Эшкуарларга ярдәм итүнең яңа программасы буенча 3%лы кредитларга гаризалар кабул ителә башлаган
РФ Хөкүмәте эшкуарларны кредитлау буенча яңа ташламалы программаны (ФОТ 3.0) башлап җибәргән. Ул алга таба да мәшгульлекне саклау һәм бизнесны торгызуга юнәлдерелгән.
Яңа программа буенча юридик затлар һәм шәхси эшкуарлар (ялланган хезмәткәрләре булмаган шәхси эшкуарлардан тыш) заемчы була ала:
- алдагы программа кысаларында элегрәк кредитлар алып торган булсалар (РФ Хөкүмәтенең 2020 елның 16 маендагы 696 номерлы карары нигезендә)
- РФ Хөкүмәтенең 2020 елның 23 июнендәге 906 номерлы карары нигезендә социаль юнәлешле коммерциясез оешмалар реестрына һәм (яки) РФ Хөкүмәтенең 2020 елның 11 июнендәге 847 номерлы карары нигезендә яңа коронавирус йогышы таралган шартларда иң зур күләмдә зыян күргән коммерциясез оешмалар реестрына кертелгән булса яки 2021 елның 1 гыйнварына карала торган карарның 3 нче кушымтасында саналган, Россия икътисадының иң аз торгызылган тармакларында эшчәнлек башкара торган булса (шул исәптән – җәмәгать туклануы, мәдәният, спорт, күңел ачулар, чаралар оештыру һәм туризм өлкәсендә дә).