“La Primavera” камера оркестры дирижеры “алышына”

 Бүген, 27 ноябрь көнне сәгать 18.30 да, С. Сәйдәшев исемендәге Зур концертлар залында “La Primavera” камера оркестры концерты булачак.

Мәдәни чарада оркестр белән, гадәттәгечә, Рөстәм Абязов түгел, ә Красноярск камера оркестрына нигез салучы, аның сәнгать җитәкчесе һәм баш дирижеры Михаил Бенюмов дирижерлык итәчәк.

Тамашачылар “Мелькнула палочка, и ввысь…” программасында А.Аренский, И.С.Бах, Н.Мясковский әсәрләрен тыңлый алачак. Рөстәм Абязов исә Феликс Мендельсонның скрипка һәм кыллы оркестр өчен язылган концертын башкарырга ниятли, диелә концертлар залының матбугат хезмәте хәбәрендә.