ЯҢАЛЫКЛАР

2017 нче елныӊ 12-14 нче декабрь көннәрендә Татарстан Республикасы Туризм буенча дәүләт комитеты Казан (Идел буе) федераль университеты һәм «Татарстан Республикасы экскурсоводлар гильдиясе» белән берлектә Татарстан Республикасы экскурсоводлары өчен укыту-методик семинар үткәрде. Семинар ачылган көнне экскурсоводлар алдында сәламләү сүзе белән комитет рәисе Сергей Иванов чыгыш ясады. Ул, экскурсоводныӊ иң мөһим бурычларыннан берсе – туристныӊ яӊадан килергә теләге булырлык итеп, Татарстан Республикасы турында сөйләү, шулай ук 2018 нче елныӊ әһәмиятле вакыйгалары, аларның берсе, һичшиксез, футбол буенча дөнья чемпионаты турында мәгълүмат бирү кирәклеген билгеләп үтте.

2017 нче елныӊ 12-14 нче декабрь көннәрендә Татарстан Республикасы Туризм буенча дәүләт комитеты Казан (Идел буе) федераль университеты һәм «Татарстан Республикасы экскурсоводлар гильдиясе» белән берлектә Татарстан Республикасы экскурсоводлары өчен укыту-методик семинар үткәрде. Семинар ачылган көнне экскурсоводлар алдында сәламләү сүзе белән комитет рәисе Сергей Иванов чыгыш ясады. Ул, экскурсоводныӊ иң мөһим бурычларыннан берсе – туристныӊ яӊадан килергә теләге булырлык итеп, Татарстан Республикасы турында сөйләү, шулай ук 2018 нче елныӊ әһәмиятле вакыйгалары, аларның берсе, һичшиксез, футбол буенча дөнья чемпионаты турында мәгълүмат бирү кирәклеген билгеләп үтте

Казанда Кремль яр буенда ярминкә Россиядә быелгы кышныӊ иӊ яхшы Яӊа ел һәм Раштуа фестивальләре, бәйрәм һәм ярминкәләре исемлегенә керде. Бу хакта «ТурСтат» хәбәр итә. Рейтинг вакыйгаларныӊ популярлыгына нигезләнеп төзелгән. Кремль яр буе ярминкәсеннән тыш, «Раштуага сәяхәт» дип исемләнгән Мәскәү фестивале, Санкт-Петербургта Раштуа ярминкәсе, Ханты-Мансида «Россиянең Яңа ел мәркәзе» бәйрәме, Түбән Новгородта Горький чыршысы, «Вологдада Раштуа әкияте» проекты, Владимир шәһәрендә «Синеӊ иӊ яхшы Яӊа ел бәйрәмеӊ» дип исемләнгән Раштуа ярминкәсе, Ярославльдә, Костромада һәм Екатеринбургныӊ Боз шәһәрчегендә Яңа ел ярминкәләре дә әлеге исемлектә.

Татарстан Республикасында Яңа ел каникулларына кунаклар көтәләр.

Яңа ел программалары, ярминкәләр старт ала, бәйрәм чыршылары ачыла. Республикада барлыгы 500 дән артык мәдәни-ял чаралары уза. Татарстан, гадәттәгечә, Яңа ел каникулларында туристлык рейтингының лидеры булып тора. Казан янә, бу юлы Яңа елда балалар белән ял итү буенча, иң популяр Россия шәһәрләре өчлегенә керде.

Әлеге рейтинг туристларныӊ 2017 нче елның 28 нче декабреннән 2018 нче елның 9 нчы январенә кадәр чорда tvil.ru онлайн-броньлау сервисы хезмәтенеӊ торак броньлау мәгълүматларына нигезләнеп төзелде. Казан шәһәре торак броньлау күрсәткече буенча Мәскәү һәм Санкт-Петербург шәһәрләреннән генә калыша.

Коррупциягә каршы законнар Нигезләмәсе һәм Россия Федерациясе Гражданлык кодексы дәүләт һәм муниципаль вазифаларны үтәүче затларга, дәүләт һәм муниципаль хезмәткәрләренә, аерым оешмаларда эшләүчеләргә хезмәт (эш) бурычын үтәүгә бәйле рәвештә бүләк бирүне һәм алуны тыя.

Якынлашып килә торган Яңа ел һәм Раштуа бәйрәмнәре алдыннан Россия Федерациясенең Хезмәт һәм социаль яклау министрлыгы бүләк бирү һәм алуны тыю кагыйдәләрен үтәргә кирәклеге турында искәртә.

«Свияжск утрау-шәһәре» дәүләт тарих-архитектура һәм сәнгать музей-тыюлыгы һәм «Ялкау Торжок» тарихи фехтование һәм реконструкция үзәге» кунакларны Яӊа ел чараларына чакыра.

«Свияжск уеннары» музыкаль – уен күңел ачу интерактив программасы.

Чараны тасвирлау: борынгы уеннар, күңелле биюләр, фольклор коллективы җитәкчелегендә җырлар башкару. Аралашу өчен гаҗәеп атмосфера, балаларныӊ һәм ата-аналарныӊ уеннарда күмәк катнашуы төрле буын вәкилләренеӊ якынаюына теләктәшлек итә.

12 нче декабрь 10:00 сәгатьтә Татарстан Республикасы Министрлар кабинетында «Татарстан Республикасында Яӊа ел бәйрәмнәренеӊ туристик программасы турында» дип аталган брифинг узачак. Брифингта Татарстан Республикасы Туризм буенча дәүләт комитеты рәисе Сергей Иванов, «Туризмны үстерү комитеты» муниципаль бюджет оешмасы директоры Дарья Санникова, ««Казан Кремле» дәүләт тарих-архитектура һәм сәнгать музей-тыюлыгы» дәүләт бюджет оешмасы фәнни эшләр буенча директор урынбасары Светлана Коновалова, Алабуга дәүләт тарих-архитектура һәм сәнгать музей-тыюлыгын үстерү буенча генераль директор урынбасары Тәнзилә Агишина, Болгар дәүләт тарих-архитектура музей-тыюлыгын үстерү буенча директор урынбасары Лилия Сафина, «Свияжск утрау-шәһәре» дәүләт тарих-архитектура һәм сәнгать музей-тыюлыгы туризм бүлеге башлыгы Алла Елисеева катнашачаклар. Алар Татарстанда Яңа елга әзерлек буенча нинди эшләр алып барылуы, Яңа ел каникулларына күпме турист көтелүе һәм нинди мәдәни һәм күңел ачу программалары әзерләнгәнлеге турында сөйләячәкләр. Шулай ук, брифингта катнашучылар журналистлар сорауларына җавап бирәчәкләр. 

2017 нче елныӊ 12 нче декабрендә 12:00 сәгатьтән 20:00 сәгатькә кадәр, Россия Федерациясе Президенты боерыгы нигезендә, Россия Федерациясе дәүләт хакимияте һәм җирле үзидарә органнарында Гомумроссия гражданнар кабул итү көне үтәчәк.

Татарстан Республикасы Туризм буенча дәүләт комитетында гражданнарны кабул итү түбәндәге адрес буенча үткәреләчәк: Татарстан Республикасы, Казан шәһәре, М.Горький ур., 19 нчы йорт.

«Кыш Бабай һәм Кар Кызы резиденциясе» Арча районы Яӊа Кырлай авылында янә үзенеӊ кунакларын көтә. Ул әкияттәгедәй чыршы урманында, Ия елгасы буенда, Казаннан 80 километрда Яӊа Кырлай авылында урнашкан. Әкияткә сәяхәт урман аланында башлана, анда кунакларны Шайтан каршы ала һәм кыш бабайныӊ биләмәсенә алып бара. Кыш бабайныӊ йортына кадәр кунакларга Шүрәле картасы буенча барырга туры килә. Кункаларны юлда күпсанлы маҗаралар көтә – борынгы әкиятләр, катлаулы табышмаклар, тылсым һәм могҗизалар һәм, шулай ук, әкият геройлары: Шүрәле – барлык урман юлларын һәм сукмакларын белүче (Урман иясе), дустанә һәм явыз булмаган Шайтан (Җен), күӊелле Убырлы Карчык, борынгы Аҗдаһа, көчле һәм кыю Батыр, гүзәл Алтынчәч, гашыйклар Таһир һәм Зөһрә – алар барысы да Кыш бабайга кунакка килүчеләрне каршы алачак һәм күңелле ял иттерәчәк.

Airbaltic Латвия милли авиакомпаниясе кышкы чорга планнарын хәбәр итте. АirBaltic кышкы чорда, 2017 нче елныӊ 14 нче декабреннән 2018 нче елныӊ 25 нче январенә кадәр, Казаннан Ригага рейслар башкаруын дәвам итәчәк. Очышлар Казаннан Ригага атнага ике тапкыр Boeing 737 самолётында башкарылачак. Очышныӊ озынлыгы – 2 сәгать һәм 40 минут. Кышкы очышлар тәртибе авиакомпания сайтыныӊ броньлау системасына кертелгән һәм билетларны инде сатып алу мөмкинлеге дә бар.