Туризм буенча ТР Дәүләт комитетында Иҗтимагый совет утырышы узды
Туризм буенча ТР Дәүләт комитетында Иҗтимагый совет утырышы узды, анда экспертлар тармакка ярдәм итүнең закон чыгару һәм финанс механизмнары, шулай ук төбәктә сәнәгать һәм шифаханә-курорт туризмын үстерү перспективалары турында фикер алыштылар.
Татарстан Республикасы Туризм буенча Дәүләт комитетында Иҗтимагый совет утырышы узды. Чарада совет әгъзалары - тармак ассоциацияләре һәм оешмалары вәкилләре катнашты.
Татарстан Республикасы шифаханәләрендә шифаханә-курорт ялын комплекслы үстерү турында “Татарстан шифаханәләре” Республика шифаханә-курорт учреждениеләре ассоциациясе президенты Евгений Терентьев сөйләде. Яңа башлангычлар турында Татарстан Республикасы Яшьләр хөкүмәте рәисенең беренче урынбасары Андрей Шишов телгә алды.
Утырыш барышында авыл туризмын үстерүгә ярдәм итүнең яңа законнар һәм финанс чаралары турындагы мәсьәләләр каралды, алар турында “Авыл территорияләрендә туризмны үстерү агентлыгы” КАО директоры Венера Адамович сөйләде.
Шулай ук доклад белән рәиснең беренче урынбасары - “Татарстан Республикасы Сәүдә-сәнәгать палатасы” берлегенең эшмәкәрлекне үстерү һәм яклау департаменты директоры, Татарстан Республикасының Ауропа мәгълүмат консультация үзәге җитәкчесе Артур Николаев чыгыш ясады. Чыгышның темасы - республикада сәнәгать туризмын оештыру һәм аны үстерү перспективалары, шулай ук билгеләнгән мәсьәлә буенча стратегик инициативалар агентлыгы белән үзара хезмәттәшлек.
Белешмә.
Туризм буенча ТР Дәүләт комитеты каршындагы Иҗтимагый совет 2014 елдан бирле эшли. Совет Татарстан Республикасында туризм өлкәсендә дәүләт сәясәтен формалаштыруга һәм гамәлгә ашыруга бәйле мәсьәләләрне карауны гамәлгә ашыручы киңәшмә органы булып тора.