Татарстан Республикасының 387 экскурсоводы аттестация узды
Бүгенге көнгә Татарстан Республикасында аттестацияне 387 экскурсовод уңышлы узды, шул исәптән инглиз, гарәп, алман, төрек, француз һәм испан телләрен белгән гид-тәрҗемәчеләр дә.
Аттестацияләнгән экскурсоводлар турында белешмәләр Экскурсоводларның бердәм федераль реестрына кертелде (https://knd.gov.ru/licenses-registry).
Аттестация комиссиясенең киләсе утырышлары 12 һәм 26 сентябрьдә узачак. Игътибар итәбез, күрсәтелгән даталарга язылу инде ябык, әмма график буенча башка даталарга язылырга мөмкин (https://tourism.tatarstan.ru/poryadok-provedeniya-attestatsii.htm).
2024 елның 1 декабреннән экскурсоводларны аттестацияләү кысаларында квалификация имтиханының гамәли биреме (телдән өлеш) мәсьәләләренә үзгәрешләр кертеләчәк. Сораулар исемлеге 2024 елның 1 ноябреннән дә соңга калмыйча ТР Туристлык буенча дәүләт комитетының рәсми сайтында «Экскурсоводларны (гидларны) һәм тәрҗемәче гидларны аттестацияләү» бүлегендә бастырылачак (https://tourism.tatarstan.ru/voprosi-i-temi-k-testirovaniyu-i-sobesedovaniyu.htm). Шул ук вакытта тест сораулары үзгәрешсез калачак.
Исегезгә төшерәбез, закон таләпләре нигезендә, 2025 елның 1 мартына кадәр барлык экскурсоводларга дәүләт аттестациясен узарга кирәк.