Россия Греция һәм Сингапур белән авиаэлемтәне яңарта

Бүген Дәүләт комитетында Татарстан Республикасы туристлык тармагы вәкилләренә zoom форматында Саха (Якутия) Республикасының туристлык потенциалы турында презентация күрсәтелде. Очрашуда Татарстан Республикасы ягыннан Туристлык буенча дәүләт комитеты рәисе урынбасары Айгөл Балахонцева, Татарстан Республикасының Туристлык агентлыклары ассоциациясе президенты Рамил Мифтахов һәм Татарстан Республикасы Сәнәгать һәм сәүдә министрлыгының төбәкара элемтәләрне үстерү бүлеге башлыгы Наталья Никитина катнашты. Саха Республикасыннан Саха Республикасының Эшкуарлык, сәүдә һәм туризм министрлыгының туризм индустриясе бүлеге җитәкчесе Тамара Соловьева, Туризм һәм территориаль маркетинг агентлыгы генераль директоры Наталья Тюкавкина, Саха (Якутия) Республикасы вәкиле  Рамил Закиров һәм башкалар катнашты.

Бүген Татарстан Дәүләт Советында «Татарстан Республикасында экологик, авыл һәм сәнәгать туризмын үстерү» дигән темага түгәрәк өстәл утырышы узды. 2020 елда Татарстанда туристлар агымы 1,9 млн. кеше тәшкил иткән, бу аннан алдагы ел белән чагыштырганда 47% кимрәк. Туристлык агымын кризиска кадәрге күрсәткечләргә кадәр төбәктә эре чаралар блоклары ярдәмендә торгызырга планлаштыралар. Алар хакында бүген ТР Дәүләт Советында узган түгәрәк өстәлдә ТР Туристлык буенча дәүләт комитеты рәисе Сергей Иванов сөйләде. «Туризм өлкәсендә 2020 елда иң зур югалту күзәтелде. 2020 елда Татарстанда туристлар агымы 1,9 млн. кеше тәшкил иткән, бу аннан алдагы ел белән чагыштырганда 47% кимрәк. Узган елда туризм өлкәсенең күләме якынча 19 млрд. сум тәшкил иткән, бу, аннан алдагы ел белән чагыштырганда, 40% ка кимрәк. Без яңа җирекләр һәм мөмкинлекләр күрдек. 2030 елга кадәр Татарстан Республикасын социаль-икътисадый үстерү стратегиясендә һәм 2021 елга кадәр һәм 2030 елга кадәрге план чорына туризмны үстерү стратегиясендә чагылдырылган туризм өлкәсен үстерүнең өстенлекле юнәлешләре буенча эшләр дәвам итте», — диде ул.

16-20 март көннәрендә «Татарстан Республикасы Туристлык волонтерлары ассамблеясе» коммерциясез автоном оешмасы, Туристлык буенча дәүләт комитеты белән берлектә, Татарстанның югары уку йортларында туристлык, сервис һәм кунакханә эше факультетларында белем алучы студентлар өчен профильле-белем бирү сменасын уздыра. Татарстан Республикасының туризм һәм кунакчыллык өлкәсендәге иң яхшы экспертлары үзләренең лекцияләрен укыячак һәм иҗади дәресләр үткәрәчәк. Смена туристлык индустриясендә профессиональ үсеш алырга ярдәм итәчәк һәм тикшеренү эшләре өчен өстәмә материаллар бирәчәк. Сменада катнашу бушлай. Катнашу өчен 18 яшьтән башлап 24 яшькәчә студентлар чакырыла. Катнашу турындагы гаризаны телефон аша яки 12 мартка кадәр july.bashirova2011@yandex.ru электрон почта адресына язып тапшырырга була.

Республика һәм федераль ММЧ журналистларын коронавирус йогышыннан соң тернәкләндерү программалары башланып киткән шифаханәләр белән таныштырдылар. 25-26 февраль көннәрендә матбугат туры узды. Татарстан шифаханәләре буенча матбугат турын Туристлык буенча дәүләт комитеты ярдәмендә Татарстан Республикасы Шифаханәләр ассоциациясе үткәрде. Иң беренче булып "Радуга" шифаханәсе күрсәтелде, анда журналистлар шифаханәне өйрәнде, номерлар фондын карап чыкты, дәвалау базасын карадылар һәм шифаханәдәге шартлар, бәяләр һәм ял һәм тернәкләндерү программаларының тупланышы турында сораулар бирделәр. Алга таба журналистларга «Жемчужина» һәм «Космос» шифаханәләре күрсәтелде.