ЯҢАЛЫКЛАР
Болгар музей-тыюлыгы территориясендә 22 һәм 23 июль көннәрендә «Ага-Базар» II халыкара этномәдәни фестивале узачак. Фестиваль 22 июльдә 14:00 сәгатьтә фестивальнең үзәк сәхнәсендә ачыла.
«Ага базар» үз мәйданчыгында халык мәдәниятен популярлаштыручы иҗат коллективларын, соло башкаручыларын һәм уен коралларында уйнаучыларны берләштерәчәк. Биредә үзенчәлекле кул эшләре, Республика һәм Россия төбәкләрендәге осталарның декоратив-гамәли сәнгать эшләнмәләре тәкъдим ителәчәк. Теләге булган һәркем музыка, кием, милли ризыклар юнәлешендәге этник мәдәниятне үстерү тарихы турында бәян итүче интерактив программаларда һәм белем бирү семинарларында катнаша алачак.
22-23 июль көннәрендә Татарстан Республикасы Спас районының Болгар шәһәрендәге Болгар музей-тыюлыгында «Ага-базар» этномәдәни фестивале узачак.
Яңа этномәдәни фестиваль халык һөнәрчелеге һәм сәнгате осталарын, артистларын һәм бәяләүчеләрен бер тарихи җирлеккә берләштерә.
Ага-базар - үзенчәлекле тарихи базар булып санала, ул мең ел элек Идел буе Болгары пристаньларында барлыкка килгән. Биредә сәүдәгәрләрнең кибетләре төрле искитмәле товарлардан сыгылып торган, ачык төсле тукымалар һәм бизәнү әйберләре күзләрне камаштырган. Сәүдә бик кызу барган, читтән килгән артистлар тамаша күрсәткән, халык аны читләп узмаган... «Ага-базар» фестивален оештыручылар нәкъ менә шул мөхитне торгызырга тырыша. Һөнәрчелек рәтләрендә кунаклар һәм туристлар борынгы бизәнү әйберләре реконструкциясен күрә, варганда уйнарга өйрәнә алачак һ.б.
Фестивальнең программасы түбәндәгеләрне үз эченә ала:
урта гасырлар мөхитен тоярга мөмкинлек бирүче тематик мәйданчыклар;
интерактив программалар, мастер-класслар;
урта гасыр стиленә салынган «Ага Базар» Болгар базары;
фолк-фьюжн юнәлешендәге коллективлар чыгышы.
Урта гасыр стиленә салынган «Көнчыгыш базар» Болгар базары фестивальнең үзәк мәйданчыгы булачак, анда үзенчәлекле кул эшләреннән торган сәүдә рәтләре тәкъдим ителәчәк, шулай ук тематик мәйданчыклар, декоратив-гамәли сәнгать белән иҗади рәвештә шөгыльләргә мөмкинлек бирүче һөнәрчелек остаханәләре дә оештырылачак.
Сергей Иванов 16-17 июль көннәрендә «Териберка» VII Арктика фестивале кысаларында узган «Териберка» Арктика форумында катнашты. Фестиваль, Россия Федерациясе Хөкүмәте рәисе М. В. Мишустин тарафыннан расланып, беренче тапкыр 2021-2023 елларда Арктика советындагы Россия Федерациясе рәислеге чаралары планының мәдәни программасына кертелде.
Эш программасы кысаларында, Сергей Иванов «Экология туризмы – төбәкнең тотрыклы үсеш нигезе» сессиясендә чыгыш ясады. Сессиядә Мурманск өлкәсе губернаторы Андрей Чибис катнашты.
Федераль туризм агентлыгы, АРХИWOOD илкүләм премиясе кысаларында, махсус номинация кертелү турында игълан итә, иң яхшы архитектура корылмалары һәм агач кулланып ясалган дизайн проектлары аның җиңүчеләре булып саналачак
14-17 июль көннәрендә Татарстан Республикасы Президенты Р.Н.Миңнеханов ярдәме белән оештырылган Борис Березовскийның «Алабугада җәйге кичләр» дип аталган IV Халыкара музыка фестивале узачак. Проектны Татарстан Республикасының Мәдәният министрлыгы, Алабуга муниципаль районы һәм Алабуга дәүләт музей-тыюлыгы оештыра. Фестивальнең сәнгать җитәкчесе – Россия Федерациясенең атказанган артисты Борис Березовский.
Сергей Иванов ММЧ вәкилләре һәм Томск өлкәсеннән булган блогерлар белән очрашты. Очрашу 10-13 июль көннәрендә Татарстан Республикасына оештырылган пресс-тур кысаларында узды.
Томск блогерлары һәм журналистлары Томск-Казан туры авиарейслары яңартылганнан соң Татарстан Республикасына килде. Сәфәр барышында журналистлар һәм блогерлар Татарстанның үзләре булып өлгергән Казан Кремле, Иске Татар бистәсе, Бөек Болгар, Зөя утрау-шәһәрчеге кебек истәлекле урыннары турында сөйләде.
Бу җавап визиты булып исәпләнә, Томскта 3-6 июль көннәрендә Казаннан тугыз журналист һәм блогер өчен матбугат туры узган иде.
Татарстан Республикасының Туристлык буенча дәүләт комитеты, Томск өлкәсе администрациясе һәм Nordwind авиакомпаниясе турларны оештыручы булып тора.
Бүген Татарстан Республикасы Туристлык буенча дәүләт комитеты рәисе Сергей Иванов Саха (Якутия) Республикасының эшкуарлык, сәүдә һәм туризм министры Тимур Юрьевич Ханды белән очрашты. ТР Туристлык буенча дәүләт комитетында үткән очрашуда Туристлык буенча дәүләт комитеты рәисе урынбасары Айгөл Балахонцева, «Туризмны үстерү һәм территориаль маркетинг агентлыгы» дәүләт автономияле учреждениесенең генераль директоры Дмитрий Громов, шулай ук Саха Республикасының Татарстандагы вәкиле Рамил Закиров та катнашты.
Хөрмәтле хаҗилар, Согуд Гарәбстаны Корольлегенә хаҗга бару буенча хезмәт күрсәтүче туристлык операторы турында мәгълүматларның Бердәм федераль туристлык операторлары реестрында булуы турында хәбәр итәбез (Интернет челтәрендә түбәндәге адрес буенча кереп карарга була: https://www.russiatourism.ru/operators/), шулай ук ул Россиянең хаҗ-миссия сайтындагы хаҗ операторлары бүлегендә дә тәкъдим ителгән (Интернет челтәрендә түбәндәге адрес буенча кереп карарга була: https://hajjmission.ru/operators).
Исегезгә төшерәбез, хаҗ кылучыларны хаҗга җибәрү буенча хезмәт күрсәтү өчен алда аталган ике реестрда да туристлык операторы турында мәгълүматның булуы мәҗбүри шарт булып тора.
Хаҗга юллама алган очракта, туристлык агентыннан хезмәт күрсәтүче туристлык операторы турындагы мәгълүматларны ачыкларга киңәш итәбез.
Идел буе физик культура, спорт һәм туризм университеты чыгарылыш курс студентлары өчен чын, якты бәйрәм оештырды – бүген югары уку йортында диплом тапшыру тантанасы узды.
Бүген Казан халыкара аэропортында тантаналы рәвештә «Nordwind» компаниясенең Томск-Казан рейсы ачылды. Татарстан башкаласына Томск шәһәреннән 100 кеше килде.
Рейсны каршы алуда Татарстан Республикасының Туристлык буенча дәүләт комитеты рәисе урынбасары Айгөл Балахонцева, Татарстан Республикасы транспорт һәм юл хуҗалыгы министры урынбасары Айрат Садыйков катнашты. «Nordwind» авиакомпаниясен әлеге авиакомпаниянең генераль директоры урынбасары – коммерция директоры Антон Маттис һәм Казан халыкара аэропортының генераль директоры Сергей Романцов катнашты.