Дәүләт комитетында Иҗтимагый совет утырышы булды
15 февральдә Татарстан Республикасы туризм буенча Дәүләт комитетының Иҗтимагый Советы утырышы булып узды. Киңәшмәне советның Рәисе - Татарстан Республикасы Иҗтимагый палатасы рәисе урынбасары Пономарев Кирилл уздырды. Утырышта шулай ук Татарстан Республикасы туризм буенча Дәүләт комитеты Рәисе урынбасары Сәетова Лиана, ТР Иҗтимагый палатасы әгъзалары Мустаев Артур, Морозов Кузьма, шулай ук Артеменко Оксана, Николаев Артур, Мифтахов Рамил, Секретова Надежда, ТР сувенирлар өлкәсе вәкиле Рачук Александр һәм башкалар катнашты. Иҗтимагый утырышта ТР туризм буенча Дәүләт комитеты коллегиясе йомгаклары, гыйнвар каникулларында туристлар агымының кимү проблемасы, моның сәбәпләре, ТРда кече авиацияне үстерү мәсьәләләре каралды. Алдагы утырыш Бөгелмә шәһәрендә күчмә утырыш форматында узачак.