ЯҢАЛЫКЛАР
8-9 декабрьдә Сочида SIFT-2026 Халыкара форумы узачак. Эчке һәм керү туризмы профессионалларын берләштерә торган чараны Краснодар крае администрациясе һәм профиль министрлыклары ярдәмендә “СОУД” күргәзмә компаниясе оештыра.
Татарстанда аз хәрәкәтләнүче гражданнар өчен туристлык объектларының уңайлылыгын эксперт бәяләве башланды. Биш көн дәвамында Рәсәй Икътисадый үсеш министрлыгы белгечләре “Туризм һәм кунакчыллык” илкүләм проекты кысаларында киртәсез мохит булдыру буенча тәкъдимнәр формалаштыру өчен Казан, Зөя һәм Бөек Болгар инфраструктурасын тикшерәчәк.
“Туризм һәм кунакчыллык” милли проекты ярдәмендә Татарстанның Тукай районында М7 трассасында алты яңа уңайлы йорт ачылды. “АвтоДвор-Күзкәй” кунакханә комплексы автотуристлар өчен номерлар фондын киңәйтте.
Туристлык объектларына килүчеләргә ташлама алу өчен кассада кәгазь белешмәләр һәм таныклыклар күрсәтергә кирәкми. MAX милли мессенджеры цифрлы ID системасын эшләтеп җибәрде: хезмәткәргә кунак смартфонындагы кодны сканерлау да җитә, система шунда ук студент, пенсионер яки күп балалы гаилә статусын күрә ала.
Казанның Петербург урамында урнашкан "Сөләйман Палас” кунакханәсе рәсми рәвештә мөселманнар өчен уңайлы урын статусын раслады: кунакханә “Мөслим Френдли” милли системасы буенча сертификация узды.
“Кунакчыллык остаханәсе” АКО һәм кунакчыллык индустриясенең гомуммилли берлеге Россельхозбанк ярдәме белән “Авыл һәм агротуризм осталары” яңа Бөтенрәсәй премиясен гамәлгә куйдылар. Катнашуга гаризаны фермерлар, глэмпинг хуҗалары, экскурсияләр оештыручылар һәм сувенирлар җитештерүчеләр 2026 елның 8 маена кадәр бирә ала.
Быел Татарстанда MAX милли мессенджеры нигезендә кунакханәләргә цифрлы урнашуны кертү планлаштырыла. Республика кунакханәләре кунакларга кәгазь документларсыз - турыдан-туры мобиль кушымта аша урнашу сервисын тәкъдим итү мөмкинлеге алачак.
13 марттан 12 апрельгә кадәр Татарстанда туристлык чараларын оештыручылар дәүләт ярдәменә гариза бирә ала. Финанс ярдәме “Туризм һәм кунакчыллык” милли проекты кысаларында күрсәтелә.
Мәскәүдә MITT туризм һәм кунакчыллык индустриясенең 32 нче халыкара күргәзмәсе уза. Татарстан Республикасы регионның туристик потенциалын Visit Tatarstan берләштерелгән стендында тәкъдим итә, ул музей-тыюлыклардан алып эре туроператорларга кадәр 40ка якын компанияне берләштергән.
Татарстан Республикасы Туризм буенча дәүләт комитеты сезгә Ватан мәнфәгатьләрен яклаганда күрсәткән батырлыклары өчен рәхмәт йөзеннән әлеге категория гражданнар өчен туристлык хезмәтләренә махсус шартлар (ташламалар һәм льготалар) бирү инициативасы белән мөрәҗәгать итә.