Татарстанга «Бөтен гаиләң белән сәяхәт ит» конкурсында җиңүчеләр гаиләсе килде
2024 елның 3-7 августында Татарстан Республикасында «Бөтен гаиләң белән сәяхәт ит» конкурсында җиңүчеләрнең уникаль сәяхәте уза. Конкурс 2024 елның 12-16 июнендә ВДНХда «Россия» халыкара форум-күргәзмәсендә «Сәяхәт ит!» Россия туристлык форумы кысаларында уздырыла. Конкурста бөтен Россиядән 600дән артык гаилә катнашып, бары тик җидесе генә җиңүче булды.
Конкурс йомгаклары буенча Татарстанга Мәскәүдән Дмитриевскийлар гаиләсе юлга кузгалды, алар төрле буыннан алты кешедән тора. Бәхетле җиңүчеләр Татарстанга яңа М-12 «Восток» тизйөрешле трассасы буенча килделәр, Мәскәүдән аларның юлы 8 сәгать чамасы вакыт алды. Алар «Заманча транспорт технологияләре» компанияләре төркеме тәкъдим иткән заманча «Соболь NN» микроавтобусында сәяхәт итә. Татарстанда кабул итү Татарстан Республикасы Туристлык буенча дәүләт комитеты ярдәмендә башкарыла.
Кунаклар инде 500 ел элек Иван Грозный тарафыннан Казанны яулап алу өчен дүрт атна эчендә төзелгән Зөя утрау-шәһәрчеге – шәһәр-ныгытма белән таныштылар, шәһәр читендәге «Утрау» комплексында «Туристлык һәм кунакчыллык индустриясе» илкүләм проекты кысаларында төзелгән заманча уңайлы йортларда төн үткәрделәр.
Икенче көнне кунаклар Россиянең өченче һәм гастрономия башкаласы статусын йөртүче Казанда үткәрделәр. Шәһәр үзәгендә – Казан Кремлендә һәм «Туган авылым» милли комплексында булдылар, Иске Татар бистәсе буйлап йөрделәр.
Бүген гаилә Татарстанның иң борынгы шәһәрләренең берсе булган сәүдәгәрләр каласы – Алабугага китте, анда кунаклар шагыйрә Марина Цветаева, пейзаж рәссамы Иван Шишкин, беренче кавалерист-кыз Надежда Дурова, табиб һәм галим Владимир Бехтерев кебек танылган шәхесләрнең тарихы һәм иҗаты белән танышачаклар.
М-12 буенча сәяхәтчеләр өчен бу һәм башка маршрутлар Visit Tatarstan туристлык порталында урнаштырылган: https://visit-tatarstan.com/guides/v-tatarstan-na-avtomobile-po-m-12/.
Белешмә өчен.
«Бөтен гаиләң белән сәяхәт ит!» — Гаилә елына багышланган һәм гаилә кыйммәтләрен, автомобиль һәм эчке туризмны популярлаштыруны максат итеп куйган проект. «Сәяхәт ит!» проекты, Росконгресс фонды һәм «Заманча транспорт технологияләре» компанияләре төркеме тарафыннан РФ Икътисадый үсеш министрлыгы, «Илкүләм өстенлекләр» АКО, «Гаилә елы» илкүләм проекты, «Бу безнең гаиләдә шулай каралган» проекты, шулай ук «Автодор» дәүләт корпорациясе, «Ингосстрах» һәм «Элемент лизинг» компанияләре ярдәмендә оештырылган.