырга тиеш.
10 ноябрьдән 16 ноябрьгә кадәр Ростуризм Россиядән туристлык продуктын профессиональ сатып алучылар өчен Россиянең төп регионнары катнашында беренче тапкыр Russian Travel Hub онлайн-күргәзмәсен үткәрә.
Чарада Европа, Азия һәм Якын Көнчыгыш илләреннән меңгә якын профессиональ сатып алучылар катнашыр дип көтелә. Инде хәзер үк 29 илдән 300дән артык байер теркәлгән. Лидерлар арасында – Һиндстан, БГӘ, Испания, Франция.
Сезне күргәзмәдә, шулай ук 12 ноябрьдән 16 ноябрьгә кадәрге нетворкинг көннәрендә катнашырга һәм төрле илләрдән килгән байерлар арасында яңа партнерлар табарга чакырабыз.
Әлеге проектта катнашу бушлай. Теркәлү https://hub.russia.travel/ru/auth/login сылтамасы буенча башкарыла. Күргәзмә эше дәвамында сез потенциаль партнерлар белән виртуаль визиткалар алмаша аласыз. Визитка сезнең профильне тутырганнан соң автомат рәвештә формалаша һәм белгечтә саклана.
Өстәмә мәгълүмат алу өчен – Артём Әхмәров, e-mail: Artem.Akhmerov@tatar.ru, тел.: 222 9036.
13 ноябрьдә 10.00 сәгатьтә «Пятница» телеканалында Татарстан Республикасына багышланган «Орел һәм Решка. Россия» программасының премьерасы була. Безнең республика турында телевидение алып баручылары Регина Тодоренко һәм Тимур Родригез сөйләячәк, алар республикада быелның октябрендә булып киттеләр. Программа ТР Туристлык буенча дәүләт комитеты ярдәмендә төшерелде.
Тапшыру эфирга чыкканчы, алып баручыларның кайсысы – 100 долларга, ә кайсысы лимитсыз банк картасы белән «люкс» режимында яшәгәнлеге сер булып саклана.
Исегезгә төшерәбез, бу – Татарстан Республикасы турында өченче программа. Соңгы тапкыр республика программаны 2018 елда Футбол буенча дөнья чемпионаты алдыннан кабул иткән иде. Жанна Бадоева һәм Comedy Club резиденты Андрей Скороход үз тәэсирләре белән уртаклашты. Жанна Бадоева, кесәсендә 100 доллар булып, Казан Кремлендә, барлык диннәр храмында булды, шул ук исемдәге музейда чәк-чәк әзерләде. Андрей Скороход «Казань Арена» стадионында эксклюзив кунакханәдә яшәде, аквапаркта серфингка өйрәнде һәм Зөя утрау-шәһәрчегендә уникаль арбалеттан атып карады
Бүген, 10 ноябрьдә Profi.Travel порталында Татарстан Республикасында экологик туризмны үстерүгә багышланган вебинар узды. Сәламләү сүзе белән Туристлык буенча дәүләт комитеты рәисе Сергей Иванов чыгыш ясады, шулай ук «ТР шәһәрләрен үстерү институты» фондының «Табигый территорияләрне һәм экотуризмны үстерү дирекциясе» департаменты җитәкчесе Оксана Саргина, «Камский Трофей» экоотеле генераль директоры Людмила Закамская, BestGlamp «Урман Аланы» глэмпингы белән идарә итүче һәм аның хуҗасы Рөстәм Әюпов глэмпинглар, шәһәр читендәге ял объектлары һәм республикада экологик туризмны үстерү үзенчәлекләре турында сөйләделәр.
Россия төбәкләрендә гастрономия туризмын үстерү максатларында Туризм буенча федераль агентлык 8-10 декабрьдә Уфада II «Гастрономия туризмы. Яңа мөмкинлекләр» форум-фестивален уздырачак.
Форумның максаты – гастрономия туризмын үстерүнең эш концепциясе, региональ гастрономия туризмына ярдәм итү, гастрономия турлары төзүдә иң яхшы тәҗрибәләрне өйрәнү, азык-төлек продуктларын һәм эчемлекләрне локаль җитештерүчеләрне алга этәрү.
Форум кысаларында гастрономия туризмының иң яхшы төбәк объектына (иң яхшы ресторан, ферма, музей һ.б.) конкурс һәм иң яхшы төбәк гастро-туристлык маршруты үткәрелә. Конкурста җиңүчеләргә Уфага кадәр бушлай бару һәм кире кайту, Форум уздыру чорында отельдә яшәтү һәм анда катнаштыру күздә тотыла.
Гаризалар 2021 елның 19 ноябренә кадәр шул көнне кабул ителә.
Конкурс турында иң тулы мәгълүмат биредә урнаштырылган: https://tourism.tatarstan.ru/respublikanskiy-konkurs-lider-turizma-2021.htm
COVID-19 инфекциясенә каршы вакцинация ясатуны раслаучы гамәлдәге QR-кодларны яки соңгы алты ай эчендә авырганлык турында белешмәләрне КҮРСӘТМИЧӘ дә, түбәндәге гамәлләрне үтәүгә РӨХСӘТ БИРЕЛӘ:
1. Кунакханәләргә, шул исәптән, хостелларга урнашырга була.
2. Кунакханәгә урнашучылар кунакханәнең барлык инфраструктурасынан (рестораннар, кафелар, фитнес-үзәкләр, бассейннар һ.б.) файдалана ала.
3. Аерым гына да, шулай ук туристлар төркеме составында да барлык мәдәният объектларына да (музейларга, күргәзмәләргә) барырга була.
4. Экскурсия программалары үткәрергә мөмкин.
5. Халык залларның 50%тан да артык өлешен тутырмаган, ләкин 500 дән артык кеше җыелмаган очракта, театр, кинотеатр (кинозал), цирк, концерт залларына керергә мөмкин. (Шартларны һәр объектта ачыклагыз).
6. Тамаша урыннарының 50%тан да артык өлеше тутырылмаган, ләкин 500 дән артык кеше җыелмаган очракта, рәсми спорт һәм физкультура, тамаша-күңел ачу, мәдәни чаралар уздыру рөхсәт ителә. (Шартларны һәр объектта ачыклагыз).
7. 18 яшькә кадәрге барлык затларга да COVID-19 инфекциясенә каршы вакцинация ясатуны раслаучы гамәлдәге QR-кодларны яки соңгы алты ай эчендә авырганлык турында белешмәләрне күрсәтү кирәкми.
Түбәндәге объектларга КЕРГӘНДӘ, COVID-19 инфекциясенә каршы вакцинация ясатуны раслаучы гамәлдәге QR-кодларның яки соңгы алты ай эчендә авырганлык турында белешмәләрнең БУЛУЫ МӘҖБҮРИ:
1. Җәмәгать туклану объектларына кергәндә, спорт үзәкләрендә, йөзү бассейннарында, фитнес-үзәкләрдә, аквапаркларда хезмәт күрсәтелгәндә, сәүдә, сәүдә-күңел ачу үзәкләренә кергәндә һәм анда булу вакытында.
2. Халык залларның 70%тан да артык өлешен тутырмаган очракта, театр, кинотеатр (кинозал), цирк, концерт залларына керергә мөмкин. (Шартларны һәр объектта ачыклагыз).
3. Тамаша урыннарының 70%тан да артык өлеше тутырылмаган очракта, рәсми спорт һәм физкультура, тамаша-күңел ачу, мәдәни чаралар уздыру рөхсәт ителә. (Шартларны һәр объектта ачыклагыз).
4. 65 яшьтән узган барлык затларга да COVID-19 инфекциясенә каршы вакцинация ясатуны раслаучы гамәлдәге QR-кодларны яки соңгы алты ай эчендә авырганлык турында белешмәләрне күрсәтү кирәк.
Мәгълүмат Татарстан Республикасының оператив штабыннан яңа коронавирус инфекциясен кертү һәм таратуны кисәтү буенча өстәмәләр кергән саен яңартылып торачак
2021 елның 1-14 ноябрь көннәрендә IX Санкт-Петербург халыкара мәдәни форум кысаларында Халыкара һөнәрчелек конгрессы уздырыла.
Конгресста катнашучыларга онлайн мәйданчыкта Россия Федерациясе субъектларында халык сәнгате һөнәрләре үсешенең иң яхшы үрнәкләрен күрсәтү мөмкинлеге бирелә
Конгресс мәйданчыгында шулай ук Төньяк-Көнбатыш, Төньяк-Кавказ, Үзәк һәм Көньяк федераль округлары «Туристик сувенир» Бөтенроссия бәйгесенең округ этабы финалына нәтиҗәләр ясалачак.
Татарстан Республикасының Туристлык буенча дәүләт комитеты Мәскәү шәһәре, Мәскәү өлкәсе һәм Идел буе федераль округы халкы арасында «Бөек Идел юлы» регионара туристлык маршрутын алга җибәрү өчен социаль челтәрләрдә реклама кампанияләре сериясен эшләтеп җибәрде.
Әлеге реклама кампаниясе кулланучыларны visit-tatarstan.com туризм порталына күчерә, анда безнең республика катнашында һәр юнәлеш буенча турлар һәм мәгълүмат күрсәтелгән.
«Бөек Идел юлы» – тарихи сәүдә юлы, аның нигезендә «Бөек ефәк юлы» төньяк юлының бер өлеше булган заманча төбәкара туристлык маршруты ята. Идел буе республикалары һәм өлкәләре буенча «Бөек Идел юлы» бренды белән 20 төбәкара маршрут инде үз кунакларын гаҗәпләндерергә һәм сокландырырга әзер – кирәкле юнәлешне сайларга гына кирәк!