Бүген Мәскәү һәм Санкт-Петербург блогерлары һәм журналистлары өчен Бөек Идел юлы буенча матбугат туры тәмамланды
Алты көн дәвамында тревел-блогерлар һәм журналистлар Татарстан, Марий Эл һәм Чуашия тарихын өйрәнделәр, милли республикаларның мәдәнияте һәм традицияләренә чумдылар, Бөек Идел юлында төрле халыкларның ашларын татып карадылар.
Сәяхәт вакытында кунаклар Мари Эл Республикасы Милли музеенда, Шкетан исемендәге Мари милли драма театрында, Чуаш милли музее һәм Чебоксардагы сыра музеенда булдылар, ә Татарстанда ЮНЕСКОның ике Бөтендөнья мирасы объекты: Казан Кремлен һәм Зөя утрау-шәһәрчеген карадылар.
Матбугат туры ахырында кунаклар «Туган авылым» милли комплексы территориясендә бренд-шеф Илгиз Галиев тарафыннан эшләнгән яңа заманча укуда татар кухнясын сынап карау өчен «Калейдоскоп» ресторан-театрына киттеләр. Татар ханнары һәм патшабикә Сөембикә костюмнарындагы төсле фотосессияләр маршрутның финал ноктасы булды.