ЯҢАЛЫКЛАР

2021 елның 29 апрелендә Россия Хөкүмәтенең Координация үзәгендә Россия Федерациясе Хөкүмәте Рәисе урынбасары Дмитрий Чернышенко «Туризм һәм кунакчыллык индустриясе» дигән яңа илкүләм проектны тәкъдим иткән. Шулай ук Туризм буенча федераль агентлык җитәкчесе Зарина Догузова һәм «Корпорация Туризм.РФ» АҖ генераль директоры Сергей Суханов та чыгыш ясаган.

Дмитрий Чернышенко билгеләп үткәнчә, илкүләм проект өч федераль проекттан тора: «Туристлык инфраструктурасын үстерү», «Туристлык хезмәтләре күрсәтүдән файдалана алу мөмкинлеген арттыру», «Туризм өлкәсендә идарә итүне камилләштерү». Документ илнең туризм тармагын комплекслы үстерүгә юнәлдерелгән.  

Ростуризм җитәкчесе Зарина Догузова туризмда кэшбек программасының гамәлдә булу вакытын арттыру тәртибе турында аңлатма белән чыгыш ясаган: «Бүген Хөкүмәт туризм кешбэгы өчен 4,7 млрд.сум күләмендә өстәмә акча бүлеп бирү турында карар кабул итте. Бу безгә программаның агымдагы этабын дәвам иттерү мөмкинлеген бирәчәк, туристлар 30 июньгә кадәр илнең теләсә кайсы төбәгенә бара алачак. 15 июньгә кадәр, ягъни әле тагын ай ярым вакыт эчендә сатып алырга мөмкин.

Бүген «Шаляпин палас Отель»дә Татарстан туроператорлары өчен уңайлы Ecolines автобусларында «Санкт-Петербург – Түбән Новгород – Казан» экспресс-маршруты презентацияләнде.

«Уңайлы автобус белән» экспресс маршруты Казан белән Түбән Новгородтан атна саен сишәмбе, пәнҗешәмбе һәм якшәмбе көннәрендә кузгалып китәчәк. Санкт-Петербургтан сишәмбе, җомга һәм якшәмбе көннәрендә кире кайтачак.

Ecolines аңлатуынча, компаниянең барлык автобуслары да Россия эчендәге рейсларда креслолар арасындагы араны арттырган анатомик утыргычлар, персональ мультимедиа җайланмалары, су һәм бушлай кайнар эчемлекләре булган кофе-аппарат, һәр утыргыч астында 220В розеткалар, кондиционер һәм биобәдрәф белән җиһазландырылган. Рейслар вакытында пассажирларга уңайлы булсын өчен автобуслар бортында стюардесса эшләячәк.

Әлеге продукт кирәкле шәһәргә җайлы гына барып, кунакханә белән туклану мәсьәләләрендә борчылмаска мөмкинлек бирәчәк.

«Уңайлы автобус белән Казан – Санкт-Петербург» туры 15 696 сумга төшәчәк, аның бәясенә автобус билеты, кунакханәдә яшәү, иртәнге аш хакы керә. «Казан – Санкт-Петербург» маршруты буенча бару бәясе  – бер юнәлештәге сәфәр өчен 2 600 сум. Йөртә башлау чоры 1 июньгә билгеләнгән.

Татарстанда TikTok форматында республикага видео аша чакыру конкурсы узачак. 1-11 сыйныф укучылары татар, инглиз һәм рус телләрендә роликлар яздыра, анда үз авылы, районы, шәһәре яки тулаем Татарстанга куннакка чакыру турында сөйләячәк.

Һәр яшь төркемендә җиңүчеләр Алабуга дәүләт тарих-архитектура музей-тыюлыгына бушлай экскурсиягә һәм «Алабуга» полилингваль мәктәбенә барачак.

30 апрельдән роликларны atv2014@inbox.ru адресына җибәрергә кирәк, дип хәбәр итә «ТР Туристлык волонтерлары ассамблеясы» АКО генераль директоры Юлия Бәширова.

Конкурс нәтиҗәләре буенча барлык роликлар да бер видеога тоташтырылачак, аларны «Алабуга» полилингваль комплексында күзәтү экскурсиясе көнендә күрсәтәчәкләр, шулай ук TikTok аша конкурс партнерлары һәм Татарстан Мәгариф һәм фән министрлыгы сайтларында урнаштырылачак.

Конкурс өчен беренче видеоны Татарстанның ике кызы Регина Минһаҗева һәм Дарина Кәримова әзерләгән инде.

26 апрельдә Дәүләт комитетында Татарстан Республикасы һәм Архангельск өлкәсенең туристлык потенциалын онлайн-тәкъдир итү чарасы булды, анда ике төбәк тур операторлары хезмәттәшләренә үзләренең туризм продуктларын күрсәтте.

Онлайн-очрашу Татарстан Республикасының Туристлык буенча дәүләт комитеты һәм Архангельск өлкәсе Мәдәният министрлыгы белән Сәүдә-икътисад, фән-техника һәм социаль-мәдәни хезмәттәшлек турындагы килешүне гамәлгә ашыру кысаларында узды

Кече бизнесның икътисадый исәбен алу 5 елга бер тапкыр уздырыла һәм анда катнашу мәҗбүри булып тора.

Кече һәм микропредприятиеләргә, шулай ук шәхси эшкуарларга 2021 елның 30 апреленә кадәр Дәүләт хезмәтләре күрсәтүнең бердәм порталында электрон рәвештәге анкетаны тутырырга кирәк.

Моннан тыш, Административ хокук бозулар турында Россия Федерациясе кодексы 30.12.2001 ел, № 195-ФЗ Федераль законның 13.19 статьясы нигезендә, әлеге статистика хисаплылыгын тапшырмау вазыйфаи затларга – ун мең сумнан алып егерме мең сумга кадәр; юридик затларга егерме мең сумнан алып җитмеш мең сумга кадәр административ штраф салуга китерә.

26 апрельдә Татарстан Республикасында экотуризмны һәм ял итү объектларын үстерү буенча «Глэмпинг бизнес» белем бирү акселерациясе программасы башлана. Программа эшкуарларга табигый территорияләрдә туризм, глэмпинглар белән идарә итү өлкәсендә кирәкле күнекмәләр алырга ярдәм итәчәк.

Программа рәсми ачылу өлешеннән, 100 катнашучы өчен онлайн-уку, 10 командага исәпләнгән акселерация программасының трекинг-тәэмин ителешеннән торачак. Программаны ачу һәм белем бирү модуленең беренче көне Пушкин урамы, 86 адресы буенча Татарстан Республикасы Милли китапханәсендә узачак. Чара 9:00 сәгатьтә башлана

Җәйге туризм сезоны һәм Казаннан турыдан-туры рейсны яңартып җибәрер алдыннан Дәүләт комитеты Татарстан туроператорларының Россиянең Алтын боҗра шәһәрләренең берсе – Костромага реклама-мәгълүмат турын оештырды.

Туроператорлар хезмәттәшләре белән тәҗрибә уртаклашты, шәһәр һәм өлкә объектларын карады, нәфис язу буенча Лавров фабрикасында булдылар, Нерехт рожечниклар хорын тыңлады, Сыр музеенда сыр татып карады, мәрсин балыкларын чыгару серләрен белде, Сумароков пошилары фермасында Сумароков пошиларын ашатты һәм, әлбәттә инде, Кострома ватаны булган Кар кызы теремәсендә булдылар.

Россия Федерациясе Президенты «Экскурсиячеләр (гидлар), гид-тәрҗемәчеләр һәм үткәреп йөрүче инструктор эшчәнлеген хокукый җайга салуны камилләштерү максатларында Россия Федерациясенең аерым закон актларына үзгәрешләр кертү турында»гы Федераль законны имзалаган.

Ростуризм позициясе нигезендә, әлеге законны кабул итү экскурсия хезмәтләре күрсәтү өчен үтә күренмәле һәм контрольдә тотыла торган базар булдыру, туризм һәм ял өчен уңайлы һәм имин булган ил буларак Россия Федерациясенең уңай имиджын формалаштыруга ярдәм итәчәк.

Туристларга һәм (яки) башка заказчыларга туристлык продукты өчен түләнгән акча суммаларын кире кайтару өчен туроператорның шәхси җаваплылык фонды (алга таба – фонд) акчаларыннан файдалану турында хәбәрне тур операторына кайсы срокта җибәрергә кирәк?

Туристларга һәм (яки) башка заказчыларга туристлык продукты өчен түләнгән акчаларны туроператорның шәхси җаваплылык фонды акчаларыннан кире кайтару кагыйдәләренең 2 пункты нигезендә (Россия Федерациясе Хөкүмәтенең 2020 елның 8 апрелендәге 461 номерлы карары белән расланган) (алга таба – Кагыйдәләр) хәбәр Россия Федерациясе Хөкүмәте тарафыннан тиешле карар кабул ителгәннән соң 1 ай эчендә җибәрелә (Россия Федерациясе Хөкүмәтенең 2021 елның 15 апрелендәге 977-р номерлы күрсәтмәсе).