15-17 ноябрь көннәрендә Самарада Вакыйгалы туризм өлкәсендә Russian Event Awards-2019 илкүләм премиясенең финал этабы узды. Татарстаннан ике проект конкурста Гран-прига ия булган. Алабугада узган Спас ярминкәсе халык традицияләрен һәм һөнәрчелеген популярлаштыруда иң яхшы туристлык вакыйгасына әверелгән. «Туган авылымдагы тегермән» интерактив мәйданчыгы туристлык вакыйгасының иң яхшы интерактив программасы буларак Гран-при алган. Конкурста Татарстан Республикасыннан барлыгы 13 проект катнашкан булган.