ЯҢАЛЫКЛАР
Татарстан Республикасының туристлык буенча дәүләт комитеты «Татарстан Республикасының туристлык волонтерлары ассамблеясы» коммерцияле булмаган автоном оешмасы белән берлектә 15 июньнән 31 августка кадәр дәвам иткән «Кунакчыл Казан» проектын тәмамлады.
Проект кысаларында югары уку йортларының туристлык факультетлары студент-волонтерлары (180 кеше) туристларга һәм шәһәр халкына Казан шәһәренең һәм Татарстан Республикасының төп туристлык үзәкләре турында хәбәр итәләр, шәһәрдә туристларга юл табырга булышалар, шулай ук 5 телдә чыгарылган Казан шәһәре, Бөек Болгар шәһәре, Зөя утрау-шәһәре, Алабуга, Чистай һәм Тәтеш туристлык карталарын тәкъдим итәләр. Барлык волонтерлар да теоретик һәм практик белем алдылар.
Проектны уздыру вакытында Рәсәй Федерациясе шәһәрләреннән генә түгел, Испания, Италия, АКШ, Бельгия, Финляндия, Алжир, Германия, Дания, Ирак, Иран, Латвия, Румыния, Украина, Әрмәнстан, Бөекбритания шәһәрләреннән дә 27 меңнән артык турист мөрәҗәгать иткән.
2019 елның 24-25 октябрендә Казанда "Уңыш факторлары: территориаль тәңгәллек һәм digital - технологияләр" темасына «Киләчәк ориентирлары» V Халыкара туристик форумы узачак. Форум һәр 2 ел саен үткәрелә һәм үз мәйданында төп мәсьәләләр буенча туристлык өлкәсендә дөнья һәм Рәсәй экспертларын җыя. 2017 елда чарага Рәсәй Федерациясенең 35 регионыннан 1200 катнашучы һәм 7 чит илдән 26 спикер җыелды. Форум Туристлык буенча федераль агентлык, «Яңа проектларны алга этәрү буенча стратегик инициативалар агентлыгы» АКБО һәм Татарстан Республикасы Хөкүмәте ярдәме белән үткәрелә. Катнашучыларны теркәү Форумның https://kazantourforum.com рәсми порталында 10 октябрьгә кадәр ачык.
Татарстан Республикасының туристлык буенча дәүләт комитеты туристик тематикага багышланган республика бәйгеләрендә катнашуга гаризалар кабул итү турында исегезгә төшерә
3 сентябрьдә Хельсинки шәһәрендә Рәсәй Федерациясе Илчелеге һәм Сәүдә вәкиллеге, Татарстан Республикасының Финляндиядәге Сәүдә-икътисадый вәкиллеге ярдәмендә Татарстан Республикасының туристлык буенча дәүләт комитеты презентация үткәрде һәм танылган фин-рәсәй актеры һәм продюсеры Вилле Хаапасало төшергән Татарстан Республикасы турында фильмның чыгуына анонс ясады. Хаапасало әфәнде сәламләү сүзе белән чыгыш ясады һәм үзенең сәяхәте турында сөйләде. Актер сүзләренә караганда, төшерү төркеменең Татарстанда иң кызыклы урыннарны карап, барысын да пленкага төшерү өчен ике атна вакыт киткән. Вилле сөйләгәнчә, төбәктә аны, барыннан да элек, төрле дин, милләт һәм телләрнең иңгә-иң торып, күп мәдәниятле һәм тату яшәве кызыксындырды. Исегезгә төшерәбез, фильм 2019 елның 23 июне – 03 июлендә төшерелде. Тапшырулар циклы «Kalastus TV» яңа фин медиа-платформасында карап булган 10 сериядән тора. Шулай ук Туристлык буенча дәүләт комитеты «Вилле Хаапасало эзләре буенча» дип аталган яңа маҗаралы маршрутны тәкъдим итте, ул Татарстанда төшергән вакытта Вилле булган барлык төбәк үзәкләрен үз эченә ала. Ул - Казан, Зөя утрау-шәһәре, Кама Тамагы, Тәтеш, Бөек Болгар, Чистай, Яр Чаллыда «КАМАЗ» заводы, Алабуга һәм Лаеш. Презентация кунакларына маршрут тасвирланган һәм Финляндиядән килгән туристларга урын турында күбрәк белү өчен нәрсәне һичшиксез күрергә, җирле ризыклардан кайсысын авыз итәргә һәм кем белән аралашырга кирәклеген аңлатучы киңәшләрне үзенә җыйган карталар тарадылды. Чарага 50гә якын кеше килде: Илчелек, РФ Сәүдә вәкиллеге һәм Россотрудничество вәкилләре, үз хезмәткәрләрен Татарстанга ял итәргә җибәрүче туроператорлар, җирле компанияләр һәм корпорацияләр вәкилләре, «Финляндия – Рәсәй» җәмгыяте вәкилләре һәм башка кызыксынган партнерлар.
2020 елның 21-24 сентябрендә Казанда – Татарстан Республикасы башкаласында Интеллектуаль транспорт системалары буенча беренче Үзәк-Көнчыгыш конгрессы узачак, аны уздыру хокукын республика гариза бирү кампаниясе нәтиҗәләре буенча отты.
Конгрессны оештыручы – ERTICO ITS Europe ассоциациясе. Конгрессның оештыручылары – Рәсәй Федерациясе һәм Татарстан Республикасы министрлыклары һәм ведомстволары.
Бу ERTICO ассоциациясе тарихында Рәсәйдә, БДБ илләрендә, Урта Көнчыгышта, Ауропа һәм Азия илләрендә ИТС үсешенә юнәлдерелгән яңа һәм масштаблы чара. Мондый дәрәҗәдәге һәм мондый әһәмияткә ия тармак вакыйгасы беренче тапкыр Рәсәй Федерациясе территориясендә узачак.
31 августта Казанның «Туган авылым» милли комплексында иң зур «Талкыш калевен» пешерделәр. Аның күләме бер метр биеклектә, һәм диаметры 45 сантиметр тәшкил иткән. Аны берничә йөз кеше татып карый алды.
Милли десертны пешерү карарына килү очраклы хәл түгел. Ел саен комплексның туган көненә аның пешекчеләре Казан халкын милли ризыкларның рекордлы күләмдә булуы белән шаккатырырга тырышалар. Әйтик, узган ел алар зур пәрәмәч әзерләгәннәр иде.
2019 елның 16 сентябренә кадәр Бөек Болгар һәм Зөя утрау-шәһәре турында рәсемнәр һәм шигырьләр конкурсына эшләр тапшырырга мөмкин. Бәйге апрель аенда старт алды. Хәзерге вакытта 100 дән артык эш керде һәм эшләр дәвам итә.
2019 елның 8 сентябрендә Свияжск утрау-шәһәре Барлык яратучыларны тәмле ашарга чакыра һәм шуның белән бергә вакытны, яраткан бәйрәмнәребезнең берсенә – «Зөя ухасы»гастрономия фестивален күңелле итеп үткәрергә чакыра. Фестивальнең барлык кунакларын Зөя ушасы көтә, аны сезгә бушлай бирәчәкләр!
Татарстан Республикасының Туристлык буенча дәүләт комитетының туристик индустриясен үстерү бүлегенең әйдәп баручы киңәшчесе Татарстан Республикасының дәүләт граждан хезмәте вакантлы вазифасын биләүгә бәйге игълан ителде.
Бәйгедә катнашу өчен документлар 2019 елның 21 августыннан 10 сентябренә кадәр Татарстан Республикасының Туристлык буенча дәүләт комитетының эш көннәрендә кабул ителә (9.00 дән 18.00 гә кадәр).
Бәйгене үткәрү тәртибе турында өстәмә мәгълүмат алу өчен дәүләт комитетының кадрлар һәм юридик эшләр бүлегенә телефоннар аша мөрәҗәгать итәргә мөмкин: (843) 222-90-29. Булачак бәйге турында тулырак мәгълүмат Дәүләт комитетының рәсми сайтында урнаштырылган http://tourism.tatarstan.ru/rus/vakantnie-dolzhnosti-vklyuchenie-v-kadroviy-rezerv.htm
Татарстан Республикасы Дәүләт Советы рәисе Сергей Иванов республиканың төп туристик үзәкләре турында, шулай ук Татарстан Республикасының Туристлык буенча дәүләт комитеты тарафыннан һөнәри осталык буенча дөнья чемпионаты чорына экскурсия хезмәте әзерләнүе турында сөйләде, ул Казан шәһәренең «Туристик-мәгълүмат үзәге» рәсми лицензиаты тарафыннан үткәрелә.
Экскурсия 149 экскурсияче тарафыннан күрсәтелә һәм рус, татар, инглиз, алман, испан, француз, кытай, итальян, фарси телләрендә үткәрелә ала.
Шәһәр халкы һәм кунаклары өчен төрле программалар тәкъдим ителә, аларны «Казан Экспо» халыкара күргәзмә үзәгендә, Халыкара мәгълүмат үзәгендә (Универсиада авылы, 35-нче йорт), «Туристик-мәгълүмат үзәгендә» (Мәскәү ур., 31-нче йорт, Бауман, 49-нчы йорт) сатып алырга мөмкин.
Кунакларны мәгълүмат белән тәэмин итү өчен 6 телдә бушлай карта булдырылган.
Шулай ук өстәмә мәгълүмат пунктлары Казанның 3-5 йолдызлы 30 кунакханәсендә тәкъдим ителгән.
Кунакханәләрдә 5 телдә (рус, инглиз, француз, алман, испан) түләүсез мәгълүмати полиграфик продукция алырга мөмкин булачак, шул исәптән Казан шәһәре, Бөек Болгар һәм Зөя утрау-шәһәренең туристик карталарын, Татарстан Республикасында уза торган чаралар афишаларын. Карталарның гомуми тиражы 154 мең данә тәшкил иткән.
Кунакханәләрдә һәм отельләрдә яшәү куркынычсызлыгы өчен металл детектор кысалары куелды.
Быел Татарстанда туристлар өчен Tatarstan Tourist Pass мобиль кушымтасы барлыкка килде, ул рус һәм инглиз телләрендә бар. Аның ярдәме белән биналарда ташламалар алырга, туристик маршрут төзергә һәм сатып алу өчен түләргә мөмкин. Кушымтада Казанның 20 музее һәм бинасы тәкъдим ителгән, якын арада проектка ТР башкаласының тагын 30 объекты кушылачак. Моннан тыш, кушымтаны Болгар, Алабуга, Зөя, Чистай һәм Кама Тамагында кулланырга мөмкин булачак.