Сергей Иванов Иран Ислам Республикасы белән хезмәттәшлек мәсьәләләре турында фикер алышты
Кичә Тегеран шәһәрендә (Иран Ислам Республикасы) Татарстан Республикасының Туристлык буенча дәүләт комитеты рәисе Сергей Иванов Иран Ислам Республикасының мәдәни мирас, туризм һәм һөнәрчелек министры урынбасары Вәли Теймури белән очрашты.
Очрашуда Татарстан Республикасы белән Иран арасындагы хезмәттәшлекне үстерү мәсьәләләре, Тегеран-Казан-Тегеран туры авиарейсындагы йөкләнешне арттыру чаралары турында фикер алыштылар, Татарстанның туристлык потенциалы тәкъдир ителде. Очрашуда шулай ук Иран вәкилләренең TATARSTAN HOSPITALITY EXPO. Horeca by Kazan күргәзмәсендә катнашу мөмкинлеге турында да сүз булды, әлеге чара Казанда 2020 елның 20-22 апрель көннәрендә узачак.
Исегезгә төшерик, 31 гыйнвардан башлап 5 февральгә кадәр Татарстан Республикасының Туристлык буенча дәүләт комитеты рәисе Сергей Иванов Иранда эш визиты белән сәфәр кыла.