ЯҢАЛЫКЛАР

Оператив элемтә һәм туристларның хокукларын яклау өчен, Ростуризм контрольтуризм.рф махсус сайтында гражданнар өчен мөрәҗәгать итү формасын эшләтеп җибәрә.

Бәяләрне белә торып арттыру һәм базарда катнашучылар тарафыннан намуссыз эш кылу фактлары буенча туристларга шикаятьләрне бирүе тиз дә, уңайлы да булачак. Ростуризм, Россиянең Монополиягә каршы федераль хезмәте һәм Роспотребнадзор белән берлектә, мондый фактларны оператив рәвештә чикләячәк.

Моннан берничә ел элек Хироко Ода Россиягә турист сыйфатында килгән булган, ул Транссебер магистрале буйлап поездда сәяхәт иткән, мәһабәт табигатьне, шәһәрләрнең үзенчәлекле архитектурасын күзәткән, кешеләр белән танышкан, җирле кухняда сыйланган. Сәяхәт шулкадәр нык тәэсирләндергән ки, өенә кайткач ул үзенең тәэсирләре белән уртаклашырга булган һәм манга (япон комикслары) туган, анда ул рәсемнәрдә һәм кыска шәрехләрдә үзенең Россия буенча сәяхәте турында сөйләгән. Шуннан бирле Бута-Чан курчагы Россия шәһәрләре буйлап сәяхәт итә икән һәм тиздән ул, Татарстан Республикасы Туристлык буенча дәүләт комитеты чакыруы буенча, Казанга да киләчәк.

Бу кичтә музей залларында экспонатлар «җанланып», музыка яңгыраячак!

Билет бәясенә 16.00 сәгатьтән 22.00 сәгатькә кадәр музей-тыюлыкның барлык музейларын, гамәлдәге барлык күргәзмәләрен карау һәм «Зөя музеенда бер төн» программасы керә. Һәр сәгать саен теләге булган һәркем өчен экспозицияләр һәм күргәзмәләр буенча экскурсияләр үткәреләчәк!

Билетлар ostrovgrad.org сайтында онлайн-сатуда

Президент йөкләмәсе буенча кабул ителгән балалар лагерьларына юлламаларның бер өлешен кире кайтару программасы 25 майда башлана һәм 15 сентябрьгә кадәр гамәлдә булачак. Мондый формат Хөкүмәт Рәисе Михаил Мишустин карарында расланган кагыйдәләрдә беркетелгән.

Программа шартлары буенча балалар лагерьларына түләүле юлламалар бәясенең 50%ы кайтарылырга тиеш. 20 мең сумга кадәр кайтарырга мөмкин булачак. Юлламага тотылган акчаның бер өлеше автомат рәвештә «Мир» картасына биш эш көне дәвамында күчереләчәк.

19 майда Казан дәүләт мәдәният институтында Татарстан Республикасы Туристлык буенча дәүләт комитеты, Казан дәүләт мәдәният институты һәм Татарстан Республикасы Туризм волонтерлары ассамблеясе арасында хезмәттәшлек турында өч яклы килешүне имзалау тантанасы булды.

Имзаланган килешү нигезендә хәзерге вакытта гамәлгә ашырыла торган бар нәрсә фактик ныгытыла. Казан дәүләт мәдәният институты студентлары волонтерлык хәрәкәтендә актив катнаша, бу – Бөек Болгар халыкара фестивале, «Киләчәк юнәлешләре» халыкара форумы һәм башкалар кебек эре туризм чараларын оештыру һәм уздыру.

Шулай ук килешүдә «Кунакчыл Казан» кебек проектта катнашу да беркетелгән, ул ел саен шәһәр урамнарында гамәлгә ашырыла. Проект кысаларында волонтерлар Казанның тарихи үзәгендә эшли һәм Россия, чит ил туристларына шәһәр һәм аның истәлекле урыннары турында тулы мәгълүмат бирә.

2021 елның 17 маенда Казанда «Азия-Тын океан икътисадый хезмәттәшлеге» форумының туризм буенча эш төркеменең 57 нче утырышы булды.

Видеоконференция форматында узган чарада 18 АТЭС икътисады (илләре) һәм кайбер халыкара оешмалардан (ОЭСР, IATA, WTC, PATA) 50дән артык вәкил катнашты.

Туризм буенча федераль агентлык һәм АРХИWOOD  гомумроссия архитектура премиясе «Агачтан иң яхшы шәһәр яны кунакханәсе» категориясендә махсус приз гамәлгә куйган. Гаризалар 2021 елның 13 маеннан 30 июленә кадәр кабул ителә. 2009 елдан 2021 елга кадәр Россиядә төзелгән шәһәр яны кунакханәләре, кемпинглар, глэмпинглар проектлары катнашу өчен чакырыла. Бәяләүнең төп таләбе проектның архитектур һәм экологик өлешенә бәйле булачак.

2021 елның 22 маенда Татарстан Республикасы Лаеш муниципаль районының Никольское авылында ел саен уздырыла торган «Каравон» рус халык бәйрәме узачак. Николай Чудотворецның тәхет бәйрәменә багышланган рус фольклоры бәйрәме күп еллар дәвамында халык мәдәниятенең тарихи традицияләре нигезендә рухи кыйммәтләрне һәм милли үзаңны торгызу өчен уникаль мәйданчык булып тора.

Бәйрәмдә Татарстан Республикасының һәм Россия Федерациясенең 150 артык коллективы катнашачак. Бәйрәмдә катнашучыларны һәм кунакларны «Uen Fest» проекты кысаларында рус халык уеннары көтә, анда бәйрәмнең яшь кунаклары әби-бабаларыбыз уйнаган уеннар, «Кулачная артель» рус хәрби сәнгатенең традицион төрләре, халык кәсепләре буенча мастер-класслар, петрушкаларның театральләштерелгән тамашалары, ялгыз башкаручылар һәм ансамбльләр чыгышлары узачак, ярминкә булачак.

Бәйрәм картасы: https://yandex.ru/maps/?um=constructor%3A87e77d34e90d2849ff5dfb657c7774ddd43476355702ec0c0da8503c0cb825b4&source=constructorLink

ТР Туристлык буенча дәүләт комитеты рәисе Сергей Иванов Nordwind авиакомпаниясенең яңа очыш программасын эшләтеп җибәрүгә багышланган матбугат конференциясендә катнашты. Матбугат конференциясендә шулай ук Nordwind авиакомпаниясе генераль директоры урынбасары Антон Маттис һәм  «Казан» аэропортының стратегик үсеш директоры Андрей Лопатин катнашты.

Nordwind авиакомпаниясе Казанны турыдан-туры авиарейслар белән Россиянең һәм чит илләрнең 12 шәһәренә тоташтыра.  Бу – Мәскәү, Санкт-Петербург, Сочи, Симферополь, Мурманск, Минеральные Воды, Калининград, Яңа Уренгой, Ереван, Бишкек, Баку, Душанбе һәм Хунджанд.

Шулай ук Татарстан халкы Nordwind авиакомпаниясенең Россия төбәкләренә турыдан-туры авиарейсларыннан да файдалана ала. Әйтик, ул Сочи белән Кырымда комлык ялы да булырга мөмкин.

Теләге булган һәркемне «Ял көннәрендә 1001 ләззәт» программасы буенча Алексеевск районына чакырабыз.

Алексеевск районы үзенең гадәттән тыш урыннары белән данлыклы. Бүген җимерек Биләрнең телсез ташлары ел саен меңләгән кешене җәлеп итә. Борынгы Биләр хәрабәләре буйлап сәяхәт иткәндә, хәтта Идел Болгары башкаласы белән бөтенләй таныш булмаган гади турист та, ирексездән, шәрыкъ каласының аерым бер атмосферасына килеп эләгә һәм балачактан ук яхшы таныш булган гүзәл Шаһрезадә әкиятләрен күз алдына китерә.

Бүгенге Биляр – уникаль тарихи һәм архитектура һәйкәле, археологлар тарафыннан аңа карата зур кызыксыну бар.

Барлык балаларга да Биләрнең изге чишмәсеннән ерак булмаган «Биләр страуслары» экофермасы ошаячак. Фермада Сез Австралия һәм Африка токымлы страуслар, тавислар, кыргавыллар, кошлар һәм куяннар белән дуслашырсыз.

Саф һава, хайваннар дөньясы белән аралашу, хайваннарны ашату мөмкинлеге һәм фотога төшү онытылмаслык тәэсирләр калдырачак!