Туристлык компанияләре игътибарына!
Казан белән Татарстанның «ябылуы» турындагы хәбәрләр таралуга бәйле рәвештә, Туристлык буенча дәүләт комитеты хәбәр итә:
барлык туристик үзәкләре, музейлар, кафе, рестораннар, кунакханәләр, театрлар һәм күңел ачу үзәкләре килгән кунаклар өчен ачык.
Халыкара чаралар соңрак вакытка күчерелде.
15 нче апрельгә кадәр күп кеше катнашында мәдәни-массакүләм чаралар уздыру өлешендә чикләүләр кертелде.
Барлык җәмәгать урыннарында, җәмәгать туклануы предприятиеләрендә шәхси гигиена чаралары көчәйтелде, килүчеләр һәм персонал өчен кулларны йогышсызландыру һәм индивидуаль гигиена чаралары өстәлде.
Алда – мәктәп каникуллары, май бәйрәмнәре һәм җәйге сезон, һәм без Россия төбәкләреннән бик күп кунаклар көтәбез.
Туристлык тармагындагы барлык предприятиеләр югары дәрәҗәдә кунакчыллык күрсәтәчәк.